أعترف لك
بسم الله الرحمن الرحيم
السلام عليكم ورحمة الله وبركاته
كيفكم أخواني ؟
بصراحة أنا عندي مجموعة إستفسارات .. وأتمنى أني القى الرد الشافي منكم لاهنتم
بالبداية أنا بإذن الله رايحه لهونج كونج على الخطوط السعودية بتاريخ 18 /11
ولمدة 12 يوم
ودي أقضي بهونج كونج 3 أو 4 أيام وبعدها أروح لكوانزو بالصين علشان أتسوق
سؤالي
هل هونج كونج تحتاج تأشيرة دخول ؟
وهل الصين كذلك ؟
هل ممكن أسوي تأشيرة الصين ( لو كان فيه ) من مطار هونج كونج ؟
إحنا 5 أشخاص بالغين ..
ممكن تذكرون لي ولاعليكم أمر أسم شقق فندقية أسعارها معقولة بهونج كونج والصين
أو فنادق تقترحونها علي ؟
كيف أصل لكوانزو عن طريق هونج كونج ؟
فيه شركات سياحية ممكن أتفق معها وأخذ الرحلة بكج ؟ وإذا فيه ممكن تذكرون لي أسمها ؟
أفضل الأماكن السياحية بهونج كونج وكوانزو واللي تنصحوني أني أروح لها ؟
كم التكلفة التقديرية اللي تتوقعون أني بأحتاجها خاصة أننا نبي نتسوق من كوانزو
أدري أني طولتها
لكن أختكم طمعانة بكرمكم وأدري مارح تقصرون
بإنتظاركم لاهنتم
السلام عليكم ورحمه الله وبركاته
بالنسبه لهونغ كونغ لايحتاج الخليجيين الى تأشيره
وبالنسه للصين لازم تأشيره وهناك مكتب في المطار تقدر تاخذ
منه لكن مش مضمون لانه سبق وراح ناس وحصلو المكتب مسكر
فمايسوى عليك تروح وتحصله مسكر او خلافه فاضمن لك اخذ التأشيره من بلدك
كله يومين الا تأشيرتك عندك
وبالنسبه للسكن في هونغ الفنادق كثيره لكن حاول تسكن في شارع الناثان رؤود وهو الشارع
الاهم في هونغ وفيه كل اللي يحتاجه السائح سواء مطاعم او مترو او اسواق او محلات
وتستطيع تاخذ لك فرؤه في المنتدى وتشوف تجارب الاعضاء اللي سكنو في الفنادق وتاخذ انطباعك
وانا شخصيا سكنت في فندق هو 4 نجوم لكن يضاهي الفنادق الكبيره لان في الصين وهونغ كونغ احيانا
تكون الفنادق الاربع نجوم بمثابه الخمس نجوم لدينا
وبالنسبه للتنقل من هونغ كونغ الى الصين هناك عده طرق
1- القطار وهو التوجه من المطار لمحطه القطارات الرئيسيه وليست المحطه الداخليه لشراء تذكره للصين
وهناك عده محطات ستحددها في طلبك للمكتب مثل تريد الذهاب الى كوانزو تحدد لهم من هونغ كونغ
الى كوانزو والتذكره لاتتعدي 200 ريال او اقل
2- بالباص وهو ارخص من القطار لكن فيه مشقه كبيره جدا لانكم سوف تنزلون عللى الحدود مرتين انتم
وعفشكم وسيتم التفتيش وكذلك مره اخرى على الحدود الصينه والوقت سيكون اطول بكثير من القطار
طبعا وهو متعب جداجدا
3- عن طريق التكسي وهو مريح لكن سيكون مكلف ماديا ولو انه مريح وخصوصيه لك ولعائلتك
اما بالنسبه للسكن في كوانزو انا انصح بأحد فندقين
1- بارفيو
2- فندق كانتون
ولكن انتبه الان وقت المعرض والاسعار غاليه جدا دبل الدبل اقترح تؤجل السفر الى مابعد تاريخ
10/11 على الاقل بعد انتهاء المعرض باسبوع لترجع الاسعار كما كانت
وبالنسبه للاسواق لاتحاتي كل الاسواق مستغله وستجدها في كرت مطعم سبا جزاهم الله خير
اشر للتاكسي على السوق والكلمه المقابله للكلمه بالعربي للتاكسي والمكتوبه بالصيني وستجد نفسك
في السوق والشعب محترم والبلد امن لكن مايمنع ان الشخص يتوخى الحذر
ولتعامل في البيع والشراء لايحتاج الى مترجم هناك الاله الحاسبه هي الفيصل للتفاوض
وبالتوفيق اي تسئله انا حاضر واتمنى ان اكون قدمت معلومات مفيده