السلام عليكم ورحمة الله وبركاته
اخواتي واخواني ابقولكم قصتي انا لي 6 شهور وانا اخطط للسفر لالمانيا وباريس وبلجيكا وحجزت التذاكر بدري واستئجرت الفنادق والشقق وبقى الفيز ، استعجلت وعطيتهم مكتب الله لا يبارك فيه نصاب بمعنى الكلمة سلمتهم الجوازات وكل شي قبل السفر بشهرين وكل ما اكلمهم يتحججون باي حجة مرة زحمة مرة عشان انفلونزا الخنازير مرة ومرة الخ الخ الخ الخ
المهم قبل السفر بكم يوم قالو تعالو استلمو جوازاتكم وترا ما سوينا شي ليه والسبب ؟
السبب يا طويلين العمر على قولهم ان السفارات اطردتهم يقولون معاد نبي معقبين ارسلو الاشخاص هم يتابعون فيزهم
انا صدقتهم بالبداية بس قلت اتأكد كلمت كذا مكتب قال والله هالكلام اول مرة اسمع فيه
المهم راحت على السفرة وتخسرت بالتذاكر وتخسرت بالشقق
والسبة المكتب النصاب
وعلى فكرة لقيت في هذا المنتدى كذا تحذير منه
يا اخوان من يحمينا من هالنصب الى مين نتوجه ليش حقوقنا ضايعة وعلى فكرة فيه واحد اكدلي ان جوازاتنا ما ادخلت السفارة .
عطوني رايكم وش اسوي انا ودي اشتكي هالمكتب بس وين ولا بعد يالله عطونا فلوسنا وكانو يبون يخصمون
كذا بس تمويه حسبي الله عليهم .
على فكرة المكتب اسمه مكتب ترحال وارجو من الادارة انها ما تحذف اسم المكتب والساكت عن الحق شيطان اخرس .
والسلام عليكم