gest722
03-01-2022 - 05:16 pm
سلام عليكم يعطيكم العافيه
انا ناوي اسافر ماليزا شهر 3 مدة السفره 7 ايام
ابي جدول مرتب ووين الاماكن اللي اروح لها الفنادق اللي اسكن فيها اكيد خمس نجوم لانه شهر عسل
وابي اعرف جم المبلغ اللي يكفيني ويزيد ومسئلة اللغه ضروريه ؟ وابي ارقام تكسي متعاملين وياه
وتكلفة تكسي المطار من المطار للفندق على حسب الجدول اللي اتحطونه لي لهل الخبره والمطاعم ابيكم توصون لي
واشلون تعامل الشعب الماليزي وبالنسبه للاسواق ووين الاسواق الحلوه والاماكن السياحيه والاوقات المناسبه
لبعض الاماكن يمكن يختلف الجو يكون بليل احسن انا ابي اعرف كل التفاصيل وشنو اتفضلون اخذ فلوس كاش او كي
نت افضل انا اذا حجزت راح احجز الفنادق كلها من السفريات مع الفندق وبالنسبه للقروبات السياحيه اتفضلون
اخذ تكسي يوديني للمكان السياحي او الافضل اروح مع قروب سياحي وابي المكاتب السنعه ما فيها نصب
وابي اسعار الرحلات السياحيه اللي ينظمها المكتب السياحي اهناك وبالنسبه لجوها اشلونه ؟ وماليزيا امان
بليل ؟؟ وانا قريت انه شارع العرب ما ينصحون اروح له ؟؟ ابي مشورت اهل الخبره ؟ وبالنسبه للرده المطار
ابي اعرف جم الوزن المسموح والله يعطيكم العافيه والسموحه على الاطاله والاسءله الزايده
ناطر ردكم
اولا 7 ايام اعتبرها قليلة في ماليزيا ولكن هذا جدول اعتبره جيد بالنسبة للمدة
3 ايام في بينانج وارشح لك فندق بارك رويال
واجعل يوم لزيارة جزيرة منكي بيتش وكمل اليوم بفعاليات الفندق على الشاطئ ولاتنسى البرشوت
وثاني يوم استئجر سيارة وخليه ياخذ بك لفه الى الشلالات والهضبة واختمها بالسوق ناسي اسمه ولكن فيه اسم بلازا
وثالث يوم خله لك وخياراتك
و4 ايام في كوالا لمبور في فندق قراندملينيوم وتخصص يوم لزيارة جنتنق ويوم ثاني لزيارة سلانجور للصن واي لاقون ويومين اجعلها تسوق واهم سوق تمرة باول شي سوق سوقو و الثاني تايمز سكوير