وين مشرفنا المتألق بوعمر
متعودين عليك أول بأول ماشاء الله عليك .

ابشرك توني طالع من السفارة الالمانية اللي في الكويت
عندي حجزين من موقع بوكنج وحجز من مكتب سفريات
واستلمو اوراقي ولا قالولي شي وواعدوني بعد باجر
استلم جوازاتي من مكتب القبس
وللعلم الحجوزات اللي من موقع بوكنج قابله للالغاء بدون رسوم من الموقع
5ايام في قارمش و4 ايام
في ميونيخ واللي من السفريات
8 ايام زيلامسي
وان شاء الله تكون اوصلت المعلومه

المطيري
عندي حجزين من موقع بوكنج وحجز من مكتب سفريات
واستلمو اوراقي ولا قالولي شي وواعدوني بعد باجر
استلم جوازاتي من مكتب القبس
وللعلم الحجوزات اللي من موقع بوكنج قابله للالغاء بدون رسوم من الموقع
5ايام في قارمش و4 ايام
في ميونيخ واللي من السفريات
8 ايام زيلامسي
وان شاء الله تكون اوصلت المعلومه
الله يعطيك العافية طمنتي وتروح وترجع بالسلامة انشالله

السلام عليكم
الله يعطييكم العافيه ..
بخصوص الفيزا .. انا رايح علاج وفترة الاقامة غير معروفة سواء للمريض او المرافق ..
شلون اقدر احجز ؟! لاني راح احجز 4 ايام وبعدين اذا رحت المانيا اشوف لي سكن يناسبني ..
ضروري يا اخوان .. سفرتي 6/5 ..

اعتقد السفارة الالمانيه الحين ما يستقبلون مراجعين وخلوا مكتب القبس اهو المعتمد يطلع الشنغن للسفارة الالمانيه و الفرنسيه و اتوقع الايطاليا
وموقع بوكينغ يمشي حاله اهم شي اوراق كلها تكون كامله والصوره تكون يديده ما صارلها اكثر من سنتين
ظبط اوراقك وتوكل على الله مكانهم برج البابطين اليديد قريب من شارع احمد الجابر

honey
والي مو عارف مدة اقامته .؟! حسب فترة العلاج ؟!

Honey
صحيح كلامك انا اول شي رحت لمكتب القبس وجيكو على اوراقي وعطوني موعد
للمقابلة في السفارة لازم حضورك للسفارة وحضرت اليوم للسفاره على الموعد
كان موعدي الساعه 9.30 صباحا وحضرت مبجر لسفارة الساعه 9 ورفضو يدخلوني
لين وصلت الساعة9.25 الطعوني
وللعلم حضورك انت بروحك يكفي
عن زوجتك وابنائك فقط انا كان معاي اختي وولد اختي الثانية وعمره13 سنه
وحضر ابوه لسفارة لان لا امه ولا ابوه راح يسافر معاي بس الولد وللامانه انا كنت متخوف
من الفيزا وطلعت سهلات وبسيطه

والله أنا رحت القبس أمس وردوني لأن كان واحد من العيال منتهي جوازه
والناثي والثالث قالوا عنهم صورهم قديمه
أنا انصدمت بعد شنو الصور قديمه لازم تكون الصور حديثة موطايف عليها وايد
لا وبعد لازم الصور اللي بالجواز غير الصور اللي بالفيزا للعلم فقط .