1. السلام عليكم ورحمة الله وبركاته,بعد التحية والأحترام /


2. وبالنسبة لي أعتبرهم من أسوء الصينين تعامل هم أهل جوانزوا ,

السلام عليكم ورحمة الله وبركاته,بعد التحية والأحترام /

راح أطرح في هالموضوع مايحتاجه المسافر العربي إلى الصين من تنبيهات وكلمات صينية وبعض الأرقام المهمة .. اللي ممكن تفيدك في الصين /

• شيء مهم لا بد إن يكون كل أهتمامك قبل خروك من إي مكان وهو إن تتوكل على الله .
• كلنا نعرف إن "المال السايب يعلم السرقة" لذلك أحذر على أمورك المهمة .. خصوصاً في المناطق المزدحمة زي المتور .. ألخ,لإن تكثر فيها عمليات السرقة.
• جوانزوا,ولأن أكثر المسافرين العرب يروحون لهالديرة .. أنتبهوا من بعض الصينين هناك

وبالنسبة لي أعتبرهم من أسوء الصينين تعامل هم أهل جوانزوا ,

وفي جوانزوا كذلك .. أحذر بعض الأفارقة وبعض العرب ... عموماً في هالديرة خلك حذر بزيادة ما أبّي أخوفكم بس هالديرة مقارنة بباقي مناطق الصين,تُعتبر سيئة بالنسبة لي ع الاقل.

• أحذر تبديل العملة,بحيث يكون معك .. 100 كواي ع سبيل المثال .. وتعطيها راعي البقالة وتأخذ منه غرض .. وفي سهوة منك ممكن يحول ال 100 كواي حقتك .. إلى 100 كواي مزورة عنده ويقول لك فلوسك مزورة .. لذلك خلك ع بينه من إن يصير لك هالشيء .. وإذا صار لك هالموقف أطلب الشرطة ولا عليك فيهم خصوصاً إذا كنت واثق من فلوسك ,لإن الشرطة الصينية متعاونة مع الأجانب ورقم الشرطة /110

ولا تتوقع إن الصينين المتواجديين حول المكان راح يفزعون لك .. لإن الشعب الصيني بطبعه شعب مايحب يقروش نفسه .. لذلك إذا حصلت لك مشكلة ولا شيء وطلب الشرطي عنوانك .. أبحث عن إي شخص لا يعلم عن المشكلة وعطه الجوال وخله يوصف لهم .. وممكن تحصل رفض لكن حاول في كذا واحد .

• بالنسبة لتحويل الفلوس .. إذا بتحول دولار أنصحك بالتحويل من أحد بنوك الصين مثل بنك أو تشاينا ألخ ... لإنها أضمن وأفضل لك .
• في التاكسي .. كن حريص ع أخذ الأيصال بعد الخروج من التاكسي .. لإن الأيصال مهم لك ويفيدك خصوصاً إذا نسيت شيء في التاكسي .. لا تكون مستعجل وأحرص ع الأيصال,وحتى تكون على بينه بالمبلغ المطلوب منك .. لإن بعضهم وقليل هم يحاول يستغفلك كسائح وينتف ريشك .. وحسابك يكون 50 كواي يقولك 100 .. لذلك أحرص ع الأيصال .
• الصينيين بشكل عام شعب محترم,وبحكم معاشرتي لهم شفت هالشيء .. بس أحرص ع الابتسامة معهم,خصوصاً من يستحقها .

وحاب أعرفكم ع التحية الصينية وهي / ني هاو .. وردها يكون ني هاو كذلك
وإذا عملك حاجة حلوة الصيني .. حاول تشكره .. وشكراً باللغة الصينية تكون / شيشيا ني xiexie ni
إذا فيه إي أضافة تطري علي راح أضيفها,وأتمنى من بقية الأعضاء الخبراء في الصين مساعدتي في هالجانب
وتحيتي للجميع .