السلام عليكم و رحمة الله ,,
يا جماعة الخير السالفه و ما فيها : عائله مكونه من 8 أشخاص بينهم طفلين راح إن شاء الله يطبون ماليزيا أول مره ,,
أنا قرأت عدة مواضيع هنا و يعطيهم العافيه ما قصروا الكتاب في وضع الأماكن السياحيه و المجمعات و المطاعم في كوالا و بينينج و لينكاوي و جينتينغ و غيرها ,,
فيه بعض الأسئله المهمه اللي أزعجتني :
1 ) هل يوجد من مطار الدمام أو مطار البحرين رحلات مباشره على لينكاوي ؟ اللي أعرفه إن الأغلب يذهبون ل كوالا العاصمه و من مطار كوالا نفسه ياخذون رحله داخليه على مطار لينكاوي ,,
فأنا فكرت لو فيه رحله مباشره من الدمام او البحرين يكون أريح و أفضل , ل أني ناوي أول مدينه هي لينكاوي عشان نرتاح فيها بعد زحمة السفر و التعب ,,
فهل توجد رحلات مباشره ل لينكاوي و لا لأ ؟
2 ) من لينكاوي إلى بينينج , كم تستغرق رحلة الفيري ( العباره ) ؟
3 ) من بينينج إلى كوالا لمبور قرأت أن الرحله بالسياره تستغرق تقريبا 4 ساعات أو أكثر بقليل , هل الرحله البريه هذي جميله و مشوقه و تستاهل و لا آخذ طائره أو فيري ؟
4 ) الأماكن السياحيه معروفه لدي الجميع و طبعا راح نقضي أوقاتنا إن شاء الله في زيارتها من اول النهار حتى مغيب الشمس ,,
السؤال المهم هو : بالليل يا جماعه وين الأماكن اللي تصلح ل العائله ؟
يعني الواحد بالليل وده يتمشى مع عائلته وين يروح سواء في كوالالمبور و بينينج و لينكاوي ؟
5 ) نحن عائله من 8 أشخاص و السياره الأفضل لنا يجب أن تكون كبيره بالحجم , يعني فان او سوبربان !!!
انا شاهدت بعض تقارير الإخوان اللي قالوا إن السواق هذا او الشركه هذي عندهم سيارات فان عائليه و لما فتحت صورها لقيتها باصات مرسيدس !!!!!
يعني كأننا طلاب مو سياح ههه
عشان كذا لو فيه شركات عندهم سيارات راهيه و كبيره او سواقين عندهم هالنوعيه ياليت أحد يتكرم و يفيدنا بالشغله هذي ,,
6 ) راح أذكر أسماء بعض الفنادق في كوالالمبور و بينينج و ياليت تقولون لي وش هي أفضلهم موقع :
كوالالمبور : ماريوت , برينس , برجايا تايم سكوير , استانا , ميليا ؟
بينينج : الشيراتون , باي فيو بيتش , نورثان ؟
طبعا بالنسبه ل كوالا يفضل أن يكون السكن على شارع العرب او قريب جدا منه و بالنسبه ل بينينج يفضل يكون قريب من الزحمه و السوق الليلي , يعني مو بعيد عن الحياه الصاخبه ,,
و يعطيكم العافيه جميعا إن شاء الله .