أخوي بخصوص الشقق في وايد مواضيع فالمنتدى بخصوص هالموضوع
وقطعة الإنترنت موجوده في كيوتل ، بس بتأكد لك من أي فرع تاخذها وبعطيك خبر
والأماكن السياحيه بعد مذكوره وبكثره وبتكرار في القسم ، بس بإختصار :
المجمعات :
اللاند مارك - المول - الستي سنتر - حياة بلازا - فيلاجيو
وعندك بعد سوق واقف ( وناسه من الزين )
الكورنيش ( وناسه وشرح بس الجو بعض المرات مايساعد )
عندك عند إشارات رمادا ( مجمع المطاعم ) وبعد في نفس المنطقه تلقى كوفي شوبز عالشارع والقعدات بعد عالشارع
مشروع اللؤلؤة ( صحيح ماكنمل ) بس القعده فيه حلوه
الويك إند :
روحوا سيلين ( مسيعيد ) إذا تحبون البحر وسوالف الشباب اللي عالطعوس .

اخوي ادري انتو ما قصرتو بالنسبه للشقق بس ابي شقه تكون قريبه من معسكر القوات الخاصه القطريه التابعه لوزاره الداخليه لانه دورتنا في المعسكر وما نبي نسكن بعيد ونبي اسعار اجارات السيارات وشكرا على ردك للموضوع

انا بنت خ
والله ماعرف وين المعسكر
عطني اسم المنطقه وبشوف لك شقق للإيجار الشهري
وحالياً فتحت ملحق الوسيط للعقارات تبع اليوم عشان اشوف لك شقة للإيجار الشهري
بس مالقيت مع ان دايماً ينزلون إعلانات للإيجار اليومي والإسبوعي والشهري
والسيارات أكيد بيفيدونك الشباب أكثر
ماعليكم أمر اللي عنده ملحق الوسيط للشرق ( للعقارات ) يشوف فيه سكن حق اخونا ( مغاوير )

هذي إعلانات نسختها لك ، وأتمنى مايكون ردي مخالف بوضعي الأرقام لأني راجعت قوانين المنتدى وشفت مافي مشكله ، بس عاد ألحق وأنسخهم قبل مايمسحونهم .
فكتوريا لتأجير السيارات :
0- 4666658

1. والتنور الدوحه بوجودك انت وربعك


2. وبنسبة للسكن فدوحه صغيره يعني ماعليك مافي شي بعيد


3. السعر شامل الضريبة وهو 1250 ريال لليلة


4. سويت سرير كبير مع صالة وحمام والتنظيف اليومي والانترنت مجانا600 ريال


5. سويت بسريرين وصالة ومطبخ والتنظيف يومي وحمام 550 ريال


6. ويرد على جميع الاستفسارات من اسعار ونظافه وكل شي وبصور بعد


7. _____________________

يا هلا فيك اخوي ابومشعل

والتنور الدوحه بوجودك انت وربعك

وبنسبة للسكن فدوحه صغيره يعني ماعليك مافي شي بعيد

وانا حطيتلك شقق للاجار اليومي وانت لمى اتروح لهم اتفق وياهم لمدة شهر علشان يسون لك خصم حلو وحطيتلك اسعارهم بليله وارقامهم وتقدر اتجي الدوحه وتسكن بفندق يوم او اثنينة ليش اتشوفون الشقه المناسبة والسعر الي يرضيكم
اول رد عن السكن

