مساك الله بالخير kalamiry
يا سيدي الفاضل عندي شويه اسئله ورجاء تطول بالك عليا
1- متى وقت السفر بالضبط يعني في الفتره من كذا الى كذا
2- 5 ايام في كوالالمبور اوكي ما في مشكله بس 4 ايام في جنتنغ نو نو نو جنتنغ روح لها يوم واحد من كوالالمبور او يومين بالكثير
3- الرحله لماليزيا 9 ايام انا اشوف انها مو كفايه يعني 15 الى 20 يوم تكون ميه ميه
4 هل المسافرين فيهم كبار في السن او اطفال يعني شوية توضيحات عشان البرنامج يكون صح
انتظر ردك قريبا ورحله سعيده مقدما
وتقبل تحياتي

اخوي kalamiry
السلام عليكم ورحة الله وبركاته
طول بالك على اخي العزيز habeeb وخذ برأيه .. فهذا الانسان احد الذين يجتهدون من اجل اصال اي معلومه لنا .
ولكن بعد اذن استاذي habeeb لدي بعض النقاط من وجهه نظري المتواضعه جدا:
النقطه رقم (1) تقسيم الايام على النحو التالي:
اولا: لنكاوي 3 ليالي ( تكون هي البدايه فمن مطار العاصمه على طول على لنكاوي بالطائره )
ثانيا: كوالامبور 6 ليالي ( يتخللها زياره لجنتنج وبوكيت تنجي وكذلك زيارة الاماكن الاخرى في كوالمبور)
النقطه رقم (2) رأيي ان 9 ايام قليله جدا فلو توصلها على اقل تقدير 12 يوم حتى تستطيع زياره بيننج وكاميرون.
النقطه رقم (3) بالنسبه للسائقين فاعتقد بانك لن تواجه اي مشكله فهناك الشوارع مليئه بالتكاسي على حسب قول الاخوان وكلهم محترمين باستثناء الصينين والهنود الذي ينصح بالابتعاد عنهم.
النقطه رقم (4) انا لم اسافر بعد الى ماليزيا لذلك لا تأخذ بأرائي وانتظر رأي الاخوان ففيهم الخير والبركه.

السلام عليكم ورحمة الله وبركاته
اخوي العزيز بخصوص السائقين بتحصله لسته كبيرة بأسامي وارقام اصحاب التكاسي الي الاخوان في المنتدى تعاملوو معاهم واتوقع بيكون من ضمن المواضيع المثبته
وشكرا
اخوك مودع قطر

السلام عليكم
هلا اخوي ...اولا اهنئك ماشاء الله بتلك الرحله لانها راح تجي بوقت ممتاز
.حتى الجو يكون حلو هناك نوعا ما ,,,
اذا هذه اول مره لك لماليزيا ,, فااعتقد انك راح تندم على قلة الايام .
..وهى فقط 9 ايام
لازم اقل شيء 15 يوم او 20 يوم ,,,,,, مثل ماتفضلوا الاخوان ,,,
لاتفوت عليك زيارة لنكاوي خاصة ,,, وبيانق ,,,
لكن لنكاوي افضل ... من 3 الى 4 ايام
اما ان كان سبق لك زيارة ماليزيا ,,,
بالنسبه للتقسيم الجدول. .. مثلا 12 يوم اقل تقدير .لك......راح يكون 7 ايام كوالالمبور
مابين ( صن واي لاقون بيوم ومنتجع افاموسا في ملكا بيوم واحد يكفي
وتعود للعاصمه )
يومين جيتنق ....
ويومين م يادوب توزعها زيارات مابين البرجين وحدائق الحيوان والزهور والخ
ومسجد السلطان في ساحة مرديكا بنفس الكوالا ,,,والاسواق صدقني راح يكون الوقت ضيق عليكم ( ماتستاهل العنه والتعب
اعتقد اقل شيء 15 يوم ,,,,
والسواقين كثار بس انت نقي الوجوه السمحه ..( وسيماهم على وجوههم )
وبالعكس كتجربه مني انا اشوف الهنود الطف والماليزين اللطفاء منهم يكونون افضل ,,,
ابتعد عن الصينين بقدر ماتقدر بدون مشاكل ........
ترى تجربة مرتين سفر لماليزيا ,,,
مره قعدت شهر ............و مره قعدت 23 يوم ,,,,,,,,,ويادوب استمتعنا بالوقت
وحسينا انه ماكاننا سوينا شيء ........
ماليزيا ماتنمل ,,,,,,,,حلوة كطبيعه وجو
اتمنى زيارتها راح اقضيها مابين كوالالمبور ,,,,,,,, ولنكاوي ,,,,,,,,فقط ....
طبعا هناك .....مناطق اخرى ... مثل الكاميرون
ولاية صباح ,,,,,,,,
ورحله سعيده ,,,,,,,,,,,,,,,
تحياتي .........
واي خدمه ,,,,,,,,

سبق ان رد عليك الاخوان.....نفس الى في بالى....ليه
ياخى يوم راح وانت جاى من السفر والاخر كذلك وانت معود للديرة...يعنى صفيت على اسبوع ...والله مهى حقت العنوة ياخوك....وانت براسك...تحياتى لك

يا خواني ماعندي اجازة كافيه و 9 ايام اشوفها نعمه وبركه والعيال تعبوني يبون ماليزيا لانهم ماسافروا في الصيف........ على العموم مشكورين كلكم والله يخليكم ذخر وسند يارب