في بداية اكتوبر الجو جيد
ويصراحه اشوف النمسا احسن من تركيا
ماليزيا خيار منافس بصراحه وعاد انت وكيفك : تبغى طبيعه وجو استوائي رح ماليزيا
تبغى طبيعه وجو يميل للبروده وشعور القاره العجوز رح النمسا
احجز فندق وسكن وطلع الفيزا والجدول مايقصرون الاخوان بالمنتدى
5الف كفايه اتوقع لكن احسب حساب مبلغ اضافي للتشوق ولو كان اقصى شي تدفعه 25 الف حولها لماليزيا لان عملتهم قريبه من عملتنا وماتكسر الظهر

اكتوبر بارد جدا خاصه في الارياف
لاكن اللبس الثقيل بيكفي ان شاء الله
سافرت عده مرات في اكتوبر الى النمسا
ومن هذي الرحله صادفني في زيلامسي تساقط للثلوج بتاريخ 20 /10 /2007
وان شاء تستمتع بالاجواء وهي حلوه لشهر عسل
والف مبروك والله يجمع بينكم بالخير والمحبه

النمسا وانت مغمض ولاتفكر في غيرها ماليزيا كلها عرب وحاره رطوبه العرق من قلب احس مب حلوه حق شهر العسل وفي الاخير مانقدر نجبرك انت وذوقك صدقني النمسا واتضيف معاها بلد ثانيه بتكون خيار روعه
شوف المكان اللي يناسبك بالتوفيق لك

وهذي الصوره خير شاهد

mezajee_ksa
إذا فعلاً جيد ، حلوو
وماليزيا حل أخير لو ما رحت النمسا ، نفسي انا وشريكة حياتي نروح النمسا
يعني فرق السعر عن ماليزيا في ايش بالضبط ؟ السكن والتسوق والرحلات الداخلية والا بس التسوق
اذا معي بطاقة ائتمان ومعي الراجحي وسامبا كيف الصرافات هناك احتاج كاش يومي
والا السحب بالبطاقة في اغلب الاماكن اللي احتاجها ؟
الله يعطيك العافيه

unique man
الله يبارك فيك ويعطيك العافيه بأحتاجك كثير انت والإخوة ماتقصرون
الصورة موحشة وتخووف ، بس عاادي بالنسبة لي البرد ولا الحر والرطوبة
بس المشكلة اللي معاي ،
البرد معقول ومقبول بس لو زاد عن حده هذا اللي يخوفني مايخلي الواحد
يتمشى وهو طبيعي ومبسوط
بارد جداً ؟؟؟ يعني كم توصل الدرجة ؟؟ لاتقول تحت الصفر
طيب اكتوبر اعتقد فصل الخريف ؟ فيه امطار ؟

بنت أوربا
مشكوره بنت اوروبا ، علشان كذا انا متحمس اروح لها
طيب اسبوعين للعرسان الجدد لو قلنا مثلاً فينا و سالزبورغ و زيلامسي
ممكن اوزعها في اسبوعين وأيهم مايناسب في البرد ؟؟
و لو اضفت سويسرا مثلاً ؟؟ ينفع
وكيف انتقل لها و كم يوم أبقي لها ؟