• ______

نرجع لموضوعنا انا اتصلت في كذا شقق وسويتات وبقولك الي قالوه لي
اول شي
شقق الليوان هي عبارة عن ( غرفة واحده + مطبخ + صاله + حمام )
السعر شامل الضريبه والريوق وهو 900 ريال لليلة
رقم تلفونهم مع فتحت الخط /009744242888
شقق لي بارك وهي عبارة عن ( غرفة واحده + مطبخ + صاله + حمام )
السعر شامل الضريبة والريوق وهو 930 ريال لليلة
رقم تلفونهم مع فتحت الخط /009744255555
شقق سراج ان فرع ام غويلينة وهي عبارة عن ( غرفة واحده + مطبخ + صاله + حمام )
السعر شامل الضريبة والريوق والانترنت مجاني وهو 350 لليلة وانا مجربها شخصيا
رقم تلفونهم مع فتحت الخط /009744440230
شقق رتاج الشرق وهي عبارة عن نوعين النوع الاول
الشقق الصغيره وهي عبارة عن (غرفتين + مطبخ + صاله + حمامين )
السعر شامل الضريبه هو 850 ريال لليلة
ملاحظة وهي ان الغرفتين وحده كنغ باد يعني سرير زوجي والثانية كوين باد يعني سرير واحد اصغر من الاول ابو نفر ونص وان شاءالله اتكون فهمت قصدي
النوع الثاني وهي الشقق الكبيره وهي عبارة عن (غرفتين + مطبخ + صاله + حمامين )

السعر شامل الضريبة وهو 1250 ريال لليلة

ملاحظة وهي ان الغرتين وحده كنغ باد يعني سرير زوجي والثانية توسنجل باد يعني سريرين مفصوله وتقدرون اتظيفون بعد سرير اظافي واحد وسعره 100 ريال لليلة وهل خدمة ماتقدرون اتسونها بشقة الصغيره لان مساحتها صغيره ومافي مكن بس بشقة الكبيره تقدرون والفرق هو حجم الشقة وفي اعضاء اكثار امدحوها وعلى ماعتقد تصنيفهم 5 نجوم واذا انا غلطان حد يعدل
رقم تلفونهم مع فتح الخط / 009744528888
شقق المنتزه بلازا وهي عبارة عن (3 غرف نوم + مطبخ + صالة + 2او3 حمامات الصراحه مو متاكد )
السعر شامل الضريبة والريوق ل5 اشخاص والانترنت وهو 1265 ريال لليلة الوحدة
رقم تلفونهم مه فتحت الخط /009744355677
شقق دوحة غراند
5
7
دوار السنتر
من جسر الجيده باتجاه دوار السنتر وتقاطع رمادا
3 غرف 3 حامامات صالة ومطبخ مع التظيف
الانترنت مجانا السعر لليلة 1200 ريال قطري
2 غرف و2 حمام ومطبخ وصالة والتظيف والانترنت 1000 ريال قطري

سويت سرير كبير مع صالة وحمام والتنظيف اليومي والانترنت مجانا600 ريال

سويت بسريرين وصالة ومطبخ والتنظيف يومي وحمام 550 ريال

وتعتبر مكانها حلو وفي واحد اعرفه جربها مدة شهر كامل كان عنده دورة وكان مرتاح فيها ويمدحها وايد وخذة منه 7 او 8 الاف بس هو كان بروحه يعني اكيد اخذ السويت الي ب600 بس شوف الفرق يعني لو هو كل يوم بيدفع كان خذو منه 18 الف ريال بس لانه قعد معاهم شهر سوله خصم معتبر
واخر شي عندك السد سويت عندي واحد اعرفه بعد جربها ويمدحها بس الصراحه ماعرف عنها شي
لان تعبت وانا اتصل عليهم يقولي خطاء بلاتصال مادري شسالفه مو راضي يشبك معي
واتمنى الاعضاء يفيدونا عنها ورقمهم مع فتحت الخط /009744323631

