عاشق النغم
16-06-2022 - 06:12 am
اخواتي اخواني ..اتيكيت على الاخر
احب اشكر اولا وقبل كل شي الجميع على تعاونهم ومشاركاتهم المفيده والمسليه عموما في هذا المنتدى الغالي..
اخوكم عضو قديم حتى قبل تاريخ التسجيل ..ولان من طبعي احب اقرا اكثر من الكتابه كنت دائما مختفي ورا
الكمبيوتر احب اقرا مشاركاتكم وتعليقاتكم واستفدت من خبراتكم وملاحظاتكم استفادة عظيمة.
احبابي..
كل ما بغيت اسافر لديرة كنت ادخل لهذا الصرح الكريم واخذ خلاصة تجارب اعضاءه
غير انه كل ماضاق صدري في غير اوقات السفر كنت احب اطلع على تقارير الاعضاء الجميلة..والمفيده
والله انها توسع الصدر ..وخاصة مع الصور
حقيقة لا استطيع اوفيكم حقكم من الشكر في جميع اقسام الدول الموجوده
يا ما سافرت معكم وياما عشت تجاربكم وحسيت بسعادتكم وكذلك تعاستكم خاصة عند بعض المواقف الصعبه الي غالبا مايمر فيها الانسان.. من سواقين تكاسي او حجوزات او معامله فضه او او الخ..
ولاني من النوع الي يكرة الكتابه لانها متعبة جدا بالنسبه لي.. ولا عندي وقت كافي لها..
ولكن غصب عني وجدت نفسي مظطر اولا لشكركم..وهذا اقل شي اسويه
ثانيا عندي موضوع يطن ابراسي من مده من كثر ماكنت مندمج معكم ومتاثر باشخاصكم الكريمة
ومتلهف لرؤيتكم من غير ماتشوفوني طبعا..( الله من الشفاحه)
اخلص وعطنا الزبدة :112:
الزبدة ياحبايبي هي كيف بنعرف بعضنا في السفر
الاخوان في فرع مصر يلتقون في حديقة الازهر او مقهى قصر النيل
احد الاخوان او الاخوات فيذا قال انه نكتب الاسماء بالبلوتوث وهي فكرة اكثر من رائعه
والمختبين مدري اي واحد منهم قالت بتربط شماغ على راسها..
طيب وشرايكم لو نفكر بشئ مثل الاجانب بعضهم يربطون لون معين على اذرعتهم طول الرحلة
مثل كباتنه الكره بالملعب وبعضهم يلبسون مدري ويش يسمونه على صدورهم..
انتوا يا اعضاء المنتدى وش تشوفون مناسب لمعرفة بعضنا البعض خلال السفر
وشكرا للجميع..
وان شاء الله جميعكم تروحون وتردون بالسلامه..وكثروا التقارير والصور
فكرة رائعة ..,
انا مؤيد لها في ظل التواصل المثمر... فيما يرضي الله ..