شلونكم وشخباركم ان شاء الله بخير
حبيت ارويكم بعض الصور للشقة اللي سكنا فيها في البحرين
اول شي اقولكم متى كانت سفرتنا للبحرين سافرنا تقريبا رابع العيد تاريخ 15-10-2007م
وكنا ندور على شقة وما حصلنا حجز عيد والشقق كلها مليانه
وقلنا يلا نروح البحرين ومن هناك ندور
ولما رحنا قلنا بنسكن في منطقة الجفير كلها شقق حلوة ومنطقة حلوة
وقعدنا ندور لين اخر الليل لأن كنا ندور على مكان نظيف وحلو
بالصدفة شفنا عمارة وكانت جديدة تقريبا من شهرين فاتحينها يا حظنا الحلو
واسم الشقة بباي بلازا :kashkhah:
وفيها بركة سباحة
وصالة رياضية :36_1_33:
وسونا وجاكوزي
وطبعا في خدمة الستلايت وخدمة النت وتكييف مركزي
وهذي الصور للشقة وهي في منطقة الجفير
هذي الصالة
وهذا المطبخ مفتوح على الصالة
وفي غسالة اتوماتيك
تقريبا كل الاغراض كانت جديدة في المطبخ بقراطيسها
والشقة فيها 3 غرف نوم والله يعزكم 3 حمامات والصالة اللي شفتوها والمطبخ المفتوح
يعني الشقة شرحه ووسيعة
وسعر الشقة ايام العيد 100 دينار في اليوم يعني الف ريال قطري بس بعد العيد قالوا لنا السعر ينزل
يعني اكيد ايام الزحمة الاسعار تختلف عن الايام العادية
واجرنا سيارة تويوتا فان ب 50 دينار يعني 500 ريال والسيارة كانت موديل 2007 بس مقهورة ليش ما صورتها :112:
وهذي بعض الصور واحنا طالعين
وهنا بعض المولات
وهنا كنا معزومين واو اش حلات اكلهم يجنن
والبحرين حلوة بأهلها الطيبيين وما شاء الله عندهم كرم وحسن ضيافة
وشوفوا هذا المجبوس روعة
وهذا البطيخ مني لكم تفضلوا هنا وعافية
وبس خلصت واذا عندكم اي استفسار انا في الخدمة