الجزء الغربي من الفندق اللي انتقلت فيه الى غرفة جديدة فيما بعد
عند المصاعد هذه المباخر المعطرة للجو
http://www.mlf.ae/
المسبح والحديقة تطل على صالة البوفيه
http://www.mlf.ae/
ما تشجعنا نطب فيه لأنه عميق وايد خفنا على العيال
صورة حوض السباحة + لقطة للنافورة عند باب الفندق
http://www.mlf.ae/
بعض الطاولات بالحديقة اثناء الأفطار
بس الجو وايد حار ما يشجع القعدة بره
http://www.mlf.ae/
بحط لكم صور الريوق حق الثلاث ايام اللي قعدنا فيهم
بالفندق الفاشل
خ
اول شي يخيرونك تبين تقعدين بره بالحديقة والا داخل
طبعا بره No Way موت حر والشمس قوية

معلم البيض والشكشووكة

الأضافات اللي تختارها حق البيض
يوميا هذا الصحن
روعة

ناس بره وناس داخل
والصالة مو وايد كبيرة
مقسومة نصين

آآآآآآخ من الشباتي حبيب قلبي
طبعا انا صرت زبونة من يشوفني يجهز لي احلي جباتي
بس شكله مثل الفطر المشلتت
عجيب

الفندق كان فيه وايد مجموعات من ايران
لاتعليق !!!!!!

رقي او جح او حبحب او بطيخ
بكل اللغات اعرفكم عليه
( احمر واصفر ) لذيذ

اما الكيك لذيذ احجامه صغيرة عنونة
تشجع للأكل

سلطات فرش

والشاي للكبار
والحليب للصغار

والموز عندهم حكاية
صغير وايد وطعمه عسل

الريوق متنوع وحليو
بس انا ما عجبني كثر الفنادق اللي كنا فيهم
رويال شولان وصن واي براميد كانوا احلى

وفيه كافتيريا للحلويات حسابها غير عن البوفيه
واللي يبي يشتري ويدفع
الشكل روعة لكن الطعم لا اعلم
ما جربته

والأهرامات لها نصيب

والسبب الأول لفشل هذا الفندق
هو ........
بأول ليلة بالفندق
لما صار الليل ما قدرنا ننام
الغرفة حارة تذبح
طلبت من الأستقبال يشوفون لي حل او يردون فلوسي بطلع من الفندق
عقب 10 دقايق ياني المهندس يفحص المشكلة
قالي التوزيعه غلط واكثر الهواء بمدخل الغرفة
وعند السرير مافي نسمة هواء بالمرة بتاتا
والحل ؟؟؟
قالي ماكو حل
طلبي نقل لغرفة ثانية
دقيت على الأستقبال وانا حدي معصبه احس يطلع شرار ونار
قالت لي ما كو غرف فاضيي الحين
باجر ننقلك غرفة ثانية الظهر
طبعا للصبح اتقلب انا وعيالي نتحلطم
واخواني والشباب لاحس ولا خبر
الجماعة نايمين يقولون الغرف عادية باردة
ههه
حظي الودر
ياربي شنو اسوي
لو عندهم مكان بغرفهم بروح انام عندهم
تصبرت للصبح
قعدت نفسي بخشمي وضغطي مرتفع واصل الفين
وصار الصبح للحين ماكو غرفة
قلت لها ( موظفة الأستقبال ) بطلع مشوار والله لو ردينا من طلعتنا وماكو غرفة ياويلج ههه
اخوف صح !!!
حتى لما انقلوني غرفة ثانية وبعيدة عن اهلي بدور ثاني
كانت فاشلة
بس علي الأقل
التكييف اهون بشوي وفيها ثلاجة تشتغل
ما يفيد معاهم الا العين الحمرة
الخضراء ما تنفع ههه

