أنت أنا
حياك الله
بالنسبه للمولات فأحدثها هو فيلاجيو
أما بالنسبه للمطاعم و الأزياء القطريه بتحصل مبتغاك في سوق واقف
و أنصحك تسكن في فندق سوق واقف بيكون السوق و المطاعم و المقاهي تحتك و ما يحتاج تحرك سيارتك
الفندق راقي و عائلي و مافيه بارات و كلام فاضي.

هلا بك وتنور قطر بطلتكم
واتمنى لكم طيب الاقامة
واي استفسار ابشروا به
وازيد على كلام alazraq
في عندكم الستي سنتر والمول واللاند مارك وحياة بلازا والويال بلازا وسنتر بويت
وطبعا سوق واقف ...
وبحاول ارتب لكم جدول بسيط
وتنور قطر فيكم
اقترح عليكم السكن في:
علما بان هذا الرابط بيساعدكم ان شاء الله
https://artravelers.com/p/re/178232
الاسعار الجديدة لشقق السراج
ورقم شقق السراج للأجنحه المفروشه هو
0(فتح الخط 00974 )
الموقع ام غويلينة قرب الكورنيش
السعر لليلة 775 ريال
مع فطور لشخصين مجانا
خدمة الانترنت متوفرة وبالمجان
والتظيف يومي
السراج للشقق - طريق سلوى
رقم تلفونهم (009744582811 )
والمتوفر استوديو والسعر 450 ريال قطري
استديو (غرفة نوم ومطبخ تحضير بسيط وحمام الله يعزكم )
انترنت مجاني في اللوبي فقط
وهذا الرابط من اجمل التقارير عن زيارة ديارنا
وفيه عن شقق السراج
https://artravelers.com/p/re/229606
فندق لافيلا ...La Villa
الغرفة المفردة 400 ريال
الغرفة المزدوجة 500 ريال
جناح (غرفة وصالة )750 ريال
الاسعار تشمل الافطار - الانترنت مجانا
ملاحظة :
تتوفر لديهم خدمة التأشيرات السياحية
هاتف رقم
5شقق دوحة غراند
54433007
دوار السنتر
من جسر الجيده باتجاه دوار السنتر وتقاطع رمادا
3 غرف 3 حامامات صالة ومطبخ مع التظيف
الانترنت مجانا السعر لليلة 1200 ريال قطري
2 غرف و2 حمام وحمام وصالة والتظيف والانترنت 1000 ريال قطري
سويت سرير كبير مع صالة وحمام والتنظيف اليومي والانترنت مجانا600 ريال
سويت بسريرين وصالة ومطبخ والتنظيف يومي وحمام 550 ريال
طبعا انا حاولت اجيب لكم كذا سعر في اماكن مختلفة وانتم اختاروا
البرنامج طبعا زيارة سوق واقف
https://artravelers.com/p/re/245016
تقرير جميل عن سوق واقف وزيارته
https://artravelers.com/p/re/247914
والمتحف الاسلامي لانهم جمب بعض
https://artravelers.com/p/re/239628
ومنه الى الاستمتاع باجواء الكورنيش الجميلة وركوب المراكب التي تجوب الكورنيش
وممكن منها الى الستي سنتر لانه قريب
وممكن منه الى جزيرة اللؤلؤة والاستمتاع فيها
https://artravelers.com/p/re/247501
زيارة فيلاجيو والغداء فية او العشاء
https://artravelers.com/p/re/250436

تنور قطر بطلتك
والاخوان كفوا ووفوا
وياهلا بك ببلدك الثاني

أشكر جميع الإخوة على إضافاتهم وأشكرهم على كل معلومة قدموها فأقولها استفدت كثيرا من النصائح المقدمة وكذلك المعلومات الرائعة .
شكرا للجميع ..

1. ماقصرتي يامشرفتنا


2. اما محلات النسائية للازياء القطرية فتحصل عندك بسوق واقف

ماقصرتي يامشرفتنا

بس بنسبة لسعار السراج ان انا اتصلت فيهم شخصيا وقالولي الليلة ب 350 ريال واكدت عليهم وقالي هذا السعر فمادي يالا غالية من وين يبتي سعر 775 وانا اتصلت في فرع ام غويلينه وهاي كان سعرهم مع الريوق والانتر نت وكل كل شي فاتمنا التاكدين من السعر علشان مايصير في لبس بلموضوع
واخوي انا توني اليوم راد على استفسارات واحد وماخليت شي ماشرحته له وبحطلك رابط موضوعه وردي له كان كامل
https://artravelers.com/p/re/273545
هاي الرابط تقدر اتشوف ردي وتستفيد منه وانا كان ودي انسخه لك بس لاني ماشفت موضوعك الا بلوقت الضايع وانا حدي تعبان بنام
وبنسبة للمطاعم انا حاط اسامي بعظ المطاعم شوفها وبتستفيد منها بس اذا تبي تستفيد بعد ممكن تعطيني انواع المطاعم الي اتحبها وشنو الي تبيه فيها وكم اسعارهم علشان افيدك اكثر لان اكثر شي بدوحه مطاعمها
وبنسبة للمجمعات التجارية انا حاط شرح لها

اما محلات النسائية للازياء القطرية فتحصل عندك بسوق واقف

وبعد اتحصل عندك بسوق الديرة وهو متخصص بلقماش وعندك الاسواق الي حواليه مثل العسيري والاحمد وفالح وهم اسامي لمجمعات تعتبر اقدم اسواق قطر وهي متخصصه بهلشياء العبايات والقماش والمستلزمات النسائية
وعندك سوق العلي وهو متخصص في المستلزمات الرجالية من تفصيل وقماش والازياء التقليدية وبعد في سوق واقف اتحصل مستلزمات رجالية وميزت سوق واقف انه جامع كل شي يعني عندك المستلزمات الرجالية والنسائية وعندك الاعشاب والبهارات والاكلات الشعبية وكل شي يخص تراثنا الغالي
واتنور الدوحه بطلتك
واي استفسار احنا بلخدمه
تحياتي

تسلم يا الغالي وأعتذر لك كثيرا لتأخري بالرد ، وأشكرك على ما قدمته من معلومات ..