1. اعطيته جنيه ورجع لي شوية قروش..؟؟بينهم واحد مخروم؟؟


2. هو انا حيتنصب علي من اول يوم؟؟لا ؟؟ياولد صيحت عليه..

الفيوم بلد جميل جدا ولا تمر رحلة لي الا وازورها ..وتربطنى علاقة قويه بأهل نقاليفه مركز سنورس حيث تزوج اخى من اهلها منذ14 سنه وبمناسبة المواقف التى اوردها اخونا ابوريان 2 ونزولاً عند رغبة اخى شاهين انزلته في موضوع مستقل وانا وجدت الامر مناسب في ظل عدم وجود اي حجز طيران هذه الايام ..
طبعاً الحكايه لا تخلو من خيال "زجلى " ولكن احداثها صحيحه والقرش المخروم انا تفأجأت به واستغربته من جد وكانت تلك الرحلة اول رحلة لي ..وهى مع اسر "سعوديه مصريه " من اهل البلد وانا كنت مرافق مع اخوى وزوجته ومعنا 3 سعوديين متزوجين من مصر وكانت رحلتنا برا عن طريق الاردن ومن ثم العبارات والى مصر (والله شكلى بأقص من الاول) صرت مثل شيخا رحمة الله عليه على الطنطاوى يفتح سيرة وينتقل لأخرى ..
ما علينا كنت يوميا اطلع الصبح واروح الموقف علشان اطلع الفيوم اتمشى ..
مره في محافظة الفيوم..
كنت في سنورس وعايز اطلع للفيوم..
قلت في نفسي اركب سرفيس ؟!
اجرب اهي فسحة يوم..
واحسن من بتوع التكاسي الى بيجبوا للواحد النوم..
وقفت في الموقف..ومع الناس قلت اوقف..
تعدي سيارة والولد بينده " نقاليفه..نقاليفه....مش هيا
وتعدي سيارة بينده ولد " بحيرة ...بحيرةةةةةة مش هيا
وتطول الوقفه...لكن الجو حلو والسماء غيوم..
اه اهيه ..عربية الفيوم...
وقفت ولسا حأحط رجلي... الناس جريت بالكوم..
ودخلو العربيه؟؟؟ومعدش مكان؟؟
فالولد بيسألني: ايه يابيه مش عايز الفيوم؟؟؟
فقلت بدهشه ..آه...قالي بعنف : ومستأني ايه؟؟اجيبلك واحد شاي وحجر سلوم؟؟
على ما تفكر؟؟حتروح فين اليوم؟؟ اطلع يا باشا اخر العربيه فيه مطرح..
ركبت واعدي من الناس ..لا مؤخذه ياهانم...لو سمحتي ياحجه..
ووصلت للكرسي المعلوم؟؟لكن كان فيه سبت ؟؟وجنبه وحده ست؟؟
قالتي :لا مؤخذه يا بني ...وشالت السبت...وجلست...
وقالتي :لا مؤخذه يا بني لو فيها رزاله مني ..تأخذ السبت عني ؟؟
اصله هدني ولسه الطريق طويله على الفيوم...

• ولا يهمك ...انا في الخدمه واخذت السبت وحطيته في حجري ؟؟

وحسيت بريحه كتمه صدري؟؟!! قلتلها هو فيه ايه؟؟
قالتلي :دي فضلة خيرك شوية بصل وثوم..
بصل وثوم؟؟

• اه ..حابيعهم في السوق في الفيوم؟؟اهو يجيبو للعيال لقمة يوم..

سكت وبلعت ..وسرحت..
ولم اصحى الا على الولد بيقولي : اجره يا باشا؟؟

اعطيته جنيه ورجع لي شوية قروش..؟؟بينهم واحد مخروم؟؟

هو انا حيتنصب علي من اول يوم؟؟لا ؟؟ياولد صيحت عليه..

• ايوه يا باشا عايز ايه؟؟
• القرش ده مخروم؟؟
• قالي ساخراً : لا ياشيخ؟؟
• قلتله : والله شوف بنفسك ؟؟
• قالي بغضب : يعني انا الى خرمته؟؟ الحكومه هي الى عملاه ..الريس ومحافظ الفيوم.." ضحكوا الناس الى معانا وقالتي الست صحبة السبت
• هو بيجي كدا مخروم...الا انت من فين؟؟
• قلتلها وانا عيني على الاشجار
• سعودي ...
• ففزت واخذت السبت وهي تقول : ياعيب الشوم

لا مؤخذه يابيه ..
قلتلها :لا عادي انا زي ابنك اخذت السبت ليه...
قالتلي : لا انت ضيف وفي اكرام الضيف منحتجش كلمة ليه..
قلتلها تشكري ياحجه دا من ذوقك..
قالتلي :عندنا مثل بيقول " الى ما يحطكش كحل في عنيه
ما تلبسوشي شراب في رجليك...
وانت باين عليك راجل مجدع الله يخليك؟
نزلو ناس وركبو ناس ..وجت قدامي وحده ست معاها بطه ودجاجه وديك؟؟
ومشيت العربيه..ومطب في مطب البطة سابت في العربيه والدجاجه عند الحجه؟؟ وانا استقبلت الديك؟؟
السواق بيشتم؟؟والست الى قدامي بتلطم...وانا لايص بالديك..وعلى ركبت السرفيس بأندم..
وقفت العربيه والسواق لسا بيشتم والست الى كانت قدامي بتلطم مسكنا البطه والديك والدجاجه..وتحيلنا على السواق وقلناله :خلاص مفيش حاجه؟؟
فقال: على الطلاق بالتلاته ..عايزه تركب تاني
يبقى مفيش بطه ولا ديك ولا دجاجه؟؟
الست نزلت غضبانه وطبعاً ما دفعتش حاجه؟؟
واحنا كملنا الطريق للفيوم...
الحجه الى جنبي بتتكلم وتحط على الست الى نزلت كل اللوم..
ونسيت انها جايبه معاها بصل وثوم؟؟
وصلنا الفيوم..
ونزلت مع الست... سبت الثوم..
ورحت اكمل فسحة باقي اليوم.
اتمنى ان تعجبكم ....