انا العام رحلتي كانت من تاريخ 27 / 09 /2010 الى تاريخ 11 / 10 / 2010
وكان الجو رائع جدا يميل للبروده خذ معك احتياط باللبس وخصوصا اذا كنت تبي تصعد للقمه الثلجيه ( جزم بلاستيك علشان مايتسرب لرجلك الثلج )
ونصيحتي لك افضل مخطط لشهر العسل يكون كالتالي :
3 ليالي فيينا ( فندق الماريوت , فندق الانتر , فندق Am Parkring اربع نجوم , فندق DO&CO فيينا )
3 ليالي سالزبورغ ( فندق الشيراتون , فندق بريستول , فندق رامادا , فندق كراون بلازا )
5 ليالي زيلامسي ( فندق القراند , فندق der sonnberg اذا معك سياره , فندق Fischerwirt بالسنتر )
3 ليالي ميونيخ ( فندق لي ميريديان , فندق Mercure München City Center , فندق سوفتيل )
طريقة التنقل داخل فيينا وداخل ميونيخ عن طريق المترو ( الاندرقراوند )
طريقة التنقل داخل سالزبورغ وماجاورها وداخل زيلامسي وماجاورها عن طريق السياره المستاجره أو عن طريق الباصات
طريقة استأجار السياره :
تنطلق من فيينا الى سالزبورغ بالقطار
ثم تاخذ تاكسي الى قرية فريلايسنق Freilassing الالمانيه وتبعد مدة 10 دقائق عن سالزبورغ وتستأجر السياره منها
وتكون السياره معك في سالزبورغ + زيلامسي
وعند الوصول الى ميونيخ يتم تسليم السياره وبذلك نتفادى دفع ضريبة تسليم السياره في بلد آخر
المطاعم :
مطعم ( لورد عربي ) في فيينا قريب من فندق الماريوت
مطعم ( Hanas Rasoi Indian Restaurant هندي ) في سالزبورغ القديمه
مطعم ( aydn تركي ) مقابل مركز شرطة زيلامسي
مطعم ( علي بابا عراقي ) مقابل فندق القراند في زيلامسي
مطعم ( antonios basmati هندي ) خلف سوبرماركت billa اللي في ساحة زيلامسي
مطعم ( kasara لبناني ) في ميونيخ قريب من محطة المترو munchner freiheit
وتتواجد مطاعم الوجبات السريعه مثل : ماكدونالدز في كل مكان
نظرة الشعب للنقاب تنرفز شوي لكن لاتتعدى ذلك ويفضل لو تغيرون لون النقاب والشيله ( الطرحه )
واجراءات الدخول للمطار سهله وميسره وفيه موظفات نساء وتقدرون تطلبون حرمه اذا كان مافيه
الميزانيه اليوميه من 100 يورو الى 200 يورو للشخصين كافيه ان شاء الله
الأماكن السياحيه في فيينا :
1_ملاهي براتر
2_ التجول في ساحة ستيفانز
3_ التجول في حديقة شتاد بارك
4_ الذهاب الى قصر الشونبرون
5_ حديقة الحيوانات الملاصقه لقصر الشونبرون
6_ حديقة وبرج الدانوب
7_ التجول بنهر الدانوب بالقارب
8_ التجول في شارع ماريا هلفر للتسوق
9_ مغارة هتلر تبعد عن فيينا 20 كلم مع أخذ الحيطه بالملابس لأنها بارده
0- الصعود على هضبة كالين بيرج المطله على فيينا
الأماكن السياحيه في سالزبورغ :
1_ الذهاب الى القرى الثلاث الريفيه ( وولف قانق + سانت جيلجن + فوشل آم سي )
2_ شارع المشاه في سالزبورغ القديمه وشارع المشاه في سالزبورغ الحديثه
3_ التجول على نهر السالزاك وحديقة الميرابل
4_ الصعود بالتلفريك الى القلعه القديمه في سالزبورغ القديمه
5_ المرور على قرية هالشتات ( Hallstadtt) الجميله وتبعد 80 كم عن سالزبورغ
6_ زيارة الأوت لت القريب من سالزبورغ للتسوق
الأماكن السياحيه في زيلامسي ( كابرون ) :
1_ التجول حول بحيرة زيلامسي الجميله وركوب السفينه في البحيره
2_ الذهاب الى قمة كابرون الثلجيه
3_ الذهاب الى قرية سالفيدين وفيها الزحليقه الصيفيه
4_ الذهاب الى شلال زغموند ثون كلام والمشي على الخوانق الخشبيه الضيقه قريب من كابرون
5_ الذهاب الى قمة شميتين هويه
6_ الذهاب الى ساحة الطيران flug platz لركوب الطائرة السياحيه ولكن لازم الحجز يكون مسبق عن طريق الفندق
7_ الذهاب الى شلالات كريمل
8_ زيارة قرية walchsee وتبعد تقريبا مدة ساعه عن زيلامسي فيها زحليقه صيفيه أيضا وفيها بحيره جميله
9_ اذا عندك وقت فراغ ممكن زيارة ملاهي فاميلي لاند
0- شلال الوادي الضيق ليشتن شتاين وسانت يوهان والمشي على الخوانق الخشبيه يبعد ساعه عن زيلامسي
1- زيارة قرية Goldegg وتبعد 35 كلم عن زيلامسي
2- الذهاب الى مدينة انسبروك وزيارة عالم الكريستال ( سواروفسكي ) القريب منها
الأماكن السياحيه في ميونيخ :
1_ شارع المشاة الرئيسي الرابط بين الساحتين
2_ ساحة المارين بلاتز
3_ ساحة الكارل بلاتز
4_ شارع المكسميليان ( شارع الماركات العالميه )
5_ الحديقه الانجليزيه
6_ حديقة الحيوانات
7_ حديقة الهوف قاردن
8_ حديقة الاولمبياد ومتحف BMW
9_ الذهاب الى ملاهي سكاي لاين بارك
0- زيارة حديقة وملاهي ليقو لاند وخصوصا للاطفال
1- الذهاب الى قرية غارمش الريفيه الجميله
هذا رابط احداثيات للنمسا ان شاء الله راح يفيدك كثيرا في الرحله :
https://artravelers.com/p/re/537642
هذا رابط احداثيات لميونيخ وماحولها من اعداد وتنسيق مشرفنا ابو عمر :
https://artravelers.com/p/re/432357
هاذي خريطة المترو لفيينا من اعداد وتنسيق مميزنا طائر الغربة :
وهاذي خريطة المترو لميونيخ من اعداد وتنسيق مميزنا ابو معن :

مالك حل يابو نزيه مبدع والله يوفقك دنيا واخره لانك تساعد من قلبك يكفي الاشياء اللي تحطها اتسهل على المسافر سفرته وتخليه طول ماهو مسافر يدعيلك
شكرا لك