وعليكم السلام
ماأذكر بالضبط لان رحلتي كانت بشهر 2 ميلادي لكن تقريبا ولست متأكد التاكسي سعره 20 الى 25 دولار سنغافوري
أعتقد يمكن فيه وسيلة موصلات أخرى لكن انا فضلت التاكسي لاني كنت تعبان من طول الرحله وحبيت آخذ أسرع وسيلة موصلات

حياك أبو نزيه ..
وأشكرك للرد ..
والتاكسي هو الخيار الدائم
أنا قلت يمكن فيه قطار مباشر من المطار إلى وسط المدينة
مثل الموجود في لندن أو كوالاأبو نزيه
تركتني في موضوع الفندق
أنا أضفت رد عن آخر القرارات ودي تشاركني
https://artravelers.com/p/re/441256
شكرا لك

هل أحد يعرف معلومات أكثر
لطريق الوصول ؟
مبدئيا الحجز على فندق أوتشارد بارد
شكرا لكم

وجدت إشارة من المشرف أبو عزيز في تقريره
لكن كان هذا في 2006 فهل ما زال الوضع ( أتوقع تغيرت الأسعار )
شاهد الصورة

اخي العزيز يوجد وسيلتين للمواصلات من والى المطار وهي التاكسي والقطار
نبدأ بالتاكسي التاكسي في سنغافورة بالعداد وهم لا يتعاملون الا بالعداد ولاكن يفرق السعر في وقت وصولك فهناك ضرائب
في وقت الذروه وضرائب لدخول وسط المدينه اللي هو الأورشاد الضرائب بداية الدوام ونهاية الدوام وفي اخر الليل بعد 12
يعني يختلف على حسب وقت وصولك ولاكن اخي العزيز مع كل الضرائب لن تتجاوز فاتورتك 25 دولار كأقصى حد
2 - القطار تذهب في المطار الى ترمنر 3 او الصاله الثالثة وتنزل في الأسفل يوجد ال smrt اللي هو القطار تركب الى محطة سيتي هول وتبدل الى الخط الأحمر وتنطلق بأتجاه ديبي قوت DHOPY GHAUT وتنزل في محطة الأورشاد
نصيحتي لك اذا لم تكن تعرف مكان الفندق بالضبط روح اول مره بالتاكسي وبعدين استخدم القطارات والباصات
فهي مريحه جداً في سنغافورة وانا جاهز لأي استفسار وهذا الموقع يوضح لك خريطة القطارات بسنغافورة
http://www.smrt.com.sg/trains/network_map.asp
معلومه اخيره محطة الأورشاد موجوده في سوق تاكاشيمايا او سوق LION وشكرا

ألف شكر كريم ..
مرورك ومشاركتك أقدرها كثيرا ..
وصولي بإذن الله راح يكون تقريبا 2 الظهر
والسكن بإذن الله عند شارع أوتشارد
والمسافر شخص واحد1- التاكسي = 25 دولار
2- القطار ( دخلت على الموقع وجمعت معلومات كالتالي :

التكلفة من موقعهم
Standard :$2.00Adult :$1.67
يعني ملاحظ الفرق ( 2 دولار و 25 دولار )
وش رايك ؟؟
إذا فيه نصايح عند ركوب القطار
شكرا لك

لا شكر على واجب اخي الفاضل
2 الظهر وقت مناسب جدا ما فيه زحمه كثير لاكن اذا معك عفش واجد انصحك بالتاكسي اما شنطه على الظهر روح بالقطار
وعلى فكره اطول خط هو الأخضر ومدته ساعه وربع على ما اعتقد يعني مو شي وسنغافورة مره صغيره والتنقل فيها سهل
اتمنى لك التوفيق وعلى وقت وصولك اعتقد التاكسي يكلفك من 13 دولار الى 18
بطاقة القطار تشتريها ب 15 دولار وفيها 10 دولار وتقدر تستخدمها بالقطار والباص والقطار لازم البطاقه اما الباص تقدر تدفع كاش بس راح يكون اكثر من البطاقه يعني المشوار اللي بالبطاقه بدولار يكون كاش بدولار وثمانين سنت مثلاً عشان كذا انصحك تشتريها بالتوفيق مره اخرى واي معلومه انا حاضر سنغافورة بلدي الثاني ومعشوقتي الأبدية
بالنسبه لنصايح ركوب القطار دبر عمرك بكرسي من المطار لأنه راح يكون فاضي بعد كذا يبدأ يتعبى كل ما تتقدم بالمحطات
عشان كذا اجلس من بدري لا تقول واقف احسن وتذكر في سنغافورة ممنوع الأكل او الشرب بالقطار او الباص او رمي المخلفات مهما كانت منديل ترميه ب 500 دولار انتبه فالنظام صارم ولا يجاملو احد

يعطيك العافيه اخوي كريم ومشكور على ردك على استفسارات الأعضاء والشكر موصول لصاحب الموضوع أخوي الذكرى الجميلة
انا عندي استفسار أخوي كريم بالنسبه لسنغافوره بيكون عندي ترانزيت لمدة عشرين ساعه بالمطار
وانا سبق وان استخرجت الفيزة السنغافوريه
طبعا بيكون وصولي لمطار شنغاي الساعه الخامسه والربع مساءاً والمغادرة الساعه الثانية ظهراً(اليوم التالي)
فياليت تساعدني ببرنامج سريع وبسيط ( انا مخطط اخذ الترين لشارع اورشاد ومن بعده ودي ازور الحي الهندي وشارع العرب) فياليت اسمع رائك بهذا المخطط
واذا عندك اراء اخرى ياليت لاتبخل فيها
وشاكر لك
والشكر ايضاً موصول لأخوي الذكرى الجميلة

شكرا كريم ..
وشكرا للنصايح ..
الله ييسر الأمور
(( الأسبوع القادم رحلتي وإلى الآن ماحجزت فندق وش رايك أحجزه إذا وصلت مطار سنغافورة ؟؟ ))