اخي العزيز
بصراحه انا ماعرف هالمدينه لاكن لقيت لك موضوع عنها في المنتدى
https://artravelers.com/p/re/109771
واذا حاب معلومات عن المدينه بس بالانجليزي تفضل

وتحياتي لك

هلا والله وغلا اخوي
اللي قبلي رد عليك وعطاك روابط
انا حاليا في كوانزو
وقبل خمس ايام كنت في ايو
طبعا تختلف اختلاف كامل عن كوانزو
هي تبعد عن كوانزو بالطائره ساعه ونص تقريبا
طبعا الجو فيها بارد بحكم قربها ل باكستان
ويبي لك مثل هذا الوقت جاكيت
مدينه اقل حضاره من كوانزو الشعب فيها غير متحضر وبعيد كل البعد عن الشعب الموجود في كوانزو
فيها شارع عربي اسلامي ... كل شيء موجود فيه عربي ومطاعم عربيه .. كأنك في احدى البلدان العربيه
واشهر مطعم عربي فيها اسمه " المائده " هذا المطعم حتى سواق التاكسي الصيني يعرفه
يعني قله المائده ريستورنت حتى لو مايتكلم انجليزي بيفهم
بالنسبه للأسواق
مافيها الا سوق واحد يستاهل من يروح له
بس بصراحه وبكل امانه كبير كبير كبير كبير كبير كبير جدا
يعني يبي لك شهر كامل عشان تلفه كامل وفيه كل شيء
اسم السوق " فوتيان انترناشنال "
طبعا جودة البضائع والسلع اقل من جودتها في كوانزو وفي السعر ارخص من كوانزو
بالنسبه للمطار عندهم تراه صغير جدا جدا
يمكن مساحته 1000 متر
وصدقني بتشوف عجائب هناك
اتمنى اكون وضحت لك ماتريد
واي سؤال انا تحت امرك
تقبل مروري
! فهد !

الي اعرفه عنها انها مدينة تجارية جدا و لا تصلح للسياحة, و حسب معرفتي بالصينين يقولون عنها رخيصة
بس ما تصلح للسياحة, و انا يمكن اروح لها ان شاء الله