1. 5- استيكرات الطرق بين الدول


2. 6- بنزين السيارة

السلام عليكم
اطيب التحايا لكل الاشخاص الذين ساعدوني في هذه الرحلة في مقدمتهم البطل الربيش ابو سلطان والعزيز شخص ما والاخت هدوء العالم والغالي رعبوب
بدأت بالحجز عن طريق الخطوط العمانية ولم اكن اتوقعها بهذه الروعة حجزت لميونخ بسعر 6200 بالغين وطفل
الاشكاليات كانت لدي تتمحور في :
1- الانقليزية ضعيفة جدا
2- العباءة السوداء والنقاب
3- جوازات المطار
4- القيادة في اوروبا

5- استيكرات الطرق بين الدول

6- بنزين السيارة

وصلت لمطار ميونخ السابعة صباحا مع ثلاث عوائل سعودية وصلنا للمشكلة الاولى وهي جوزات المطار ولغتي الضعيفة .. يوجد موظفه وموظف اتجهت للموظفة بحكم معاي زوجتي اخذت الجوازات طلبت من زوجتي كشف الوجه للمطابقة .. بعدها سألتي سؤال فيها اسم ميونخ اعتقد انها تقول كم ستجلس في ميونخ رديت سياحة في ميونخ 5 ايام بعدها ختمت الجوارات ودخلنا ... انتهت مشكلتي الاولى بنجاح
بعد اخذ الشنط سألت عن سيكست دلوني عليها وصلت للموظفة ومن حسن حظي عربية كانت اظن سورية اخذت منها الكلام واعطيتها مابخاطري وكم سؤال .. اعطتني مقعد متحرك للطفل و المفتاح وقالت اتجه للمصعد C6 ومن بعد اتجه للموقف 225 واتكل على الله ... بعد كم سؤال وصلت للمصعد المقصود .. اتجهت للسيارة وركبت القارمن واتجهت لزيلامسي وكانت المسافة 190 كيلو لفندق سي فيلا
القيادة كانت مربكة بالبداية ولكن سرعان ما تأقلمت عليها ... بالنسبة للعباءة والنقاب هي هي الي بالرياض صحيح فيه نظرات واستغراب وتكرار النظرات ولكن الاغلب يقابلنا بإبتسامة ... استيكر السيارة قالي لي مشرفنا الغالي الربيش تاخذها من اول محطة في الطريق ولكن احترت كيف اعرف ان هذي اول محطة على الطريق او لا حسبت تقريبا 50 كيلو بعدها دورت على اقرب محطة ومن ثم وقفت من قبل استلم السيارة سألت الموظفة عن الاستيكر فكتبت لي بورقة كلمة تعني استيكر وقالت لي اعطها صاحب السوبرماركت والصق الستيكرباي جهه فالزجاج الامامي وبالفعل دخلت ودفعت تقريبا 9 يورو والصقته على اليسار
بالنسبة للبنزين بعض المحطات فيها شخص يعبي لك وتعطيه الفلوس واكثرها تاخذ رقم المكينة وتدخل على السوبرماركت وتقوله مكينه 1 او 2 او حسب رقمها وتعطيه الفلوس ويفتحها لك وفيه بعض المحطات توقف السيارة وتعبي الي تبي وبعدين تدخل للسوبرماركت وتعطيه الفلوس
هذا مابوسعي الان علما انني اتجهت من زيلاكسي لميلان 530 كيلو ومن ميلان لانترلاكن 340 كيلو ومن انترلاكن لميونخ 430 كيلو
اعرف ان مكان هذا الموضوع خطأ ولكن لم يقبل معي الا هذا القسم