السلام عليكم :8888:
هلا وغلا اختي هلاليه
وحياج الله بين اخوانج وخواتج وان شاءالله اتفيدين وتستفيدين
تقدرين اتشوفين هالموضوع وفيه تقريباً كل شي عن الأماكن السياحيه
https://artravelers.com/p/re/257584
وشارع ادجول رود كله بقالات عربيه لاأتحاتين ابدا
بس ياليت اتحددين المده إذا ماعليج أمر ..

مشكور اخوي القطري والله يطول بعمرك على التواصل والرد السريع
وانا ان شاء الله سفرتي من12 اغسطس الى21 اغسطس

اشكرك اخي القطري على تفاعلك والرد السريع انا ان شاء الله سفرتي من 12 اغسطس الى 21 اغسطس وعلمني اخوي اي الخطوط احسن من ناحيه الخدمه والاسعار والفيز كم تستغرق من يوم وكم ياخذون على الجواز ولك مني اجمل تحيه

اخي القطري اشكرك على تفاعلك السريع وارجو انك تتحملني شوي ابي اعرف بعد عن اسعار التذاكر واي خطوط احسن
بالخدمه ومده الطيران وكم المبلغ اللي ياخذونه على الفيزه للجواز الواحد وانا سفرتي من 12 اغسطس الى 21 اغسطس
ولك مني اجمل تحيه

1. بسم الله الرحمن الرحيم

السلام عليكم اعضاء المنتدى حابه اشارك باالمنتدى بهذه الرحله التي تبداء من روما مرورا باليونان وتركيا

بسم الله الرحمن الرحيم

كان موعد الرحله الساعه التاسعه صباحا حضرنا للمطار الساعه السابعه طلعنا الى الطائره بعد تنظيم
المضيفه للمسافرين في مقاعدهم اعلن قائد الطائره الاستعداد للاقلاع وقرائته لدعاء السفر اقلعنا بيني وبينكم كنت خايفه بس الحمد لله مادام الخوف كثيرا حيث اخذت اقراء بعض الادعيه وبعدها بقليل غطيت بالنوم المهم مره نوم ومره نصحى صح الرحله طويله بس كانت ممتعه والحمد لله
وصلنا لليونان بعد خلوصنا من الاجراءات بلمطار لقينا التكاسي على الباب اخذنا واحد وطاعنا الى الفندق
واسمه منيرفا هوتيل صغير بس حلو وخدمتهم فل وعشره وقريب جدا من الاسواق ومن سندقما اللي هو
مكان البرلمان وكان معنا خريطه توضح اهم المعالم السياحيه منها الكربولس والمدرج اليوناني و والاعمده اليونانيه شكلها يخوف من كبرها وبعدها باسبوع ذهبنا الى الجزر بديناها بجزيره اقينا وهذي تبعد نص ساعه
عن اثينا حلوه جدا ما فيها صخب لانها بدون سيارات المواصلات يا رجليه او حنطور وهي على البحر تقوم لصباح على منبه صوت البواخر الله عليها تعيش جو ثاني المطاعم موجوده على امتداد البحر اكل عربي لان اكثر اصحاب المطاعم سوريين او مصريين او اتراك الى جانب الاكل اليوناني والايطالي واهلها شعب
طيب وكريم وحبيب يضحكون بوجهك كانهم يعرفونك او واحد منهم وخدومين اذا ضعت يدلونك الى المكان اللى تبيه والاسواق ماهي غاليه متوسطه وجوهم حلو جدا سواء بالبرد او البيع انا عشت كلا الجويين
وياريت الصور حاضرتني الحين كان شفتوا اليونان الحلوه لكن ان شاء الله انزلها قريب
هذا بخصوص اليونان ولي لقاء معكم ان شاء الله واعطيكم موضوع ايطاليا ولكم من كل التحايا
وارجو من الله اني استفتوا من هي الرحله

الله كريم أسافر هالصيف لندن

يبدو أن في لبس بالموضوع ( كتابة رد وموضوع جديد ) لحستي مخناا ياهلاليه الله يصلحك ..
عيدي كتابة موضوع (رحلتي الى روما واليونان وتركيا) في أحدى بواباتها ولاتحرمينهم من مواقفك وذكرياتك فالسفر .. وأنا أفضل أن تكتبينها في بوابة ايطاليا .. والخيار لك

اخواني واخواتي اسفه على اللبس اللى صاير بالموضوع ما اعرف ليش صار معي كذا احس اني كني وحده ما قد كتبت
في اي منتدى او ما قد مسكت قلم من اصله وانتم بعد ماصرتو ا فيني غسلتو شراعي زين المهم الله يعطيكم الف عافيه
على التوجيه وما فيه احد مايخطي المهم انكم ما تاخذون عني فكره مو صح والعبره بالمواضيع الجايه الجديده ان شاء الله