1. استفساراتي و اتمنى ما تردوني كون هالمنتدى ماشاء الله متمرسين بالسفرات

السلام عليكم ..
انا قبل هالمره رحت لماليزيا .. يمكن بال 2005 .. و لكن اكيد كل شي تغير و تفرق السفره شباب عن العائله ..

استفساراتي و اتمنى ما تردوني كون هالمنتدى ماشاء الله متمرسين بالسفرات

بما اني رايح مع عائلتي .. فأول شيئ ممكن ترشحون لي بعض الفنادق اللي تكون عائليه يعني البار او غيره مايكون بشكل مكشوف .. بالبدايه حبيت اعرف رأيكم بفندق الخيول الذهبيه و صن واي لاغون بما اني زرتهم .. ولكن ما اعلم عن قربها من الاماكن السياحيه مثل حديقه الحيوان و الزهور و الفراشات و الاكواريوم و غيرها و لا اعلم بكم يكلفني سعر التذاكر بشكل تقريبي ..
1 - ممكن ترشحون لي فندق محترم يكون بشارع العرب .. سمعت عن ملينيوم بس مادري عن موقعه و ياليت لو تكتبون لي اسامي الفنادق بالانجليزي حتى ابحث عن اسعارها ؟؟
2- صن واي لاقون و الخيول الذهبيه .. ودي اسكن فيهم و لكن ما اعلم عن بعد المسافه عنهم و عن الاماكن السياحيه .. و لا اعلم عن سعر التاكسي كذلك .. ترشحون لي اسكن فيهم ولا استقر بفندق واحد بشارع العرب كون سفرتي حوالي 8 ايام . ؟
3- اذكرولي اماكن سياحيه اقدر ازورها و ياليت تذكرولي الاماكن السياحيه و مدى قربها من بعض حتى اقدر ازورها بوقت واحد .. و حتى الاسواق .. يعني لو تقدرون تسوون لي جدول ل 8 ايام اقدر ازور فيه كل يوم اماكن سياحيه و من بعدها اطلع اتسوق و تكون اماكن تواجدها قريبه من بعض ؟؟
و اكون جدا جدا جدا جدا جدا شاكرلكم و اتقبل جميع النصائح بصدر رحب .. انترضكم