.... وجا وقت الشوي .... .... طبعاً الرحلة من الارشيف ولكن حبيت انقل لكم تجربتي وياريت الكل يجاوب واتمنى ان التقرير نال على اعجابكم

ماشاءالله روعه يابو حمد
تصدق ماعمري بهرت لحم للشوي ولا دجاج
احنا اذا بغينا نروح للشوي
عندنا اخوي من جهة وزوجة اخوي الثاني من جهة ثانيه
ولازم اللتتبيلة تتجهز قبل الرحله ويكون بعد قبلها بليله
لان نبيه ياخذ طعم التتبيله عدل ...
اسمعهم يقولون بالاضافة للبهارات يحطون الكيوي لان يطري اللحم اسرع
الشوي حلاته باسياخ ومو جدر اما اذا لطبخ المجابيس
ممكن نجرب العادي او جدر الضغط لاستواء اللحم
وخلطتك عجيبه الثنتين ما شاءالله عليكم بالعافيه

ماشاءالله عليك
لا احب التتبيل
احب قدر الضغط اريح

مشاء الله تبارك الله
بخصوص الشوي
اذا كانت اللحمة طازجه ، بدون تتبيل اشويها وبعد ما تنضج يكفيها رشة ملح
اما الطبخ
افضل القدر الكاتك ( الضغط )
وعوافي على الجميع

ماذا تفضل في الرحلات البرية ... ؟؟....هل تفضل ان تاخذ اللحم او الدجاج متبل (مبهر) قبل الرحلة او تتبله (تبهره) في الرحلة ؟....الدجاج المبهر لأنه في البر ولازم يكون كل شيء سهل لأنه الوالد لما يشوف احد يتحرك كثيرههه ما يرتاح لازم يصيح على أحد طبعا إحنا ناخذه لما نشوي على طول مو ناخذه من اول الرحلة يعني لو بنشوي في العصر ما راح نشتري الدجاج في الظهر يطلع أي واحد منا للسوبر ماركت ويجيب كل شيءأتمنى وصلت المعلومة ....هل تفضل الطبخ بالقدر (الجدر) العادي , ام بقدر (جدر) الضغط ؟ ولماذأ ؟....مع الجماعة القدر العادي مع العائلة الضغط لا تسأليني ليشش والله ما أعرف بس مع العائلة الأكثر الشوي ما نستخدم الضغط ولا القدر.....
البصل دائما مهم في أي شيء بس انا من أكثر الناس اللي ما أحب البصل ولا أحب أشوفه
ولو غني عارف ما يزين الأكل من دونه حتى البصل المشوي ولو إني أحب ريحته بس ما أحب اكله
الله يعطيك العافية يا أخي عليك صور تخلي الواحد يركب السيارة
ويروح أي مكان لو قدام البيت ويشوي ههه
شكرا لك

انا اوافق ابو حصه الرأي .. اللحمة الطازجة ماتحتاج تبهير .. وبالكشتات دايم اللحم طازج
وقدر الضغط مالنا غناة عنه يوفر وقت ويريح
اشكرك على الصور الحلوة ..

قدر الضغط للمستعجل والرحلة سريع سريع
التتبيل والاضافات للي باله طويل ورايق ههه ومعه

ما ادري شو اقولك اخوي عامر بس كل واحد يشوف الطريقة اللى تناسبه
بالنسبة لي ضروري ابهر الدياي او اللحم من الصبح
اصلا حلات الطلعة يكون كل شي جاهز
نحن ما نستخدم الجدر في الطلعات بس شوي
يعطيك العافية اخوي