تقييمي للفندق 6/10
اثاث الغرفة بايخ قديم
والسجاد ستايل سنة الف وحطبة
شخباري هاللون اللي يقمت القلب
الحمامات مو شي تجمع الماء تحت المغاسل
التكييف فاشل بس صوت يدوي على قلبك
لايوجد سيفتي بوكس بكل الغرف
انت وحظك
الفندق يمكله هندي الأصل
كل ستاف الفندق هنود
والأفطار ما عجبني كلش
هذا رأيي يمكن غيري يعجبه
ما يميزه الموقع فقط فقط فقط للبعض
لكن لي ما حسيت بهالميزة
مع خالص تقديري
اختكم / قصة حب
كل إنسآن سيكون يومآ
مجرد .. ذكرى !
أمنيتي أن أكون .. { ذكرى بيضآء }

العين الحمرا مهمة بهيك مواقف.. لازم تاخدي حقك ..
تقرير مفصل حلو ونصيحة هامة عن الفندق
مشكورة ربي يجعلها بميزانك
ويخلي لك الاولاد .. وتشوفينا تقارير اكتر..
يعطيكي العافية..

الف شكر لك اختي الغالية فعلا ابدااع
فان كان للابداع عنوان فهو تقريرك
حقيقة كل شيء موجود ايجابيات سلبيات ميزات وعيوب
فعلا تستحقي الشكر والثناء
ومضة :-
عجبتني فعلا العيون الحمرا

اختي قصة حب
احب اقدم لج بالنيابة عن اعضاء المنتدى للمجهود المبذول منك في تنزيل الصور والمجهود لا يشعر به الا صاحب الموضوع .. بارك الله فيك ورزقك من حيث لا تحتسبي
لدي اضافة على ما ذكرت من سلبيات الا وهي جهاز التلفاز قديم ايضا وليس من النوع الجديد ( يعني لا بلازما ولا غيره )
على العموم يا اختي لا وافي ابو هلا ولا غيره من العمالقة في هذا الصرح يمدحون الفندق واما عن نفسي وعن تجربة شخصية فقد سكنت في الفندق مرتين الاولى خمس ايام والثانية حين سافرت الى بوكيت وعدت منها وملاحظتي عن الفندق كالتالي:
موقع الفندق اكثر من رائع وهو مقابل للمحطة رقم 7 ( راجا تشولان ) لقطار المونوريل المعلق وبذلك اهمية اقتصادية وسياحية لمستخدمي القطار الساكنين بنفس الفندق
الموظفين محترمون وبشوشون
خدمة الغرف ( الروم سيرفس ) اكثر من رائع
اطلالة رائعة على البرجين ( بالنسبة لي )
التكيف والسيفتي بوكس والمغاسل ( كل شئ ) رائع
سلبية اخرى تتعلق بالاثاث وهو ليس جديد وان كان ليس قديم كذلك
فقط اريد ان أخبرك بأن الفندق مظلوم بتصنيفه لخمس نجوم وهو يستحق 4 ولو كان قد صنف ب4 نجوم لكانت السلبيات المذكورة كلها مقبولة
بالنسبة للايرانيين هم متواجدين بكثرة وبشكل لا يسر في هذه الفترة الذي ذكرتيها وحتى في فندق رويال شولان
وسامحينا على التطفل يا اختي

ما شاء الله تبارك الله مبدعة
الصراحة انا لي تجربة فاشلة العام الماضي 2011 م بهذا الفندق الكئيب وهو كان اسوء شئ واجهته بزيزا اللذيذا
كلمة فندق سئ قليلة بحقه وقد كتبت تجربتي الفاشلة جدا جدا بهذا الفندق على هذا الرابط
https://artravelers.com/p/re/647316
شكرا لهتمامك وحرصك على اخوانك بهذا الصرح العظيم
منتدى العرب المسافرون

nanaabuabed
حيا الله حبيبتي
ايه العين الحمراء انا استخدمها وايد
واعصب بسرعة
بعد حرام انا دافعة مبلغ مو شوية مقابل هالخدمات الفاشلة
شكرا لج على هالدعاء ولج بالمثل