هلا بalderhim
سبق وسألني عضو آخر من قطر عن إستخراج الفيزا الأميريكية للقطريين في موضوعي
أم يوسف ومغامراتها الأميريكية في الولايات الخمس،
:
ماقصرتي يابنت بلادي على الرد الطيب
طيب موقعهم فالنت وشو ؟
لان انا ناوي باذن الله اروح امريكا
عاد متى ؟
بعد ماخذ كل المعلومات عن امريكا والسكن وكل شي .. طبعا بمساعدتكم
وعقب ماحس اني جاهز للسفر بأذن الله بتوكل على الله وبروح وحقق امنيتي
اختى ام يوسف تراني بتعبج وايد وياي بالاسئله وادريبج مب مقصره مع اخوج
هلا بأخوي عمير، لا تتردد أبدا وأنا أختك، إسأل وأنا بحاول إني أفيدك، بس سؤالي هل أنت
طالب ولا سائح؟ لأن فيزا السائح يختلف عن فيزا الطالب وعن فيزا العمل (البزنس).
المهم إذا كنت سائح إليك هذا الرابط:
راح تشوف 7 بنود في الرابط، 1- إحصل على الفورم وراح تعبيهم عن طريق الكمبيوتر وتطبعهم وتاخذهم
معاك يوم الموعد في السفارة. انت كذكر راح تحتاج تعبي نموذجين DS-157 , DS- 156
2- الصور ، مقاس 5سم x خمسة سم والخلفية بيضاء وتكون حاسر وماتلبس نظارة شمسية.
3- دفع رسوم الفيزا ( 365 ريال ) عن طريق بنك الدوحة التجاري وراح يعطونك الوصل تاخذه معاك السفارة.
4- جهز كل مستنداتك ( الفورمات ، الصور، رسوم الفيزا)
5- أخذ وحجز موعد في السفارة.
6- إذهب للموعد في السفارة ومكانهم شارع ( اللقطة )
أتمنى إني قدرت أفيدك، وراح أحاول أترجم لك أسئلة الفورمات، وأي سؤال أنا في الشوفة.
وأخيرا هذا هو الرابط للسفارة الأميريكية في قطر، راح تشوف فيه كل التعليمات المتطلبات،
http://qatar.usembassy.gov/application_procedures.html

انا مع الاخ الدرهم , نبي تفصيل اخذ الفيزا خطوه بخطوه .. اختي ام يوسف تسلمين على الرد .. لكن اخذينا حبه حبه الله يخليج عشان نفهم
عن طريق تعبئة الفورمه .. ودفع الرسوم .. والصور ذكرتي للرجال بس النساء ماقلتي شي , شلون صورهم ؟
نبي تفصيل ممل الله يخليج

شكرا يا أخت أم يوسف , بس المشكلة شلون أسوي معاهم موعد للمقابلة , هل أروح لهم بالأوراق اللي قلتي و أوديهم معاي وبعدين هم يعطوني موعد للمقابلة , للأسف العملية مش واضحة بالنسة لي , ياريت توضحين أكثر .
و أنا آسف على الإطالة .
و شكرا مرة ثانية

انا مع الاخ الدرهم , نبي تفصيل اخذ الفيزا خطوه بخطوه .. اختي ام يوسف تسلمين على الرد .. لكن اخذينا حبه حبه الله يخليج عشان نفهم
عن طريق تعبئة الفورمه .. ودفع الرسوم .. والصور ذكرتي للرجال بس النساء ماقلتي شي , شلون صورهم ؟
نبي تفصيل ممل الله يخليج
إن شاء الله، بحاول إني أشرح خطوة خطوة وبالتفصيل الممل، من عيوني الثنتين.
اولا، يجب تعبئة النماذج أو الفورمات، للذكور البالغين عليهم تعبئة نموذج DS-156. و DS-157
أما النساء والأطفال عليهم تعبئة نموذج DS-156 فقط. يتم طباعة الفورمات إلكترونيا وليس بخط
اليد، لكل فرد له فورم خاص فيه،
هذا نموذج DS-157 http://www.state.gov/documents/organization/79964.pdf
وهذا https://evisaforms.state.gov/ds156.asp DS-156
وهذا ترجمة للأسئلة...

وهذه ترجمة لنموذج DS-156

راح أحاول أكتب عن الصور بكرة لأني مشغولة الحين، مع السلامة.

تسلمين يا ام يوسف وننتظر بكره التكمله

ثانيا الصور، يجب أن يكون مقاسها 5 سم ضرب 5سم والخلفية بيضاء، بالنسبة للرجل يكون حاسر،
بدون غترة، أما المرأة، وهنا بصراحة إزعاج لأنها لازم تكشف الأذن، عموما المصورين بالإستديو
عارفين شروط صور فيزا أمريكا.
ثالثا، دفع الرسوم عن طريق البنك التجاري. قيمة الرسوم 100 دولار أي 365 ريال قطري لكل فيزا،
تاخذ معاك الوصل ليوم المقابلة.
رابعا، بالنسبة للموعد يكون عن طريق حجز يوم يناسبك من الموقع ، بس بصراحة إحنا حجزنا من النت،
لكن إكتشفنا ان يوم المقابلة في ناس جاو بدون أي حجز، حتى إحنا كنا ناسيين ناخذ معانا وصل البنك،
فالموظف الي عند الباب قال ما يخالف، بكرة تعالوا وجيبوا معاكم الوصل، سألناه: والحجز؟ قال: عادي،
مب لازم!! وعلى فكرة كان في ناس قاعدين يطبعون الفورمات في السفارة، بس نصيحة جهزوا كل شي
من البيت. السفارة كل يوم يداومون فيما عدا الجمعة والسبت، ولازم تحضرون الصبح على الساعة 8 .
وفي شي ثاني مهم، لازم تحددون عنوان سكنكم في أمريكا، إحنا حطينا عنوان أول فندق سكنا
فيه.
وبجذيه، تاخذون الفورمات، الصور ، وصل البنك وتروحون السفارة الصبح وتاخذون معاكم أفراد العائلة
الي هم فوق 17 سنة فقط، والله يسهل أموركم ولا تنسون الجوازات.

مشكوره اختي ام يوسف على التوضيح ..
اخوج surf

مشكورة يا أخت أم يوسف على هذا التوضيح المفصل ,
و جزاك الله خير و ما قصرتي , و اسمحس لنا ان كان تعبناك معنا

مشكورة يا أخت أم يوسف على هذا التوضيح المفصل ,
و جزاك الله خير و ما قصرتي ,
و اسمحي لنا ان كان تعبناك معنا