وش دعوه يا عيال زايد

أخوي أنت اخترت وقت الزحمة والغلاء ، وقت معرض جيتيكس وما اتوقع تلقى بهذا السعر إلا في فنادق أبو نص نجمة حول سوق نايف
المسافة بين وسط الشارقة ووسط دبي مو بعيدة مرة بس الزحام يجعل المدة طويلة
وعموماً ما بين 20 دقيقة إلى ساعة حسب الزحام
اسعار ايجار السيارات الصغيرة (كورلا - صني - هونداي) في دبي حوالي 80-90 درهم
هل الأفضل استئجار سيارة أم تاكسي ؟
الاستئجار إذا مشاويرك كثير وتدل الأماكن ومستعد تنتبه لعدادات المواقف وإلا خلك على التكاسي
معارض السيارات المستعملة في الشارقة أفضل كثيراً وأكبر وإذا تبي جيوب جرب أبو ظبي والعين بعد
تحياتي لك وأي خدمة حنا جاهزين

خذها نصيحة وأنزل في الشارقة بدل دبي لأن الأسعار جدا نار ومافي فنادق ولاشقق مفروشة في دبي بهذا السعر.
أحسن تاخذلك شقة مفروشة في الشارقة بس مش متأكدة إنك بتحصل فندق أو شقة مفروشة بالسعر اللي ذكرته ..

الله يعطيكم العافية على الرد والفائدة
ماعندي مشكلة إلى 500 درهم هل أحصل سكن جيد في الشارقة

اقتراحي عليك السكن في فندق الهوليدي ان الجديد في الشارقة والقريب من المعارض (ممكن تروح مشي )،وأسعاره حوال 300 درهم بس مب متأكد من اسم المنطقة، ممكن تكون أبوشغارة أو المجاز وماراح تندم،
وإذا ماحصلت عليك بالديار.
المسافة حسب الزحمة ممكن تكون 5 دقايق وممكن تكون ساعة
أسعار السيارات تدور حول 100 درهم + ،-
بالنسبة للمعارض روح الشارقة ،وجرب دبي اللي في منطقة العوير بس أحسن تروح له بتكسي حتى ماتضيع