السلام عليكم ورحمة الله وبركاته ..
كيف حالكم يا أحلى أعضاء بأحلى منتدى .. ربي يجزاكم خير على كل اللي تقدمونه لإخوانكم من مشورة ونصيحة ..
..
زي ماهو العنوان غشيم بصراحه ولكن أحاول أني أتعلم شوية قبل ما أرطب على العالم في ماليزيا ..
أخواني أتمنى أنكم ماتبخلون على بنصايحكم الذهبية واللي أحطها تاج على رأسي ..
..
أول حاجه أبي أستفسر عن أفضل الأوقات للذهاب لماليزيا واللي تتمثل في إنخفاض الأسعار وجمالية الجو بزيادة لأني أعرف أن الجو هناك زين على مدار السنه ..
..
ثاني شيء هل أروح عن طريق شركات سياحية وهم يوفرون لي كل شيء ولا أطلع لحالي وأتفنن في كل شيء بنفسي ..
..
ثالث شيء بغيت أستفسر عن أسعار الطيران لأني شفت بعض الردود يقولون طلعنا شخصين ب 2800
وأروح أدور بالخطوط اللي أخذوها أشوفها للشخص الواحد فقط فيا ريت تفيدوني ..
..
رابع شيء حبايبي مسألة العرض بغيت رأيكم فيه وفي الشركة اللي منزله العرض ..
الشركة : الصرح للسفر والسياحه ..
العرض : هنا http://www.sarhwing.com/?mod=vtourprograms&id=27 ..
شباب أنا بأطلع أنا وزميلي وتقريباً أحب أطلع بعد العيد وفي أيام الشتاء ليت تفيدوني ياأغلى أعضاء ..
وللعلم أخواني ميزانيتي 10000 ريال سعودي ..
أتمنى ماأكون ثقلت عليكم وأكون خفيف ظل عليكم ..
وأشكرك شكراً جزيلاً قبل ردودكم وبعد ردودكم ..