1. بسم الله الرحمن الرحيم


2. حبيت اقولكم على اللي صار معي في السفارة..

بسم الله الرحمن الرحيم

حبيت اقولكم على اللي صار معي في السفارة..

كان موعدنا يوم الاربعاء 27 فبراير اخدناه الساعة 7 .. وصلنا هناك الساعة 6 ونص تقريبا كان قدامنا يمكن عيلتين كلهم عبارة عن خمسة افراد.. المهم انتظرنا الين مافتحوا الساعة سبعة ونص فطبعا اول مرحلة يشيكوا على الطلبات اذا كاملة او لا ويقولولك على الناقص فبدأوا باول ناس وكان بعدنا عيلة كبيرة معاهم طفلة بس تبكي فطلبت منهم الموظفة انهم يتقدموا اول ناس عشان بنتهم المسكينة.. والمهم جاء دورنا وكله تمام.. وبعدين شيكوا على موعدنا وانه اسمنا موجود واخدوا الاشياء اللي ممنوع تدخيلها احنا بس كان معانا ريموت السيارة.. وفتشونا.. ومن ثم المرحلة الثانية تشييك الاوراق والبيانات المطلوبة ان كانت كلها كاملة والحمدلله كان كله اوكي وان كان في حاجة ناقصة تساعدك الموظفة بكل احترام وكانت عربية.. وبعدين المرحلة الثالثة البصمات.. وعلى بال الانتظار رحنا اشترينا فطور ومجرد ماخلصنا نادوا على رقمنا عشان المرحلة الرابعة المقابلة.. كان واحد اجنبي ممكن امريكي قلوا زوجي اني مااتكلم انجليزي لانه خايف اخبص في الكلام.. فقلوا الرجال انا سوف اكلمها عربي وصراحة كان مبتسم ومتساهل سألني ..
ليه ابغى اروح امريكا؟؟ هل هي اول زيارة؟؟ مين حيتحمل مصاريف الرحلة؟؟ فين يعمل زوجي؟؟ وبس..
وقلي ادفعوا 27 ريال والفيزا حتخلص بعد اسبوع.. وسلمنا البطاقة للفيديكس.. تقريبا خلصنا كل الاجراءات في ساعتين.. وبالفعل الاربعاء ماشاء الله وصلت الفيزا..
انطباعي عن تقديم الفيزا بالنسبة للموظفين قمة الادب والاخلاق.. والانتقاد الوحيد انه بره عند الانتظار مافي كراسي فحرام كان فيه ناس كبار واطفال تعبوا من الوقفه:112:.. بس وقت الدخول كل حاجه ميسرة ولله الحمد..