بسم الله
العشر الاف تكفيك بالراحه ، وتشوف اخر يومين وش يبقى لك وتتسوق فيه
نحسب على ان الجدول 7 ايام
يوم سيلانقور للراحه او بتروجايا اذا مو حاب الالعاب
3 ايام لنكاوي او بينانغ * انل ارشح لنكاوي لشهر العسل *
3 ايام كوالالمبور
سيلانقور فندق صن وي ريزورت 5 نجوم او صن وي بيراميد 4 نجوم
بتروجايا اي فندق 5 نجوم حلو
لنكاوي فندق وستن 5 نجوم
بينانغ راسا شنقريلا 5 نجوم او بارك رويال 5 نجوم ( مزعج لأن مشغلين الموسيقى ب استمرار ) او قولدن ساندس 4 نجوم ولكن يعتبر من افخم المنتجعات الموجوده ويتبع لشركة شنقريلا
كوالا ارشح لك تريدرز ( مطل على الابراج ) 5 نجوم
او اي فندق 5 نجوم في شارع العرب يكون تقييمه بالبوكينق اكثر من 8.8
اما اذا كان جدولك 10 ايام
يوم سيلانقور او بتروجايا
3 ايام لنكاوي
يومان بينانغ
4 ايام كوالالمبور
ولك الاختيار والانتظار من الاخرين
عطنا الاوكي عشان نعطيك الجدول

بالتوفيق ان شاء الله في رحلتك
والعشرة ألاف تكفيك وزياده من غير التذاكر .. انصحك بأنه يكون جدول الرحله يومين في كوالا لمبور 4 ايام في لنكاوي واخر يوم تخليه لتسوق في كوالالمبور
وانصحك بالسكن في المثلث الذهبي في العاصمه عند ابراج بتروناس لأنه من خلال هالمكان تقدر تزور اغلب الأماكن السياحيه المهمه وفي تقارير الأعضاء تقدر تلقى الأفاده ان شاء الله
واذا حاب انك توفر اكثر في الرحله جرب تتنقل بالمترو من المول ولا بالباص تحجز تذكره وتكون فيه محطات وتقريبا ً كل ربع ساعه يمر الباص مره ثانيه في كل محطه وتكون موضحه في الخريطه الي يعطونك اياه في الباص او في الفندق تقدر تطلب منهم ويعطونك كل الي انت تبغيه.
عموما ً ماليزيا بلد جميل وأمن والناس طيبين جدا ً وان شاء الله بترتاح في الرحله

https://artravelers.com
يعني اخوي اخلي هبوطي في سيلانجور واجلس هناك ليوم واحد ..؟
او انزل الى كوالالمبور وانزل هناك ؟
والتنقل بين المدن الماليزية بالسيارة او بالطائرة
انا باخذ 8 ايام بالتمام ان شاء الله من غير ايام السفر

مرحبا اخي
بتروح مع بكج ولا على حسابك الخاص ؟

حياك الله أخوي
لي وجهة نظر واتمنى تتقبلها بروح رياضية
سبع ايام قليلة جدا في حق ماليزيا وماهي مستاهله هذا التعب
رأيي اقل من 10 ايام لاتفكر ف ماليزيا
لو بدالك افكر في دولة قريبة مثل تركيا او دبي
ام سبع ايام في ماليزيا تحتاج لاعادة تفكير
لاتنسى 9 ساعات سفر ويوم توصله وانت تعبان واليوم الاخير لاتحسبه
يعني يصفى لك خمس ايام تقدر تستمع فيها
القرار قرارك
لكن لو تميت على قرارك انصحك
بان يكون ايامك السبعة في كوالا
وتقسمها يوم تروح لسيلانجور
ويوم لجنتنغ
وخمس ايام تكون داخل كوالا
او يومين في سيلانجور
وخمس ايام في كوالا
بالتوفيق
ابو عبدالرحمن