بسم الله الرحمن الرحيم
بالبداية
أحب أرحب بكل اللي شرفوني بموضوعي
وراح يتحفوني بردودهم ويشجعوني لحد ما أكمل التقرير أن شاء الله
وكلمه شكر وتقدير لكل القائمين والمشرفين بهذا الصرح العملاق
الحمد الله أن ربي ييسر لي وحقق لي أمنيتي بالرجوع لماليزيا
مرة 2
طبعا لازم تعرفون شغله قبل كل شي
أنا وحدة أعشق ماليزيا مثل ما يقولون من عشاق ماليزيا
عشقتها من زيارتي السابقه لها ب سنة 2006
أي أحد يسألني أي أحلى مكان سافرتي له
أقولهم ماليزيا
أي أحد يسألني عن وجهه للعرسان
أقولهم ماليزيا
لأني صج حسيت بالمرة الأولى
اني ما شبعت منها
و كانت هاجس بالنسبه لي
طوول هالفترة وانا كنت حاطه ببالي أني لو فكرت وصارت لي فرصه أخطط لسفر
في يوم من الأيام
راح تكون وجهتي الأولى مكان وااحد بس
وهو طبعا عشقي الأبدي
زيزا

طول هالمده وأنا
ابغي اللحظه اللي اركب فيها الطيارة وتكون وجهتي لكوالالمبور
والحمد الله ربي يسر لي ورجعت لعشقي ماليزيا

بس للأسف الشديد هالمرة المده المحدده لي بالسفر مده قليله
1ليلة بس
وكان خاطري ألف ماليزيا كلها
وبنفس الوقت بعد خاطري أشوف تايلند
لأني
سمعت ووايد ناس يقولون تايلند حلوة وسوق بانكوك أحلى وأرخص من ماليزيا فقسمت الأيام بين ماليزيا وتايلند
عشان ما يطوفني السوق
وبنفس الوقت سمعت عن الفانتزي شو
في بوكت
وناس وايد قالوا لي اللي ما يروح الفانتزي شو
كأنه ما راح تايلند !!!
و
صرت في حيرة من أمري أزيد وأزيد
أروح تايلند والا اشيلها خلاص من البرنامج
!!؟؟؟!!
وآخر شي توكلت على الله
وقلت بخصص 4 أيام لتايلند
2 ليلتين بوكت وهدفي من بوكت فقط الفانتزي شوو أهم شي
اللي كل الناس تتكلم عنه
و2 يومين تسوق في بانكوك
اللحين بتقولون وايد تنقلات
صح
وايد تنقلات بس ما خليت مكان بخاطري ما رحته
وهذا أهم شي
ولأن المده اللي راح أقضيها بماليزيا قليله
فكنت محتارة ووين أروح وشلون أرتب الأماكن
فرتبتها على حسب ميولي الشخصيه
فبرنامج رحلتي متعب
وما ينفع لناس يروحون لماليزيا
لأول مرة
لأن أماكن سياحيه بالهبل ما رحنا لها
ولا قربنا صوبها
تقريري فيه ظلم لماليزيا وجمال ماليزيا
لأنه مثل ما يقولون مختصر مفيد
نجي اللحين
لبرنامج الرحله
ليلتين منتجع صن واي لاقون ريزورت 5 نجوم
سعر الليله للغرفه المزدوجه مع الأفطار 68 دينار بحريني
ليلتين جنتنغ
فندق مكسيمس 5 نجوم
سعر الغرفه المزدوجه مع الأفطار 52 دينار بحريني
ليلة كوالالمبور
فندق جراند ميلينيوم 5 نجوم
سعر الغرفه المزدوجه مع الأفطار 58 دينار بحريني
ليلتين بينانغ
فندق شنغريلا قولدن ساندس 4 + نجوم
سعر الغرفه المزدوجه مع الأفطار 63 دينار بحريني
ليلتين بوكت
فندق بانتاي بيج ريزورت 4 نجوم +
سعر الغرفه المزدوجه مع الأفطار 44 دينار بحريني
ليلتين بانكوك
فندق نوفوتيل سيام سكوير 4 نجوم +
سعر الغرفه المزدوجه مع الأفطار 45 دينار بحريني
طبعا راح تقولون حراام البرنامج مضغوط
وما شبعتو ا من كولالمبور
اي والله ما شبعنا
بس لضيق الوقت ولأني فضلت ان بدل
ما اقعد الفترة الباقيه في كوالالمبور وأروح أماكن انا رحتها بالمرة السابقه
فضلت اروح بينانغ ومن بينانغ أروح لبوكت
خصوصا
أن كان بخااطري اروح بينانغ من ذيك المرة ما شبعت منها
فكنت افكر ان لالالازم بينانغ تكون بالمخطط
طبعا اخترت الفنادق بعضها على اساس اني مجربتها من قبل
وأعرف مستوى الفندق
والبعض لأن سمعت واايد مدح عليهم
والبعض لأن شفت صوور للفندق وعجبني من الصور
والموقع
بالنسبه للحجوزات لأن ما كان في وقت
حجزت قبل السفر بمده قصيرة
فكانت حجوزاتنا أغلبها عن طريق مكتب سياحي
بس
فندق جنتنغ اللي ما حصلت حجز بالمكتب
وحجزت بروحي بالأنترنت سريع سريع
عن طريق موقع آسيا رومز
الموقع آمن وسهل الأستخدام
بأقل من دقيقتين والحجز مؤكد عندي
قبل السفر بيومين رحت وصرفت فلوس لماليزيا
ولتايلند
قلت ما أبغي أدوش عمري بمكاتب الصرف هناك

واللحين نجي لترتيب الحجوزات والأوراق الضروريه
رتبت الظروف
خصصت كل ظرف فيه شي
مثلا بأول ظرف تذاكر الطيران الدولي

2 ظرف كان فيه فوتشرات الفنادق لماليزيا بالترتيب
كل فندق حسب ترتيب الرحله يعني أول ما أفتح الظرف القى فوتشر فندق صن واي لاقون بعدها جنتنغ بعدها
جراند ميلينيوم بعدها الشنغريلا قولدن ساندس
بالترتيب
3 ظرف كان مخصص لتذاكر الطيران الداخلي
فاير فلاي من بينانغ لبوكت
4 ظرف مخصص لفنادق تايلند
بعد نفس الشي بالترتيب أول شي فندق بوكت وبعدها فندق بانكوك
وخامس
ظرف تذاكر الطيران الداخلي بتايلند من بوكت لحد بانكوك عن طريق تاي اير
طريقه ترتيب الظروف
بهالشكل
مضبوطه 100 %
صج صج هالطريقه مفيده وسهله وارتب
طبعا الظروف كتبت عليهم كل واحد
اسمه أو شنو محتواه
بس بعد ما صورتهم لكم

يتبع
الرجاء عدم الرد