بوصفلك بسهوله
شفت الاشارة اللي خذيت معها يوتيرن خل الراشد على يمينك وواصل سيده بتجيك لوحه مكتوب فيها جامعة الملك فهد للبترول والمعادن يمين انزل معها وواصل بيجيك مجمع الظهران على اليمين كبير وواضح اصلا بتشوفه قبل تنزل يمين
اتمنى اني قدرت اوصفلك عدل

Nasser 1
عزيزي وغالي تسلم ،
يعني أنا لما أطلع من الراشد ويكون على يميني أواصل مع إشارة الدمام سيدا ،
وأول ماأجوف إشارة جامعة الملك فهد ألف يمين وأنزل وراح أجوف مجمع الظهران على اليمين !
إستحملني شوي ، لأنه أول مرة أجرب هالحركة وماقصرت

هلا فيك اخووي وعادي خذ راحتك
مافيه اشارات غير اللي تاخذ معها يوتيرن بسس
انت لما يكون الراشد على يمينك (بالضبط لما تكون البوابه رقم 1 على يمينك) واصل سيده بيجيك عاليمين سيتي بلازا (سنتر بوينت) وبعدها محطة التسهيلات واصل سيده وبيجيك نزله يمين مكتوب جامعة الملك قهد انزل معها واجباري بتروح يمين وتتعدى الاشارة وبيجيك مجمع الظهران على يمينك
وانت اصلا من تتعدى مخرج القاعده الجويه بتشووف مجمع الظهران واضح على يمينك
اتمنى انه وصفي سهل ومفهووم واي شي تبيه اسأل لا يردك الا لسانك
وحياك الله

مشكور عزيزي على الشرح تعبناك ويانا ،
أنا سويت هالمخطط البسيط ( عالسريع وإعذرنا على عدم وضوحه ) وقول لي صح أو لا ، موجودة إشارة الخبر وشلون ندخل للراشد ، واللي باللون الأحمر هو طريق مجمع الظهران والوردي هو المجمع ، ؟؟؟

مرحبا أخوي...
إذا صار الراشد على اليمين خليّك ماشي سيدا وبتشوف محل (سنتر بوينت)
واضح على اليمين (على فكره المسافه بينهم شويّ يعني ما راح تمشي كثير) وأوّل مخرج على
يدك اليمين إطلع معه وبعدين إمش سيدا وراح يكون مجمع الظهران على يدك اليسار
واضح ...عشان ما تتلخبط لا تنتبه للوحة الدمام لأن هذا الوصف هو الأقرب تقريبا..
وان شاءالله أكون قدرت أساعدك.....

لما تخلي الراشد على يمينك روح سيدة لمن تجد لوحة مكتوب عليها المدينة الرياضية خش معها يمين وبعدها ستجد مجمع الضهران على يسارك . تطلح فوق الكبري يمين وتعمل يوتيرن وبيكون المجمع على يمينك
وهذي صوره مرفقة توضح ذلك

تحياتي ( مسمار )

وصف الأخ مسمار واضح جدًا
الله يعطيه العافية
من غير قصور في المشاركين

وعليكم السلام
طريقه واضح وهذي صورة جوية تبينلك موقعة بالتمام