ماليزيا المسافرون العرب

أكتشف العالم بين يديك المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة. artravelers.com ..
غشيم ويعاند
05-10-2022 - 01:32 pm
السلام عليكم ورحمة الله وبركاته
هل لنكاوي وجهة بدلية عن بوكيت لشباب محافظ؟ .. ماني مناظر مش ولا بد .
وكم تقريبا تكلف للشخص الواحد ؟


التعليقات (9)
Night Perfume
Night Perfume
أخوي لو تقرا مواضيع الاعضاء بتكسب معلومات كثير
انا عادة امر على المواضيع والاستفسارات ويمكن اقدر اجاوبك
لنكاوي بنظري افضل حتى من كوالالمبور
لأنها طبيعة قد سمعت عن سحر الطبيعة .. هذا هي
لعلمك انا قررت اروح ماليزيا علشان لنكاوي ورحلتي بعد اسبوعين باذن الله
لنكاوي افضل اكيد .. بالنسبة للمحافظة ماليزيا كلها محافظة .. تطمن
والشباب مايقصرون يعطونك العلم كله
ترى عندك وافي بزمن جافي هذا يعطيك اللي تبيه حتى لو تغثه بالاسئلة ماعنده مشكلة ههه

وافي بزمن جافي
وافي بزمن جافي
هلابك حبيبنا الغالي
بصراحة ( لنكاوي ) رائعة وراقية وتناسب الجميع ...
ولنكاوي جزيرة يزروها ( الألاف ) من السياح بأختلاف أديانهم وثقافاتهم ...
فمن الطبيعي أن تنتشر بعض المناظر ( مش ولابد ) على قولك
لكن الحل :
زيارة البحر في أوقات هادئة مثل ( وقت الشروق ) ... أو الصباح الباكر ... وبأذن الله ماتشوف شيء ...
وبخصوص التكلفة ... تعتمد على العدد ... وأختيار الفنادق ... هناك الأقتصادية وهناك الفخمة وهناك المتوسطة ...
الميزانية هي اللي تحدد يالغالي

غشيم ويعاند
غشيم ويعاند
عطر الليل .. اشكرك على تواجدك الاول
وافي بزمن جافي .. شى طيب اني اقدر ابتعد عن المناظر هذي .. طيب حتى في الرحلات؟ لان اللي اعرفه في بوكيت المناظر هذي معاي معاي . اذا مارحت الشاطئ راح اشوفها بالرحلات . والحمدالله شي يطمن ان مافيها عربدة .
بخصوص التكلفه اذا قلنا تقريبا 3 اشخاص .. تكلفة متوسطة

وافي بزمن جافي
وافي بزمن جافي
هلا بالغالي ( غشيم ويعاند )
أسأل الله أن يسعدك يارب ... وأن يحفظك بحفظه ... أهنئك والله على حرصك
كما ذكرت لك ... أختار الأوقات الهادئة لزيارة البحر والشاطيء ... وبأذن الله ماتشوف هاذي المناظر ...
أرشح لكم فندق ( لنكاوي لاقون ) غرفة ثلاثية ( 3 سرر ) ... وسعرها في الليلة بحدود ( 500 ريال ) ...
والمصروف اليومي لثلاثة أشخاص ( 450 ريال ) في لنكاوي ... شامل الجولات والمصاريف الأخرى ...

غشيم ويعاند
غشيم ويعاند
وافي بزمن جافي
اجمعين يارب العالمين ،،
واخر 3 اسئله اسف طولتها شوي
1) كم يوم تكفي للنكاوي ؟
2) تنصح نروح لاماكن ثانية غير لنكاوي . مثلا نقعد في كولالامبوركم يوم وراها بنكاوي ؟
3) شنو انواع الرحلات في لنكاوي ؟
وكل الشكر على صبرك

وش يقول ؟
وش يقول ؟
بجاوب ع السؤال الأخير ..
فيه في لنكاوي رحلة المانقروف . وقدر قرا عنها . رحله حلوه
فيه كمان الهلكوبتر .
وفيه اذا ماخاب ظني الباروشوت .

Bader, S
Bader, S
انا حاليا في لنكاوي انصحك في فندق برجايا لنكاوي ، او مثل ما قال خبيرنا العزيز لنكاوي لاقون بصراحه شي
انا سكنت في فندق متيارا وللاسف للاسف الشديد ما عجبني ابدً
الرحلات في وعلى حسب تخطيطك ووقتك
في المانقروف ، وفي التلفريك والقريه الشرقيه الدبابات و الخيل يعني في رحلات على كيفك بس ظبطها انت على حسب وقتك
الجزيره لا تتعدى 3 ليالي من وجهه نظري ، يوم مانقروف ويوم القريه الشرقيه ويوم ترتاح فيه..
ولك حريه الراي ولكن انا تحسفت على 4 يالي وهذا انا جالس بالنت زهقان :"(

وافي بزمن جافي
وافي بزمن جافي
غشيم ويعاند
هلا بالغالي ( غشيم ويعاند ) ...
1) لنكاوي تستحق ثلاثة أيام من وجهة نظري ..
2) البدابة الأجمل من سلانجور ثم لنكاوي ثم الختام بكوالا
3) في مطار لنكاوي توجد مكاتب سياحية ... عندهم رحلات متنوعة ومتعددة ... أختاروا من عندهم
4) أشهر وأجمل وأفضل رحلة ... هي رحلة ( المانغروف ) سعرها ( 280 رنقت ) لمدة أربع ساعات

ابوعبدالله ( الاسفار )
ابوعبدالله ( الاسفار )
عليكم السلام
ارشح لك الفندق الجديد التى افتتاحة شهر 5 ( مايو ) من هذه السنة من ضمن مجموعة الشيراتون هو فندق " فور بوينت " Four Point ذو الاربع نجوم و هو قريب من منتجع لنكاوى لاقون و منتجع برجايا و يمتاز بغرفة الواسعة
هذه نبذة عن هذا الفندق من تقديم الاخ سامح
https://artravelers.com/p/re/467140
للحجز على موقع الفندق الرسمى
http://www.starwoodhotels.com/fourpoints/property/overview/index.html?propertyID=3621
الغرفة سعرها قرابة 425 ريال
رحلة موفقة


خصم يصل إلى 25%