1. مارح أحكي شوفوا الصورة المرعبة ............

يا أخوان الموضوع ماينسكت عليه ....
في أمور عمبتصير بالشام وماحدا عرفان فيها للأسف ...
أنا عارف أنو برجعة المنتدى لازم تكون المواضيع أكثر أدباً وحكمةً وألها هدف ...
بس صراحة ماقدرت غير أني أنقل هالموضوع ...
وبالصور كمان ...
مشان ما تقولوا أني متحيز لمدينتي دمشق .... وبلدي سوريا ..
الموضوع أنه كنت من كم يوم بمنطقة البرامكة ، عن بيت حماي ( أهل خطيبتي ) ...
وبعد ما تعشينا وقاعدين عمبنشرب الشاي وإذ بشغلة غريبة بتصير
صراحة أنا ما صدقت حالي ....

مارح أحكي شوفوا الصورة المرعبة ............

صراحة منظر مخيف .... لقيت هالصحن قريب مني وبشكل مفاجأ ولألي ... ماقدرت غير صور هالصورة ... وأنا بحالة ذهول ... وأخذت لقطة تانية ....
المشكلة أنو الفريز بلدي وريحتو تجنن ... ولاطعمتو .... أكل كم حبة .... بمد أيدي لآكل حبة كمان ... ما بلاقي الصحن .... صرخت بس من دون ما طلع صوت ( بتعرفوا أنا عند بيت حماي وماضروروي أعمل فضايح ) ... المهم ما عاد لقيت الصحن .... دورت يمين ... شمال ... فوق ... تحت .. مافي شي ... واذا بالصحن الطائر ... بقصد صحن الفريز جايه من بعيد .... بس شكلو مختلف ......
صراحة ... بفضل أصحاب البطون الجوعانة .... بقصد القلوب الخفيفة والحوامل والأطفال ما يشوفوا هالصورة
أطلت عليكم ... سامحوني .... بس لازم العالم كلها تعرف شو عمبيصير بالشام ... وتحديدا منطقة البرامكة .... بنصح كل السائحين ما يقتربوا من هالمنطقة بعد الساعة 12 بليل ... يعني شي فريزاية طايشة تجي بالغلط ...
ودمتم