بـرستيج
08-09-2022 - 03:19 pm
السلام عليكم
واسعد الله اوقاتكم بكل خير
عندي سؤالين
الاول اليوم رحت على اساس احجز ومعي جوازاتي ومن مكتب لمكتب بالاخير استقريت على ####### للسياحة المهم ناوي السفريه ان شاء الله بتاريخ 24/2/1433 ه
وتفاجئت ان موظفي الحجز ما يعرفون كم يعادل هذا التاريخ بلميلادي لان نظامهم كله على الميلادي وما بعد نزل تقويم السنة الميلادية الجديدة وكل موظف يعطيني تاريخ مختلف
اللي يعرف كم يعادل هذا التاريخ 24/2/1433ه بالميلادي ويكون من موقع او معلومة اكيدة 100% يفزعلي الله لا يهينه لان اليوم يفرق عندي بقوة
السؤال الثاني
عندي بطاقة بنك العربي وبطاقة الراجحي وسامبا
هل اقدر اصرف من ماليزيا من كل هلبطاقات بشكل عادي او لا ووش المطلوب عشان اقدر اصرف فيها وش الخطوات المطلوبة وكم ياخذون رسوم على كل صرفه
لاني ناوي اسافر بمبلغ يمضيني كم يوم وناوي اصرف من الراتب اذا نزل من ماليزيا وخايف اتوهق وتصير السفرية نكد وهم واغني ظلمومة
اتمنى اجابه عن كل تساؤلاتي وبتفصيل الممل لاني عله واحب افهم بشويش عشان ترسخ المعلومه
شاكر لكم مقدماً
يمنع وضع أسماء مكاتب سياحيه
مشكلة التقويم الهجري ماتعرف مرات الشهر ينقص ومرات كامل فيه لخبطه
بس حسب تقويم ارامكو للعام القادم إن شاء الله
يوم 24/2/1433 يصادف يوم 18/1/2012
بالنسبه لبطاقة الصراف اي بطاقه موجود فيها احد العلامات اللي موجوده علي الصراف
عادي تقدر تصرف من نفس الصراف مثل علامة فيزا وبلص واي علامه
والأفضل قسم الفلوس علي حسابين عشان لو تعطلت بطاقة تستخدم الأخري
و الصرف ببطاقة الصراف عليه رسوم تختلف من بنك لبنك بعضهم 35 وبعضهم اكثر
بس بالظبط كم كل بنك ماعندي فكره
والأفضل دائما تصرف اكبر مبلغ ممكن وعندهم اكبر مبلغ في اليوم 1500 رنقت إلا
بعض مكائن الصرف ممكن تصرف 3000 رنقت من الصراف اللي يصرف فئة 100 رنقت
ومكتوب علي نفس الجهاز إذا كان يصرف 100 رنقت مثل اجهزة بنك HSBC
تفضل التقويم