ابو عبدالعزيز2
10-09-2022 - 11:16 am
أسلام عليكم ورحمة الله وبركاته
إخواني الغاليين تحية طيبة
يسعدني أن أكون احد المنتسبين لمنتداكم لذا كلي أمل فيكم حيث إني وقعت في مشكله والحيرة من أمري ولم أجد سواكم لمساعدتي وكلي رجاء في مساعدتي .
وهي إني قررت أن أسفر أنا والعائلة لشرق أسيا وهذي أول مره نسافر لشرق أسيا ومحتار بين دولتين:
1-ماليزيا
2-تايلاند
لذلك أرجو مساعدتي بالإجابة على بعض الاستفسارات أكون شاكر ومقدر لكم .
1- الأمان؟
3-مستشفيات (( لوجد أطفال ))؟
4-جمال وطبيعة وترفيه؟
5-الأكل؟
6-درجة الحرارة؟
7-التسوق؟
8-الأسعار؟
9-أيهم تفضل ؟
معلومات ممكن تساعدكم
1- أنا وزوجتي وطفل (4سنوات) ورضيع
2- مدة الرحلة من 15 إلى 18 يوم مع أيام السفر
3- وقت السفر شهر 4 / 2008
أشكركم على رحابة صدركم وقبولي صديق جديد لكم
صباح الخير والطاعه ..
اخي في الله ... كلا البلدتين .. فيها من الجمال والطبيعه .. وكلا من البلدتين لها ميزه تختلف عن الاخرى..
لكن من واقع تجربه لي ... انا انصحك بالسفر لماليزيا ..
1- الأمان؟
مجرد انك ما تنزل مطار كولالمبور راح تشوف انك نازل بمطار السعوديه .. لكثره الخليجيين العوائل .. والله ترتاح نفسيا
حتى داخل البلده كل مكان تروح له وكل شارع وكل فندق وكل جزيره راح تلقى معاك خليجيين
ويكفي ان شعبها خدوم ومتعاون لابعد الحدود
3-مستشفيات (( لوجد أطفال ))؟
بصراحه مره تعب علينا الوالد وكان هو الرجال الوحيد بالرحله .. وخفنا عليه كثير كلمنا الاستعلامات والحمد لله لما سمع صوتي عربيه خلاني انتظر ونادا لي واحد سوداني مخصوص للسياح العرب وقتله وقالي انا اجيب لكم طبيب للفندق..بس الوالد الله يهديه ما رضى وخذا علاج من كيفه لين كملنا رحلتنا ...
وحتى بعد واحنى نتمشي يقوم هذا مبني مستشفى .... يعني بكل دوله فيها مستشفيات اخذلك اقرب تاكسي ويوديك
ماراح يعوق شر ... وان شاء الله ماتحتاجون المستشفيات ..بس خذو معاكم الادويه اللازمه ..
4-جمال وطبيعة وترفيه؟
تطمن ماليزيا آسيا الحقيقيه ... كل ما تطيب نفسك فيها جمال وطبيعه وشلالات وحدائق وترفيه
عندك التقارير المصوره تقدر تستفيد منها واتساعدك كثير .. وهي اكبر برهان ودليل لجمال ماليزيا ..
مثل تقرير ...
ابو لينا ..
http:/https://artravelers.com/p/re/86923
وتقرير اخونا مهند ..
http:/https://artravelers.com/p/re/144933
وتقرير اختنا سارونه ..
http:/https://artravelers.com/p/re/158002
5-الأكل؟
كثير من يحاتي هالنقطه .. ويقول ماليزيا اذا رحتها تموت جووع ... بالعكس ياخوي .. عندك شارع العرب
كله مطاعم عربيه .. فيه مطعم لبناني .. ومطعم ايراني ومطاعم كثيره راع تعجبك ... حتى المطاعم السريعه اكلها لذيذ
6-درجة الحرارة؟
والله درجه الحرراه على حسب الشهر اللي انت بتروحله ... وبشهر 4 والله ما ادري كيف الاتجواء عندهم ..
بس انا كانت رحلتي بشهر 7و8 .. كانت الاجواء عاديه واللبس صيفي .. بس بجنتنق فيه بروده شوي ..
