شوفي ياغاليه ممكن يكون المخطط
باريس - فرايبورغ لاستلام السياره فقط - رست - كونستانس

• كابرون - سالزبورغ - ميونخ

باريس 4 ليالي
وبعدها تنتقلين بالقطار الى فرايبورغ وتستاجرون سياره وتروحون الى رست وتقعدون فيها ثلاثه ليالي عشان الالعاب
وبعدين تنتقلون الى كونستانس وهي رائعه جدا راح تعجبكم بين رست وزيلامسي عشان تقل المسافه وتقعدون فيها 5 ليالي
وبعدها تنتقلون الى كابرون وتقعدون 7 ليالي
ومنها الى سالزبورغ وتقعدون 3ليالي
وبعدها الى ميونخ وتقعدون 4ليالي
وهذي 26 ليله يعني 27 يوم
وترى اليورب بارك احلى لكم خصوصا انكم كبار وما معاكم اطفال
وفيه العاب قريبه من سالزبورغ
طبعا الخطوط القطريه وانتي مغمضه وممكن تشوفين الاتحاد ممتازه انا جربتها
المسافات كلها بسيطه
والمسافه الطويله شوي من كونستانس الى كابرون 380 كلم تقريبا
والبقيه 200 كلم واقل
ومن باريس الى فرايبورغ بالقطار طبعا بس ما اعرف المده
اذا ناسبك المخطط نكمل وتحجزون التذاكر ونبدء بالسكن انتوا عائله كبيره ماشاء الله ولازم تستعجلون بالحجز لان الخيارات قليله للعوائل الكبيره وكثير عوايل كبيره تروح
وممكن نخلي المخطط باريس - رست - ميونخ - سالزبورغ - زيلامسي- ميونخ
ولكن عشان ما يتكرر ميونخ فضلت انك تروحين كونستانس وانا رحت لها مرتين وعندي المام كامل فيها وراح اساعدك وهي حلوه وممكن تروحين يوم لشلالات الراين وزيورخ

مشكورة اختي بنت حواء على مسار الرحلة واايد عجبني ومبين عليك تبارك الرحمن خبرة اتنمى المساعدة لنهاية الرحله
اول شي مسار الرحلة عجبني
كم سعر التذاكر ععالقطرية
وشنو الفنادق اللي راح تختارينهم لي
وكل منطقة شنو الرحلات المميزة فيها
وشلون طريقة تتاجي السيارة والدفع
تتوقعين راح تكون الرحله سهالات بس كان امدة طويلة ولاعادي
الحين من مثلا من رست الى ميونخ او من النمسا المانيا في رسوم دوخول اذا كنا بسيارة ولا كله فري
وشلون على الفيزا
واي فندق مثلا اسكن او شقة لو رحت لدزني لاند الفرنسية وكم سعر الليلة بالفندق
ولا تنسين اخت ترا امبزانية لك عليه شوي
مشكورة على اهتمامك يالغالية واتنمى ما اكون ثقلت ميخالف اختي تحمليني شوي ةوانشالله بميزان اعمالك

انا ما اعرف في باريس ابد اسمح لي على هالشي بس اللي اعرفه انها غاليه نصيحتي لك لو تلغي باريس افضل بما انه ميزانيتكم مش ولابد
وكمان يصير تلغي القطار من باريس الى فرانكفورت وهذا يكلف
وصدقني اليورب بارك احلى من دزني لاند بكثير وخصوصا انكم كبار يعني اليورب بارك احلى لكم وما في مقارنه
اما رست وكونستانس وسالزبورغ وكابرون وميونخ اعرف فيها وممكن اذا سكنتوا في شقق او فنادق ثلاثه او اربع نجوم واعتمدتوا على الطبخ في البيت لان المطاعم غاليه طبعا ممكن تاكلون كم مره من ماك
بعد ما نتفق على الخطوط والمخطط نشوف السكن وبالاخير نتكلم على الاماكن السياحيه
بعد مانشوف اسعار التذاكر والسكن تقدر تعرف هل تكفي الميزانيه ولا نقلل من الايام
اما استكر الطريق موجوده في النمسا فقط اول ما تدخلها وقف بالمحطه وتلقى استكر اشتريه قيمته 7 يورو فقط ولكن المانيا مافيها
بعض الطرق تكون برسوم ولكن رمزيه وتلقى زي الحدود عندنا مكتب توقف فيه وتدفع المبلغ
لوالغيت باريس راح نخلي الرحله من فرانكفورت الى ميونخ
بس ما قلت لي اشوف لك الرحله من وين يعني وين ساكن؟؟

مشكوره حبيبتي بس انا بروح فرنسا وميونخ وبرجع من ميونخ بقطار

اختي بنت حواء ما وضحتلك شنو قصدي
ابي اروح فرنسا بس على الاقل 3 او 4 ايام وتمنى عيالي يشوفونها ديزني لاند على فكرة ترا عيالي كبار بس تدرين ودهم يشوفونها ويستمتعون فيها وارغب ااسكن بالقرب منها او فيها وبعدها اتجول فيها مثل شارع الشازليزية و اتسوق ومتحف اللوفر يعني عالاقل انشوفها
على فكرةبعضهم قالو لي اذا غادرت من فرنسا الى ميونخ بالقطار يكون افضل واقل مسافة ومن اوصل ميونخ بعدها ااجر سيارة نفس ما قلتي اختي الكريمة وتجول نفس الجدول اللي قلتيلي عنه وبعدها زلمسي وتوابعها
على فكرة اختي ترا انا امراءة ولست برجل
وبالنسبة لحجز التذاكر للحين ما حجزت الاني موعار فة على اي طيران ورشحولي الاردنية قالولي انها اقل مسافة القطرية بساعة وثلث الى فرنسا او المانيا وعبالنسبة للترانزيت عن المغادرة والعودة ما تزيد عن ساعتين او ساعة ونص
اخوي خالد مشكور على المشاركة ابي بس تساعدني. شنو الافضل بالنسبة للتنقل من فرنسا الى المانيا بالقطار ولا طيران داخلي وكم قيمة التذكرة بالطيارة واشلون الطريقة لو بغيت استفيد كن خبرتك وعلى فكرة ترا اللغة انجليزية نوعا ما ضعيفة فاتمنى المساعدة
ميزانيتي اختي بالنسبة للميزانية من 3الاف الى 3.500 بس المصروف والسكن بدون التذاكر
مشكورين
اتمنى احجز بوقت قبل ارتفاع الاسعار*