السلام عليكم ورحمة الله وبركاته
عدت قبل ساعات من ماليزيا في رحلة استغرقت 20 يوما وهي الثانيه لي ..
خط الرحله كان
3 ليالي صن واي لاقون رائعه جدا
4 ليالي بينانغ شنجريلا راسا سايانغ ايضا في منتهى الروعه (الاوتيل بحد ذاته سياحه )
3ليالي لنكاوي لاقون والله يسامح اللي شار علينا بها الاوتيل المريض
اوتيل وصخ مليان حشرات نجمتين مايسوى والله كان نقطه سودا باالرحله والله الملاحظات المصوره لاحقا ان شاء الله
ليلتين اوانا جنتنغ طبعا هذي الليتين باالحجز بس انا من شفت الغرفه وريحتها المخيسه واثاثها اللي من عام الفيل لا ومافيها مكيف سوينا شيك اوت بعد نص ساعه من الشيك ان كان حجزي سويت غرفه وصاله
رحنا كوالا لمبور اللي كان عندي حجز فيها بعد ليلتين من اوانا لمدة 7 ليالي زدتها ليلتين وطلع لي سعر الغرفه 850 رنجت لليله
مع انو باالحجز اللي من النت سعر الغرفه ب425 رنجت لليله
يعني دفعنا لليلتين 1700
وللسبع ليالي 2975
العشرة ايام في كوالا بمنتهى الروعه مرت سريعه جدا
لكن لو اعطيت خيار السفر الى ماليزيا مره اخرى لن اذهب لاسباب
منها ان ماليزيا اصبحت غاليه جدا جدا كاي دوله اوروبيه
كنا قد وضعنا ميزانيه 500 ريال كحد اقصى لليوم الواحد ولكن فعليا 1000 ريال يوميا مصروف شخصي
لي انا وزوجي وبنتي الصغيره 5 اعوام
0يوم كلفتنا باالفنادق المذكوره 38 الف تقريبا
0تذاكر
0سكن + 1800 تريدرز خارج الحسبه
0مصروف شخصي
التكاسي حد ادنى في اليوم 100 رنجت
تذاكر الدخول لاي حديقه لاتقل عن 100 رنجت لنا نحن الثلاثه
العشاء او الغداء في مطعم على بوكيت بناتنج من 150 الى 250 رنجت
الماء ب3 ريال
الببسي بريالين ونص والحسابه بتحسب
وهذي اسعار البقالات وش عاد الاماكن السياحيه
لو بتطلع لبوكيت تنجي من كوالا 300 الى 400 رنجت تكسي 200رنجت تذاكر واكل واللزي منو
وهذا نص يوم تبقى الفتره المسائيه يبيلها بعد 200
الاسواق اقل مننا بكثير بضاعه ونوعيه لكن اغلا مننا بمراحل وانت مضطر تشتري لانه محسوبه عليك سفره تبي هدايا وتبي تتقضى لك
..
مع انو احنا ماشرينا شي يذكر بعض التذكارات والهدايا حقات ابو ريالين مافي شي يسوى ابدا يعني مانعتبر انفسنا تسوقنا ابدا
رايي ان ماليزيا صارت مهيب لم سالفه ابدا ابدا
وتحسفت عدد شعر راسي اني مااخترت استراليا او بريطانيا 10 ايام افضل من ماليزيا
الصينين ايضا صارو كثار بشكل مقرف كأنك في هونج كونج
ملاحظات كثيره وصور كثيره اكثر من 2000 صوره في جعبتي لكن ماان ارتاح من عناءالسفر ساضعها في موضوع مستقل ..
تحياتي للجميع ..