المرتفعات ابرد من المناطق الثانيه
7-التسوق؟
كل مكان فيه مركز تسويق وكل منطقه فيها مراكز تسويق وصيدليات وسوبر ماركت وكل شئ
وكل جزيره او منطقه بتروح لها فيها مركز تسويق خاص فيها بكل شئ
8-الأسعار؟
الاسعار عامه واجمالي نفس اسعارنا تقريبا وانا اشوفها من نظري ارخص بشوي
اما المشتريات والتسوق والملابس على حسب المركز التسويق اللي انت فيه بعضه ماركات غاليه وبعضه عادي واسعاره عاديه.. اما اسعار الاكل والشرب لا رخيصه اكثر من عندنا حتى بالسوبر ماركت ..
9-أيهم تفضل ؟
بالنسبه لرأيي افضل ماليزيا اكثر ولعده اسباب ..
اولا ... لكثره السياح الخليجين اكثر من تايلند ... ما اقولك تايلند ما فيها سياح ... لا فيها .. بس ماليزيا اكثر
ثانيا ... الامان والطمأنينيه والراحه وربي بماليزيا اكثر من تايلند ..
ثالثا ... ماليزيا انظف بيئه وشعبا واكل من تايلند ..
رابعا ... شعب ماليزيا عموما تعود على السياح والخليج فماراح تلاقي احراجات نفس تايلند ..
خامسا .. لو حطيت ماليزيا بكف .. وتايلند بكف ... بصراحه ترجح عندي ماليزيا .. وبقوه .. واتمنى لو اعيد الزياره لها ..
واخيرا .. اختلاف الرأي لا يفسد للود قضيه ..
$$$$$$$
## هذا جدول بسيط مني .. مع الرحلات الحلوه بكل منطقه يمكن تفيدك .. لمده 15 يوم في ماليزيا ..
سيلانجور 2يومين
فندق ( صن واي لاقون )
## المدينه المائيه جنب الفندق وفيها مركز تسويق وسكيت ومطاعم ...
جنتق 2 يومين
فندق ( فريست وورلد )
## مدينه العاب ( ملاهي ).. واجواء روعه امطار وضبااب .. وسووق داخلي صغير
سينما ... القريه الفرنسيه ( تبعد ساعه عن جنتق ) ... القريه اليابانيه ومزرعه الارانب
لانكاوي 3 ايام
فندق ( وستن لانكاوي ) >> شيراتون بردانا سابقا
اذا تحب تغير اكثر من فندق ... تقدر ..
تخلي يومين بفندق ... ويوم بمنتجع بيلاجي بيتش
##عالم تحت الماء ... رحلنه نهر المانقروف ... تريفليك لانكاوي ومركز تسويق
حديقه الفواكه .... بيتش لانكاوي .. شلالات لانكاوي
بياننغ 3 يومين
فندق ( بي فيو بيتش )
## السوق الليلي ... مطعم السفينه .... حديقه الفراشات
هضبه بياننغ (قطار) ... رحله جزيره القرود ... سوق كوين دي مول
مرتفعات الكاميرون 2 يومين
فندق ( century pines resort )
او فندق حديقه الفرواله ( strawberry park hotel )
## حديقه النباتات والفراشات والحشرات والزواحف ... وجمال الطبيعه والمزارع
القمم الجبليه ... مزارع الصبار والفراوله والشاي ..
كوالالمبور 3 ايام
فندق ( المندرين اورنتال ) مطل ع البرجين وخطير
وعندك فندق ( تريدرز ) بعد حلو ...
وبعد فندق ( التايمز سكوير )
بس الافضل بالنسبه لي المندرين اورنتال
## مجمع سوريا التجاري قريب من الفندق ومن البرجين ..
شارع العرب ... وفيه مطاعم حلوه وكله مجماعات وتسوق
حديقه الطيور ... حديقه الفراشات ... حديقه الحيوانات
افاموزا يشمل حديقه حيوان ومدينه مائيه و منتجع وشاليهات
البرجين وبرج المناره.... دولاب الرصد( عين ماليزيا )
اكواريا عالم تحت الماء ..
مجمع الفير ومنتجع الماينز >> هذولا عند فندق الخيول الذهبيه ..
بس الفندق مايستاهل تسكن فيه فخامه بس خارجيه
اتمنى لكم رحله سعيده .. والقرار بالاخير راجع لك ...
والناس اذواق واراء ... واختلاف الرأي لا يفسد للود قضيه