ولا يهمك واختيار ممتاز ... لي رجعه بعد الصلاة
بس افدينا بتاريخ العوده والمزانيه اهم شي
والسكن الرغبه في فندق 5 او 4 او شقق فندقيه

اللي فهمته من ابو الشباب الميزانيه 12 حتى لو اضطرينا لتقليل الايام طبعا غير قيمه الطيران
واتوقع الاربعه نجوم اطلق من 5 نجوم اللي عندنا هنا يعني حلو مايهم
الطيران ابي أسألكم اذا مابي الخطوط السعوديه عشان سعرها وش تنصحوني فيه
جزاك الله خير
تاريخ السفر هذا افتراضي لان الزواج بتاريخ 13 يونيو فبشوف لي رحله بعدها بايام معدودات

الف مبروك وانا اخوك
وبنعطيك فنادق حلوه وبدون لا تختصرون ايام بناخذ نظام الاقتصادي الحلو الغير مكلف
الطيران السعوديه ماينفع بريال واذا بتحجزين عليك بالاماراتيه او القطريه او السنغفوريه لو الفرق 2000 ريال ب المشكله انهم ارخص من السعوديه واحجزي بدري
ب النسبه لجدول نبي نحذف منه جزيرة بالي لنها مكلفه جداً
بالنسبه لتوزيع الايام ع ثلاث مناطق راح يكون جاكرتا 4 ايام{الوصول والعوده} وباندوق 3 ايام وبونشاك 6 كذا يكون ممتاز جداً واقتصادي
الوصول جاكرتا والحجز مسبق افضل
وعلى فندق بتافيا= 200 الى 280 ريال
فندق اكماني =من 250 الى 300 ريال غرفه ديلوكس { الدخول 17 .18.الخروج 19 } كذا بكون حسبنا ع اعلى حد 300*2= 600 ريال
=================================نطلع مباشره ع باندوق الصباح مع السائق {يكون الحجز عن طريق النت او من المطار اهم شي بدري}
والسكن في منطقة ليمبانق
ساري اتر = 180 الى 250 غرفه . الدخول {19.20.الخروج 21 } وبنقول السعر الاعلى 250*2= 500 ونطلع بتمشيه بالطريق لبونشاك {الجبل}
====================================بونشاك
السكن في فله خاصه او فندق السعر في الفندق من 300 الى 350 ريال فندق سيروني {الدخول 21.22.23.24.25 والخروج 26} 350*5=1750 ريال
اما الفلل فافيه فله ممتازه وتصلح لكم واقتصاديه وموقعها مطل وامان وعليها حارس
فلة اوجي 3 غرف 3 حمامات = 255 ريال الى 300 ريال مميزه فقط بالمطل مافيها مسابح 300*5=1500 ريال
او فيلا ام بي 3 غرف ؟ كم حمام= ممتازه جدأ = 350 ريال وتصلح لكم ونظيفه ومطلها ممتاز 350*5=1750ريال
الخروج 25 الى جاكرتا
فندق بتافيا= 200 الى 280 ريال لقربه من المطار {26.27والخروج للمطار تكون الرحله 28} وبنقول 300 *2= 600
================================
اشياء اضافيه
1- رسوم دخول 50$ +رسوم خروج 150 الف مايقرب 80 ريال
2- السايق خاص طول الرحله 210 ريال * 12=2520 ريال
2- دخول منتزهات واكل وشرب ...400 ريال باليوم *12=4800
======= بنجمع ع اعلى سعر
190+80+1750+500+600+600+4800+2520=11040 ريال في جميع الحالات لزم يتوفر مبلغ اختياط لا يقل عن الف ريال
التاريخ حسبته من 17 الى 28 الاقلاع
وتقليل الايام ماينفع ولا يطيح الا 500 ريال كاحد اعلى
اتمنى افتك باللي اقدر عليه

الله يرضيك ويجعلك واوالديك بالجنه يارب
ماقصرت اخوي

العفو ماسوينا الا الواجب

جلست ابحث في قائمه الطيران وجدت ارخصها الطيران القطري
يكلف 5,428.00ريال
مارأيكم ؟

ممتاز جداً لكن انتبهي لوقت الانتظار .. القطريه تطول بالانتظار