مبروك اخي الكريم علي الفيزه
ولكن كان بودى لو قمت بوضع تفاصيل كامله
1- من اين استخرجتها
2-ومن اي سفاره عملتها
3-وهل عملتها عن طريق مكتب تخليص معاملات
ليستفيد الاخوان منها

مبروك والله عقبالنا بس صحيح من وين
طلعتها به السرعة والسهولة ما شا الله الاخ واصل
ولا دبلوماسي الموضوع فيه إن ؟!

شسالفه؟؟؟
ماشاءالله بس كيف بثلاث ايام..
احنا نطلعها بشهر..
يمكن من اليونانيه؟

اتمنى تقولنا اش الهرجه وبالتفصيل

السلام عليكم
واسفين على الاخير والله يااخواني انه ماصارلي من قدمتها غير 3 ايام وطلعت انا من بوظبي
1- اخذت الطلبات من السفاره الالمانية وطبعتهم عند الطباعين
2- حجزت على الاتحاد وطلعت الحجز
3- خليط مكتب الطيران يطلعلي حجز فندق اي كلام بتواريخ السفر
4- نفس الشي سويت التامين من مكتب الطيران
5- صورنا وكانت الخلفية بيضاء على طلبهم
6- اخذ السواق الاوراق وقدمهم فالسفارة الالمانية
7- خذوا صورتين وعن كل معامله 330 درهم
ويعطونك الفيزه على حسب جوازك يعني متى تاريخ الانتهاء يعني باقي سنه يعطونك الفيزه سنه فيه سنتين يعطونك سنتين وقدمناهم ودفعنا 10 دراهم لكل جواز للتوصيل عن طريق شركة التي ان تي والله 3 ايام ويابوا الجوازات وفوقهم بوسه.
واي سوال انا فالخدمه
وسامحوني على التنقيع فالكتابه ( واحد مستعجل)

شكرا لك اخي ورحله موفقه اخي

شيء جميل جدا في ثلاث ايام والجواز جاهز ، لكن السؤال في السعوديه بيصير نفس النظام ولا لا

شئ طيب....انا ان شاء الله غدا رايحه السفارة الالمانيه اسوي فيزا وان شاء الله ماتطول لان يوم سفري الأثنين .وسويت نفس ماقال الاخ طلعت حجز وتأمين من مكتب الطيران ..وانا ان شاء الله مسافره على طيران الاتحاد ..

حلو ما شاء الله