السلام عليكم ورحمة الله وبركاته ..
كيف حالكم أعضاء وعضوات هذا المنتدى ؛؛؛
كنت أبحث في قوقل عن
فنادق للعرسان في المنطقة الشرقية ؛؛
شاليهات جميلة في الدمام ؛؛
عروض الفنادق في المنطقة الشرقية ؛؛
المهم مالكم بالطويلة ؛؛ مدري ووش لون طبيت على هالموقع ؛؛ واستغربت أنه من ياهو مكتوب ؛؛ وفرحت في نفس الوقت ؛؛
لأني عضو في منتدى عالم الحياة الزوجية في الياهو مكتوب ؛؛ ولن أطيل لكن بغيت أسجد سجود شكر لما شفت هالمنتدى والحمد لله حسيت اني بارتاح من هالسالفة ؛؛؛
أنا عريس جديد وأن شاء الله فرحي يكون في 15 ذو القعدة يعني بعد اسبوعين من الآن أو اقل شوي ؛؛
وعلى حسب رغبة المدام أنها تبي أول أسبوع في المنطقة الشرقية ؛؛
وبصراحة أنا أحب المنطقة الشرقية بس كل ماجيت ما أروح إلا الهافمون ولا العزيزية ؛؛
والسكن بالثقبة عزابي خ ؛؛؛
يعني ما أعرف شي ؛؛ إلا المناطق الثلاث هذذي وغيره الله يخلف دجه ههه ؛؛
وألحين بأطرح عدة استفسارات وأتمنى أنكم تجاوبوني عليها بالتفصيل المل والله والله لأدعي لكم من كل قلبي ؛؛
وعشان ما أتعبكم ماعليكم إلا اقتباس الموضوع والرد وسأضع استفساراتي على شكل نقاط حتى يسهل عليكم الرد ؛؛
أول استفساراتي ؛؛
1- أنا سمعت أنه فيه فندق أو شاليه بالدمام ؛؛ حلو وجميل وأحسن شي أنه فيه مسبح خاص ؛؛يعني لي بلحالي
بس للأسف إني ما أعرف اسمه ولا وصفه ولكن أخذتها معلومة من واحد من الزملاء ؛؛ ويقولي أنه قريب من الشيراتون اللي بالدمام ؛؛
ومخطط أجلس فيه اليومين الأولى بس وبعدها انتقل لفندق آخر ؛؛
فلو تكرمتو اسم الشاليه أو الفندق وإن حصل رقمه أكون لكم من الشاكرين ؛؛؛...؟
2- اسم فندق يكون سعره مقبول حوالي 400 الى 500 لان الميزانية محدودة وفي نفس الوقت يكون حلو واتكيت ...؟وان حصل رقمه اكون لكم من الشاكرين بعد ..
3- مطاعم في الدمام والخبر ؛؛ وأهم شي يكون عندهم خاصية العرسان ؛؛ تعرفون الوضع مايحتاج ؛؛ وياليت اللي بيكتب اسم المطعم يوصفه لي أو يذكر معلم بارز يكون المطعم قريب من عنده لاهنتو ..؟
وان حصل رقمه ولا خلاص خاف تضيقون مني
4- الله يوفق كل من رد على موضوعي ويرزقه الذرية الصالحة ويوفقه في جميع أموره ويكتب له الرزق من حيث لا يحتسب ويسعده ربي ..
5- نصائح توجهونها لعريس جديد ومشكورين
واسف على الاطالة الزايدة