ساعة ألماس
19-10-2022 - 10:17 pm
صباح الخير و العسل على كل متواجد و متواجده في هذا المنتدى على الصبح
أنا عندي سؤالين بخصوص الشنجن و دقيت على السفارة و لاعطوني الخبر الأكيد و مكاتب السفر طنشوني لأني أنا اللي بروح أخلص أوراقي :112::112:
علشان كذا مالي إلا فزعة أخواني في المنتدى الله لا يضرهم ما يبخلون بأي معلومه مهو مثل مكاتب السياحة مافي فلوس مافي معلومات ؟؟؟؟؟؟؟؟
1- أنا سفري إن شاء الله شهر 8 و أبطلع الفيزا الآن كم مدة الفيزا اللي أطلبها يعني يعطوني على عدد الأيام اللي ابروحها أو شهر من تاريخ السفر أو ثلاث شهور من تقديم الطلب ؟؟؟؟
2- التأمين يكون من مدة تقديمي للطلب أو فقط الفترة اللي ابغى أسافر فيها ؟؟؟؟
3- التأمين شامل أو صحي فقط ؟؟؟؟
4- أنا حاجز ألمانيا 9 أيام و فرنسا 4 هل أقدم مع الطلب حجوزات فرنسا أو يكفي ألمانيا فقط ؟؟؟؟
وشكرا جزيلا والله يمتعه بالصحة والعافية من قراء استفساري سواء رد أو لم يرد عليه ( ابسط ياعم الدعوة مفتوحة للجميع )
انا طالع في اول شهر 8 وطلعت الفيزا لمدة يوم واحد عطيت المندوب جوازي وجابها لي في يوم واحد ومدة الفيزا 6شهور من السفارة الالمانية وانا اساسا بجلس في المانيا 3 ايام وبروح فرنسا وسويسرا والنمسا
ماعندك مشكلة ولاتقدم حجوزات فرنسا بس يبون التامين وجوازك وصورتين والطلب والحقيقة انا ماعرف شي لاني اعطيه المندوب...
اتمنى ان افدتك