وعليكم السلام ورحمة الله وبركاته ...
حياك الله اخوي العنيد وابشر يا اخوي .
اخوي لو تزيد المبلغ شوي يكون افضل واريح للبال .
المطاعم اللي اكلهم حلال تلاقي وزارة التجارة عندهم تعطيهم
اذن بتعليق لوحة مكتوب عليها بالاخضر (حلال) وحتلاقيها
بأذن الله وبكثرة ..ولا تنسى اخوي انه ماليزيا دولة اسلامية .
للسائح لابد انك تنتبه انه في اوقات الليل المتأخرة لا بد انك
تدفع زيادة وهذا قانوني وايضاً انتبه من شراء السيدي هات
المقلدة (سي دي حرام) يسمونها لانهم يمسكون فيها البائع
والمشتري لانه المشتري هو من شجع البائع .
كاسر وخاصة في الاماكن الشعبية ولكن بأدب واحترام لانه
منهم من يغضب ويوصلونها للدم والضرب ...وان ما عجبك
اي شيء كله شكراً وامشي ولا تجادل او تستهزيء ترى الهنود
والصينيين ما عندهم الا السواطير واللسان الطويل .
انتبه بما انك اول مرة تروح ماليزيا عند قطع الشارع ...
ترى شوارعهم عكسنا ...ولاجل تتطمن طل يمين ويسار .
لا تخلي الاهل ان ذهبوا معاك يشيلون شنط الكتف وبها اموال
كثيرة واوراق مهمة ...خوفي من اهل الدبابات ينتشونها .
ان صادفتك مشكلة وشفت ما فيها الا القوة هدد على طول
بالشرطة السياحية واطلبهم وخلهم ياخذون حقك ..شعارهم
السائح على حق وترى هو اللي كاسر عيون اللي يجلسون
للسياح .
اماكن القمار وبعض اماكن المساج اللي اكيد انه به دعارة
يحط اعلان انه ممنوع دخول المسلمين ...والمساجد تراك
تفك حذيانك يكرمكم ربي في مكانه المحدد ولا تمشي به على
ارضيه المسجد .
ان شاء الله اكون افدت ولو بالقليل ...اسف اكتب ونفسي مقفلة.
ضايق صدري من اللي صار بالرياض ...الله يهدينا والمسلمين .
موفق اخوي وتروح وترجع بالسلامة والسلام عليكم

شكرا لك أخي الشعيبي
فعلا أنا صاحب الموضوع الأصلي
والقصة وما فيها أن الأخ الحبيب ( العنيد ) أعطاني رقم اشتراكه لكي أدخل المنتدى وأتعرف عليه فلما شفت روعته وابداعته قلت خليني أسجل فيه ... سجلت باسم ( المهاجر ) ولما حبيت أحط موضوع اكتشفت انني حطيته باشتراك ( العنيد )
رجعت مرة تانية وحطيته باسمي ( المهاجر )
عموما اكرر شكري الجزيل على ما اجبت به علي واتمنى من بقية الأحبة المشاركة والنصيحة .

سؤال /
الأشياء الثمينة كالمال وجواز السفر أين اضعها ؟؟؟

أخوي المهاجر .. بالنسبه للأشياء الثمينه ..
كل فندق راح تسكنه في غرفتك صندوق أمانات ( السيفتي بوكس ) تحطلها باص وورد وقبل لا تطلع حط أغراضك الثمينه فيها وقفل عليها .. ( طريقة وضع الباص وورد مكتوبه على السيفتي بوكس)..
ذكر بعض الشباب انه بعض الهاوس كيبينق عمال النظافه اللي مايخافون الله عندهم طريقه يفكون السيفتي بوكس اذا جو ينظفون وياخذون المقسوم .. أخوي الشعيبي ذكر حل قبل كذا لهذي المشكله بأنك قبل لاتطلع تحط فلوسك في ظرف وتلصقه عشان لو لاسمح الله واحد منهم حاول يسرق يشوف الظرف يتوهق ويخاف وماراح يفكه ان شاء الله ..
أنا بالنسبه لي ماخليهم ينظفون الغرفه إلا على عيني وانا فوق روسهم .. واذا جيت طالع أشغل لمبة ( دونت ديسترب ) و اذا كان لوحه نحطها وماراح أحد يدخل الغرفه يظنون انك بالداخل .. وكمان لازم يلتزمون هم ومايضايقونك ..
أخوي توكل على الله ترا والله الديره سهاله ان شاء الله كلش ميسر هناك .. انت بس توكل على الله وما عليك ..
تحياتي ..

بسم الله الرحمن الرحيم
انا اسامه قبل الرساله هذه ارسلته رسالة وشكرا جزيرا على الراد اخى بس عاوز افهمك حاجه واحده اذا انا ماكنته جادى فى موضوع السفر ديه ماكنته ارسلته هذه الرساله فاهم الموضوع ديه ؟؟؟؟؟؟ وشكرا