شوف اخوي انا درست لغه في ماليزيا لمده خمس شهور وبصراحه الاستفاده هناك محدوده
واشهر المعهاد هناك معهد ELS اللي ماانصحك فيه لكثره العرب ممكن يكون معك 7 او 8 طلاب عرب في الكلاس هذا المعهد في منطقه PJ خلف فندق كريستال كراون وله فرع في سوبانغ قريب من سن واي قريب تم افتتاحه وفي معهد قريب من البرجين والدراسه فيه من الساعه 8.5 الى 3.5 واكثر طلابه من الصين و كوريا واذا تبي تدرس في معهد ELS فانصحك تختار اي فرع غير فرع PJ
وفي معهد اسمه بريتش كانسل(British council) بصراحه انصحك بهذا المعهد لقله العرب اولا وكثره الجنسيات تلقى فيه (صينين - يابانيين - ماليزيين- تايلند- فيتنام ) ومن ناحيه الشعب يتكلموا انجلش بس غالبيتهم انجليزي مكسر ومن الصعب فهمهم ويحتاج فتره اقلها سنه لتتعلم اللغه هناك وبالتوفيق

اخوي الكريم life is sweet
اشكرك على المرور والمشاركه ومن ناحيه العرب مافيه ديره في العالم مافيها عرب انا درست الصيف الماضي في بريطانيا في كامبردج لمده شهرين ياخي الكلاس فيه 8 اشخاص سته سعوديين والله كاننا بالرياض
سمعت عن معهد LH الاسترالي انه جيد والعرب قليل ارجو الافاده ممن لديه فكره

اخوي عماش
انا لاانصحك ابد ابد ان تدرس في ماليزيا ... انا كنت في ماليزيا الصيف الماضي ... وزرت هذه المعاهد ... مافيه فرق عن معاهد الرياض الا بس اللي يدرسك حرمه ههه ... اي والله كل اللي عرب ....
تبي نصيحتي ... رح ياكندا او نيوزلاندا ... لكن لاتختار المدن الكبيره واللي يجونها العرب للسياحه
اختر المدن الريفيه ... والبعيده عن الصجه .. عشان تستفيد صح
على فكره انا افكر اروح ادرس لغه في نيوزلاندا .... وعندي معلومات لابأس بها ... مكن افيدك

لعلك تجد بعض ما يفيدك عند هذه الشركة ...
لديهم معهدان أحدهم أمريكي والآخر أسترالي ...
هاتف (012791691)
تحياتي ...

اخوي المايسترو
بس حرمه واحده ماينفع نبي كل المدرسات حريم .......ههه امزح لاتصدق . .. ولله كذا واحد ماينصحني بماليزيا لكثره العرب الله العالم اني ابقلبها لكندا او نيوزلندا ارجو ان تعطينا مما اعطاك الله من معلومات عن نيوزلندا واذا حصل بعد كندا ما نقول لا ............... شكرا على مرورك
الاخ المعالي
شكرا لمرورك اما المكتب كلمتهم قبل يومين لكن غالين مره
الدراسه لمده شهر مع السكن بفندق 4 نجوم مع وجبه الافطار فقط ب 6000 ريال
اما في مجمع سكني مع شخص اخر بنفس الغرفه بدون وجبات ب 3000 ريال
في بريطانيا الشهر مع السكن مع عائله مع ثلاث وجبات ب 6200

ارجو من الاخوه الاعضاء من لديه معلومات مفيده عن الدراسه في ماليزيا المشاركه في الموضوع حتى يستفيد الجميع

سلام يا عماش
انا عايش بماليزيا ،واللغة الانجليزية هنا ماش حالها ،يعني تقدر تقول على قولتهم ok la
وانا اوافق الاخوان على انك تاخذ اللغة من اهلها يعني في استراليا ولا في نيوزيلاند...
واذا مصرّ على ماليزيا فاخوك تحت خدمتك ومايردك الا ايميلك
عندنا كذا كوليج مافيه عرب كثير
والمدرسين اللي فيه امريكان وبرتش
وصينين وماليزيين درسوا بامريكا
وبيني وبينك يالحبيب ترى العرب مالين البلد
نصيحة من اخوك ،حاول قد ماتقدر انك ما تحتك معاهم
ولا حترجع من دون فايدة
وزي مابيقول احد مدرسينا هنا
: اللغة ماتقدر تدرسها لكن تمسكها
ما ادري كيف ترجمتها بالعربي
بس المثل يقول
language u can't learn it but u catch it
هذا كل شئ
واذا عندك اي استفسار راسلني
وانا تحت خدمتك

اخوي العزيز ok la
شف اخوي اذا تبي تولم الذبيحه ترانا جيناك لو مانستفيد لغه اهم شي المفطح .... لا واقول لاهلي والله معزوم في ماليزيا على العشاء واجع بكره ..............
على العموم مشكور اخوي على كرمك وطيبتك بس لو تقولنا وين المعهد اللي تقول مافيه عرب وكم الاسعار مع الفندق الله لايهينك

السلام عليكم
المملكه للسفر عندها عرض كل سنه بالصيف دراسة لغه انجليزيه بماليزيا لمدة شهر ب 4000 ريال
صراحة كنت ناوي اروح لها بالصيف لكن بعد ما قرأت آرآئكم خف حماسي للدراسة هناك
افيدوني بارك الله فيكم
وحبذا لو كانت المعلومات مزوده بالعناوين والأرقام
ولكم شكري وتقديري