اخوي معشوق إسبانيا أنا رجعت من ماليزيا من أسبوع, أحب أقترح عليك بعض الأماكن السياحية في كوالأمبور حيث إني قضيت فيها 12 يوم لأني كنت رايح مؤتمر. مكان إقامتي كان في فندق مندرين أورينتال هوتيل 5 نجوم وسط كوالامبور.
1-الأماكن السياحية ممكن تروح جنتنق هاي لاند, عبارة عن مدينة ملاهي على المرتفعات الجبلية تبعد تقريبا ساعة عن العاصمة تقول للتكسي ياخذك للتلفريك ومن هناك تاخذ التذاكر 4 رنقت , طبيعة جميلة والجو أحلى طريق الرجعة تاخذ تاكسي على طول الى الفندق, وأنصحك تخصص يوم كامل لجنتنق.
2- سن واي لاقون, عبارة عن مدينة ألعاب مائية شي من الخيال وبجانبة المجمع التجاري الضخم التابع لسن واي لاقون خصص يوم يوم كامل.
3- شلالات تمبلر, شلالات حلوة غابة في منطقة جبلية وفيها قرود, 45 دقيقة من كوالامبور.
4- عندك حديقة الحيوان, تحتاج من 3-4 ساعات فيها.
5-حديقة الطيور, الزهور, الفراشات 3 حدائق بجانب بعض زورها كلها مع بعض في يوم واحد.
6- مجمع سوريا بجانب البرجين للتسوق وفي مطعم المرجان مطعم يقدم الأكلات الإيرانية واللبنانية بنظام البوفيه.
7- شارع بوكيت بوينتنغ (شارع العرب) شارع حيوي جدا فيه عدة مطاعم عربية مثل الطربوش, خيمة الصحراء, جام جامالإيراني, فيه كذا مجمع للتسوق.
هذه معظم الأماكن السياحية اللي رحت عليها, بس دايم عن التسوق وركوب التاكسي حول تفاصل في السعر لأن الملامح العربية يعرفونها يطلبون اكثر, وحط بالك من النشالين وخاصة الشنطة النسائية الحمدالله ماتعرضت لأي محاولة سرقة بس سمعت بحالت نشل من بعض العائلات الخليجية, وإنشا الله تروح وترجع بالسلامة. أخوك أحمد

مرحبا اخوي كانك بمهمة عمل اكيد راح تطلع الصباح للدوام وتترك العيال عشان كذا انصحك انك تسكن في فندق التايم سكوير متعه عندك في الادوار العشره اكبر مجمع تسوق مطاعم ملاهي سينما وعندك محطة المونريال توديك اول محطه لشارع العرب (بوكيت بينتانج) وثاني محطه بوكيت بينانس وهي قريبه لاطول برجيين وسعر التذكره للمحطه الاولى 1.20 للشخص والمحطه الثانيه 1.80 للشخص وفيها طبعا عدة محطات

أهم شي:
يوم في أفاموزا
يوم قي صن وي لاقون
يوم في جنتنق
والباقي عند الشباب