1. السلام عليكم ورحمة الله وبركاته


2. تحية طيبة للجميع

السلام عليكم ورحمة الله وبركاته

تحية طيبة للجميع

أسبوع الماضي يوم السبت راجعت المكتب المشترك بمركز الخليج وأخذت الطلبات وأفادني السكترتي أن التقديم من بدري لأن المكتب يأخذ أول 10 جوازات فقط ، فنبهني أني أجي من بدري وبالفعل أخذت أجازة هذا الأسبوع حتى أكون متفرغ لأستخراج الفيزا .
وصلت مركز الخليج الساعة السادسة ونصف ولما صعدت تفاجئت أن هناك أثنين سلمت عليهم وسألتهم في تسجيل ، قال لي أحدهم أنا من الساعة 3 ونصف موجود صليت بالمسجد القريب من المركز وجيت ، أما الثاني شباب قال أنه من الساعة 3 موجود لأنهم عدة مرات أبوه يجي ولا يلحق بسبب أنتهاء العدد .
المهم قالوا لي راح تنتظر ولا بتمشي !!!
قلت ليش قال الأول أنه عنده 5 جوازات والثاني قال عنده 6 جوازات !!!
يعني العدد أنتهي !!!
قالوا لا وفوق هذا اقرأ الأعلان إلا مكتوب بسبب الضغط الحاصل وعدد الكبير من المتقدمين سيقفل المكتب المشترك بالخبر و جدة إلى يوم السبت القادم 16 يونيو !!!
أحترت لكن قلت دام أني وصلت وأنا إجازة بنتظر ، وعلى الساعة 8 ونصف جاء رجالين عندهم جوازين ولما عرفوا أن العدد غطى 10 جوازات قالوا أحنا عندنا موعد من المدير .
جاء الموظف الساعة 9 وكان وراه رجل بعد معاه جوازات وقفنا كلنا إلا يقول الموظف ما راح نستقبل أي جوازات إلا يوم السبت ما شفتوا الأعلان قلنا شفناه بس حبينا نستفسر .
البعض منهم حاولوا يتفاهمون معاه لأن رحلاتهم قريبة بعد أسبوعين قال لهم روحوا للرياض !!!
المهم أنا الأغلبية مشوا وأهم متحطمين مجموعة سفرها بعد أسبوعين ومجموعة ثانية بعد ثلاثة أسابيع ، مريت على مكتب مشهور لأستخراج الفيزا قال لي ما نقدر نطلع تأشيرة من النمساوية لأن عندهم مكتب وسيط ولا يستقبلون مكاتب ، سألته عن السويسرية قال نطلع منها 200 عمولة و350 رسوم التأشيرة .
هذي قصتي مع المكتب المشترك وأنا الحمد الله سفري بالعيد عندي مجال شهرين و10 أيام لكن حاب أرتب أموري قبل رمضان أسبوع القادم راح أراجعهم حتى أخلص أموري .
دعواتي للجميع بالتوفيق