• __________________

بنسبة لرايي انا انصحك برتاج الشرق لانه يستاهل والاعضاء مدحوه ومكانه حلو
وبعد انصحك في غراند الدوحه & والسراج ان لان اسعارهم مناسبه ولحلوة وفيها انترنت
لان هم الي اعرفهم اما الباقي ماعرفهم الصراحه
وكل شي صار عن طريق التلفون وانا اتصلت شخضيا وكتبتلك الي قالوه
اتمنى اني ساعدتك لو بلقليل
واي استفسار ثاني لا يردك الا الكيبورد
وهذا رابط لموضوع بفيدك
تقدر اتشوفلك فندق فيه مثل ماقلت لك قبل تسكن فيه يوم او اثنين لين اتحصلون الشقه الي ترضيكم
https://artravelers.com/p/re/178232
وتقدر تحجز عن طريق هلموقع لان اسعاره وايد حلو
ظپظ†ط¯ظ‚.ظƒظˆظ… - ط*ط¬ظˆط²ط§طھ ظپظ†ط§ط¯ظ‚ ظپظˆط±ظٹط© http://www.fendeq.com/index.php

• _______

وبنسبة للاماكن السياحيه جبت لك احد ردودي وهو مفصل عن الاماكن السياحية
وبنسبة للمولات فيه سيتي سنتر وهو مكون من 5 طوابق وفيه حلبة تزلج وفيه سينما وهي مكونه من 14 شاشه وعندهم مدينة ملاهي وفيه مطاعم وايد ومتنوعه ومحلاته وايد وفيه كارفور وان شاءالله يعجبكم
وعندج الاند مارك وهو مكون من طابق واحد ولاكنه كبير وفيه مدينة العاب وسينما فيها3 شاشات وتستحق الزيارة وفيه كوفياتمتنوعه وحلوة وتستحق الزيارة ومن غير كورنر المطاعم
وعندج مجمع المول وهو يعتبر اصغر من الاثنين الي قبل بس هو مجمع رايق وفيه سينما وحلو
وعندج مجمع فيلاجيو وهو طابق واحد ولاكنه مصمم على الطريقة الايطاليه وهو حلو ويستحق اكيد الزيارة وفيه كوفي شوبات ومطاعم حلوة وفيه ركن الماركات العالمية من غير المحلات الثانية الحلوة بس ماعرف اذا السينما الي فيه افتحت ولا لا اتمنى هشغل الاعضاء يفيدونا فيها لاني برا قطر ومادري
وعندج مجمع الحياة بلازا وهو على بعد خطوات من فيلاجيو وتقدرون اتزورونهم مع بعظ طبعا فيلاجيو احلى بس بعد هو مجمع رايق وحلوو وفي مدينة العاب اسمها جنغل زون ومادري بعد اذا السينما الي فيه افتحوها ولا لا اتمنى حد يفيدنا بهشغله
وعندج مجمع الرويال بلازا وهو يعتبر من اصغر المجمعات وفيه ركن للمطاعم وفيه سينما وتعتبر السينما اليفيه هي ارقى سينما بحكم انها اجدد شي ومرتبه وايد ولاكن عيبها بس 3 شاشات وانا اشوفها هي مع سينما غراند الي بسيتي سنتر هم افضل شي بنسبة لي
وعندج متحف الفن الاسلامي وهو يقع في نهاية الكورنيش ويستاهل الزيارة وهو توه فاتح جديد ويعتبر من ارقى المتاحف في العالم
وعندج الؤلؤة قطر وهي الجزيرة الاصطناعية ممكن اتروحون وتاخذون لكم لفه فيها
وعندج حبيب الشعب القطري وهو سوق واقف وهو يعتبر اقدم سوق بدوحه ولاكن هو سوق قديم على الطراز الحديث يعني كل شي حديث فيهبس بستايل قديم اتمنى فهمتي الفكره ويمتاز بكوفي شباته ومطاعمه ومن غير السوق الي فيه واكيدراح تستمتعون فيه
وعندكم حديقة سباير وهي ورا فيلاجيو تقدرون اتزورونها مع فيلاجيو والحياة بلازا وهي تعتبر ممشى بس حلوو
عندج القرية التراثية وهي بلكورنيش وهي قرية حلوة واتمنى الاعضاء يفيدونا اذا لحين مفتوحه ولا لا
وتقدرين تنزلون واتمشون في كورنيش الدوحه وتاخذون لكم لفة على القارب بس انتبهو ان يدبلون عليكم السعر
وبنسبة للمطاعم نسخت لج اختي رد من ردودي لشخص كان يستفسر عن المطاعم واتمنى تستفيدين منه

