زرت ماليزيا مرتين أكيد الآن خبير مايحتاج
إذا تبغى تضيف ماليزيا ممكن أول شيء تروح مباشرة على أندونيسيا 5 أيام
ثم ماليزيا 10 أيام تروح بورت ديكسون تأخذ فيلا بمسبح داخلي ليلتين
ثم تطير إلى لنكاوي 3 ليالي
ثم ترجع كوالا ال 5 ليالي الأخيرة
أنا مثلك زرت ماليزيا مرتين من قبل ومخطط الزيارة القادمة أضيف عليها أندويسيا
بنفس البرنامج اللي ذكرته لك .. ولا تنس لما ترجع تخبرنا عن تجربتك
رحلة موفقة إن شاء الله

مرحبا اخوي
ما قصرت
انا زرت ماليزيا قبل اول مره شهر العسل وثاني مره كان عندي بنت صغيره عمرها 5 شهور ... واكيد التجربتين تختلف اختلاف كلي لان المره الثانيه كنا انحاسب قبل ما نطلع والصغيره طاحت من فوق القنفه يوم كنا في صن وي لاقون وع طول سرنا المستشفى ايام حلوه بس فنفس الوقت كانت تجربه صعبه ,,,
متى ناوي اتروح

بس انا ارتب قبل السفره عادي بثلاث شهور اكون حاجز كل شي ... الاسعار واايد تختلف ... بس بغيت اسالك اخوي وين هالمنطقه الي تقول عنها بورت ديكسون
والسموحه

أنا بإذن الله ناي عليها سبتمبر 2011 إن شاء الله
بورت ديكسون تبعد ساعة ونص عن كوالا
تفضل هذين الرابطين فيهم كل شيء عن بورت ديكسون والفندق:
https://artravelers.com/p/re/431192

ان شاء الله بمرر بالرابطه لان حلو الواحد يغير انا المرتين الي طافن نفس الجدول ما غيرت شي بس الفنادق

كل حد يقولنا تجاربه .. وكيف كان جدوله ... وخاصه اذا كان معاي الحرمه والصغيره
والسموحه