الجو حلو....شوي مطر شوي شمس....والمرتفعات كلها باردة.
تحياتي

حاليا الجو جميل جدا
امطار وغيوم
اما بالنسبة لدرجة الحرارة
ما اعتقد انها توصل لدرجة 35
ان ضربت الحمى بتوصل لل 26 - 28
عندها تقدر تهرب الى قينتيج وكاميرون هايلاند
واجازة سعيدة يالطيب

شوف أخوي المشرف
ماليزيا جو استوائي يعني حرهم على رطوبه شوي لكن الحراره بالظل محتمله و بالمساء يتعدل الجو و يحلي التمشي خصوصا في شارع العرب بكوالالمبور او بسوق الليل ببنغ ..
و الي يساعد على تقبل جو ماليزيا السماء مغيمة غالبا و الأمطار الحلوه الي تفاجئك باي لحظة ( فلاتنسي المظله )..
و مثل ما قالوا لك الاخوان مرتفعات جنتنغ و الكاميرون جوهم بارد ( إحسب حساب الملابس الثقيله للأطفال و ملابس ذات الأكمام الطويله لكم )
فبماليزيا بتجرب انواع من الطقس ... لكن مهما يكون لا تعتقد انه الحراره عندهم بتكون مثل حرارة جونا لاهوب وسموم ,, فكل حراره بالعالم برايي تهون جدام حرنا بالخليج
تحياتي ..............

مثل ما قالت أختي الباحثة ... ما في حرارة و سموم زي عندنا في الخليج ....
الجو مو حار و لكن الرطوبة الله يعينك عليها مثل جدة عندنا .......
تروح و ترجع بالسلامة .... العربية ...

طيب كيف الرطوبة هل هي غثيثة زي جدة والشرقية في الصيف ولا كيف
عشان الواحد يدبر ملابس تناسب المكان
طبعا الكلام في فترة الصيف

يعطيج العافيه يا العربيه
شوف أخوي الليلكي ما اعتقد فيه رطوبه مثل رطوبتنا ,,, شرق آسيا على الاقل رطوبتهم يمكن يتبعها مطر و غيوم تملأ السماء ووجود الخضار داير ما دايرك ,,اما رطوبتنا فالله المستعان ماكو غير العصره و الشمس و الحمد لله على كل حال ,,
عموما اللبس داخل كوالالمبور وبيننغ مالك غير التي شيرت و الملابس القطنيه الخفيفه و طبعا الجينز والشورت الاسلامي لابد منهم احيانا ..
اما في جنتنغ هاي لاند والكاميرون احسب حساب الجاكيت او الملابس القطنيه الثقيله ذات الكم الطويل
تحياتي ....................