• ________________________

وبنسبة للمطاعم عندك في مطاعم غالية وفي مطاعم نص نص وفي الرخيصه
مادري انت شنو طلبك فيهم
بس بنسبة للمطاعم الراقيه عندك مطعم المرجان بلكورنيش وهو على البحر وقعدته حلوة وايد وهو مطعم لبناني وفيه شيشة
وبذكرلك اسم اكثر من مطعم لبناني كلهم حلوين ويقدمون الشيشة اذا انت مدخن وهم
ليالي & الساحه & اوتار & الصياد وهو بنادي الدبلوماسي & البندر في سوق واقف
وكل الي ذكرتهم يقدمون الشيشة اذا كان هاي طليك بلمطاعم
وفي مطاعم لبنانية بعد حلوة وبسعار اقل وهي (الخيمة & فينيسيا & البت الشامي وفيه شيشة بعد )
وعندك مطاعم هندية مثل ( بخارة & رويال تندوري & اشاز في فيلاجيو وكلهم مطاعم حلوة وراقيه
وبنسبه للمطاعم الامريكيا فيه حلوة واسعارها مناسبه مثل ( ابل بيز & شيليز & فرايديز & بينج & فيدركير & امريكان غيرل)
ومثل ماذكرت لك ان اسعارهم مناسبه مثل الي عندكم اكيد يمكن اغلى بشوي
واذا انت اتحب البوفيهات فعندك بوفية فندق فريج شرق وبوفيه فندق الفورسيزنت وعندك مطعم حباري في فندق الشيراتون
واكيد في مطاعم فاست فود مثل (ماكدونالد & برجر كنغ & طازج & كودو & هارديز & كنتاكي & ماري براون & شرمبي & تيك اوي )
وعندك هلموضوع تقدر اتشوف وهو عن بعظ المطاعم بدوحه والي متفاوته اسعارها
https://artravelers.com/p/re/235965
وبحكم انكم شباب فيمكن تبون اتروحون لمقاهي
فبنسبة للمقاهي عندك سوق واقف وهو سوق شعبي بس على الطراز الحديث وجو السوق حلو وفيه مقاهي حلوة وشيش ومطاعم واكيد انصحك اتزوره لانه يعد واحد من معالم الدوحه
عندك مقهى جراند قود كافي وهو مقهى حلو لبناني وفيه شيشة وقعده حلوة ومن غير الاكلات البنانية الحلوة
عندك مقهى اراجيل & مقهى الخير & مقهى البلد& مقهى حالول
وهي مقاهي صغيره نوعا ما بس حلو ويقدمون فيها شيشه ومستوا المقاهي يكون عادي
بس اكيد انصحك في مقاهي سوق واقف لانهم اشرح واونس

• ____________________________

وبحطل موقع السينمات الي بدوحه
غراند سينما الستي سنتر
http://www.bccmovies.com/index.asp
سينما الاند & المول & الرويال بلازا
http://www.qatarcinemas.com/index_ar.asp
وانا انصح بسينما الستي سنتر وسينما الرويال بلازا وشيك على الفلم ووقته قبل لا اتروح
وهاي خريطة قطر يمكن تستفيد منها
.: جهاز الاحصاء خارطة قطر :. http://www.qsa.gov.qa/Ar/QatarMap.htm
وعندك هتقرير تقدر من خلاله اتشوف بعظ الاماكن السياحية
https://artravelers.com/p/re/229606
وبنسبة لشاليهات فحسن شاليهات هو شاليه منتجع شاطى سيلين الي يبعد عن الدوحه 50 كيلو
وهذا رابط موضوع
https://artravelers.com/p/re/183331

