بالنسبه لماليزيا هي الدوله المناسبه للاطفال بالدرجه الاولى لوجود المدن الترفيهيه والمائيه الممتعه للاطفال امابالنسبه للتنقل فسوف يواجهه صعوبه فقط عند ذهابه للشلالات لوجود الدرج الرفيع فلا يستطيع استحدام العربيه اما الاماكن اخرى لاتوجد اي صعوبه وبالنسبه للغذاء لابد من اخذ معه الحليب للرضيع والسيرلاك
ولابد من اخذ بعض الادويه مثل خافض الحراره ومسكن ومقياس والله لايكتب سوء ومايحتاج للمستشفى وبصراحه ماعندي خليفيه عنها

الحمدلله كلش ممتاز
وحنا كان معنا اطفال ورضع كمان
الادوية مااخذت من هنا شي ،، فيه صيدليه بكل مجمع تقريبا اسمها واتسن واسعارها مناسبه وكلش عندهم
ايضا السميلاك متوفر ولكن الوان علبته غير..بس هو هو السيميلاك حقنا ماغيره
البامبرز مختلف عن اللي عندنا بس مشينا حالنا فيه...
وبالعكس ترا المعامله للي معه رضع بكل الاماكن تختلف (للاحسن) لانهم يموتون بشي اسمه اطفال صغار
وتقبل تحياتي

اذا قدرت تآخذ حليب للطفل الرضيع من هنا أفضل علشان ما يتغير عليه الحليب ... (اذا كان ما يرضع طبيعي)
الحفاضات ممكن تأخذها من هناك بس أعمل حسابك وخذ كريم سودو - أحتياط لأن غالبا راح يكون الطفل يلبس الحفاظة لمده طويلة وأحتمال هالشي يسبب له التهابات .

• للمعلومية مراكز العناية الطبية تلقاها في أغلب المجمعات التجارية.

يعني ماليزيا مثل اي دوله متقدمه في العالم ماتفرق عن اوروبا كل شي فيها متوفر بس الرضيع الله يحفظه يبيله مؤونته اتسافر معاه وايد احسن

الله يجزاكم خير مشكورين جدا يا
NOKIA
و
مشافر مختب
و
anooha
و
&شهد&
الحين اقدر اروح له و اتفلسف :icon_stud علية و اقول لة بعد ما سألت المستشارين رح و انت مطمأن و اذا بغيت شئ في صيدلية اسمها واتسن،و اترك عنك الشلالات

نصيحتي لك انا جاي من ماليزياء من اسبوعين والله الى معهم اطفال وخاصة رضيع وصغار مره يتعبون اهلهم
الله يعينك بس عليك بالصبر والحلم

اخوي باثفندر انا امس رجعت من ماليزيا وكان برفقتي عيالي ثلاث والرابع رضيع عمره سنه ونص
بصراحه قمه بالوناسه لهم وقمه بالتعب لنا ...بس الافضل لي ان اخذ عيالي معاي مع تعبهم احسن من الذهاب مع زوجتي وتركهم
خل صاحبك يوديهم كل الا ماكن السياحيه الا مكان واحد وربي لم اتعب بحياتي مثل ماتعبت فيه وهو الشلالات في لنكاوي يخرب بيته صعدت للشلالات 400 درجه لين وصلت الشلالات الاولي وانا اشيل علي ضهري اطفالي اللي يتعب اشيله وكل دقيقه وانا واقف اتحري امهم تصعد خمس درجات وتوقف ترتاح وكل شوي طاامر قرد من القرود وخاطف له كيس من الاكياس اللي مع عيالي ويقعدون يصارخون من الخوف والله من عقبها كرهت كل شلالات ماليزيا فلم اذهب الي شلالات اللي في بينانغ ولا اللي في كوللمبور صارت عندي عقده اسمها شلالات
ونصيحه خل صاحبك ياخذ دهان طارد النامس يدهن فيه اطفاله انا كل شوي جاايني واحد من عيالي يوريني ايده او رجله وهي متفوخه من النامس
اما الاكل الحمدلله والشكر لم ياكلو عيالي هناك شي الي فقط الخبز والبيض وهذا فقط اللي لاق لهم
طبعا لاينسي صاحبك ياخذ معاه الادويه الضرويه مثل مسكن الحراره او دواء الكحه وفيتامينات لان الاطفال يتعبون من كثر التمشي ولازم ياخذون فيتامينات وانا غلطتي خذيت معاي فيتامينات حبوب واطفالي لاياكلون الحبوب وكان من الافضل اخذ فيتامينات سائله
واهم شي يترس الثلاجه اللي بالغرفه من العصيرات والتوست والجبن لاني انا لاحضت في ابنائي لاياكلون بالمطاعم واذا وصلو الغرفه ياخذون التوست والجبن والعصير ويتناولونه
والدراجه للطفل لاينساهاا لانها راح ترتاح من شيلة الطفل وهو علي كتفك او علي كتف امه
ونصيحه مهمه قبل لا اختم كلامي هناك نمل يخرب بيته قرصته مثل قرصة العقرب وربي وانا كبير تالمت كثيرا من قرصتها شفتها كثيرا وهي نمله تختلف عن نمل اللي موجود عندنا فهي نمله حمراء اللون وغريبة الشكل لقد قرصتني في حديقة التماسيح اللي بلنكاوي بس قلت الحمدلله انها قرصتني الله يعين لو قرصت طفل من اطفاالي

شكرا لك يا Sr50vf على النصيحة
ضاري الشمري
لا تعبت يا اخوي ضاري و الصراحة اني تعاطفت معك بعد ما قرأت قصتك بس الحمد لله على السلامة، و مشكور على الرد الكافي و الوافي و النصايح اللي نابعة من واقع تجربة مريرة لكن الحمد لله انها انتهت على خير
يعني اللي يدوي عيالة بتكون السفرة لهم مو له الله يعينه
لا بعد الرجال يسألني عن تايلند البارحه :112: الظاهر انه راعي طويلة