ويرد على جميع الاستفسارات من اسعار ونظافه وكل شي وبصور بعد

وبنسبة لكرت التلفون تقدر اطلع من المطار بعد مااتعدى الجوازات بيكون على ايدك اليسار كشك صغير لكيوتل واطلب كرت هلا المسبقة الدفع وارقامنا اتكون من 7 ارقام وفتحت خط قطر هي 00974 او تقدر اطلع من احد فروع شركة كيوتل المنتشره في الدوله وفي المجمعات التجارية
وبنسبة لصرف العملة انا انصح انك تصرف من عندك احسن واظمن وارخص او تصرف من المطار بكون في فرع لبنك قطر الدولي الاسلام قبل باب الخروج وهو اخر مكتب على اليمين قبل باب الخروج من المطار وبلون الاحمر
وعندك بعد هلموقع فيه كل شي عن قطر ممكن يفيدك
http://www.explore-qatar.com/
وبعد ماحطيتلك هلمعلومات ارجع وارد على اسالتك

_____________________

1- نريد شقه مفروشه كامله غرفتين وصاله او ثلاث غرفه وصاله فيها انترنت وهذا مهم جدا الانترنت وتكون قريبه جدا من معسكر القوات الخاصه القطريه وسعرها مقبول ونظيفه وخدمه ممتازه .
انا رديت على سؤالك وارشح لك تاخذون شقتين في السراج ان وهي حلوة وخدمتهم بعد حلوة واسعارهم اوكي وممكن يعملون لكم خصم حلو او غراند الدوحه وتاخذون شقة وحده وممكن بعد يسون خصم حلو لكم وقولولهم انكم بتقعدون شهر وكاسروهم
2- طريقه اجار السياره اذا ليس عن طريق المكاتب الي بالمطار ابي عن طريق داخل الدوحه كيف ؟
في مكاتب بلمطار وداخل الدوحه بعد سهل ممكن اتشيك على المكتب الي عطتك اياه اختنا روح المسك او عن طريق الجرايد في مكاتب سيارات وايد يحطون اعلانات
3- هل يوجد انترنت متنقل في قطر يعني مثل قطعه اركبها بالاب توب ويكون في اشتراك شهري للانترنت مثل شركة زين عندنا بالكويت ؟
اكيد فيه وهو البرود باد بس انا نصيحتي لك اذا السكن فيه نت ومعظم المطاعم والمقاهي فيها وير لس ومنغير في سوق واقف واير لس وبلكورنيش وحديقة لكورنيش فعشان هسبب نصيحتي انك مابتحتاجه ولاكن هو موجود تقدر اتروح لكيوتل وتسالهم عن التفاصيل لان ماعندي معلومات واي عنه
4- المجمعات وما هيا الاماكن السياحيه في قطر ؟
رديت عليك بجميع الاماكن السياحيةفي الدوحه
اتمنى تقرا الرد وتستفيد منه
واي سؤال انا تحت امرك مايردك الا الكيبورد
واتنور الدوحه فيك يا ابومشعل
اتمنى اني ساعدتك لو بلقليل
تحياتي

بخصوص أجار السياره الغالي روح شركة سكست الي في الكويت وتفق وياهم على اجار السياره الي تريدها سياراتهم جديده وسعارهم معقوله وراح تستلمها في اي مكان في قطر وهم الي بيدلونك وين موقع شركة سكست في قطر وبيعطونك العنوان ورقم التلفون وكل الي تبيه
وأن شاء الله تستانس في قطر وبتوفيق في الدوره وأي خدمه مايردك الا السانك

يعطيكم الف الف مليون عافيه يا جماعه وما قصرتو وعساكم على القوة

ياهلا ومرحبا فيك يابومشعل واتمنى لك اقامة طيبة في بلدك الثاني قطر
والحمدلله ان الأخوان ماقصروا معاك واي خدمة لايردك الا السانك ...

تنور قطر فيكم
وماشاء الله الشباب ماقصروا ....واهم شيء انكم تستمتعون في قطر
واي استفسار ابشروا به