انا جربت طيران الامارات وايد .. وما شاء الخدمه تمام فقط في درجة رجال الاعمال والبزنس
بس الدرجة السياحيه .. اشوف الكراسي ضيقة .. بس كخدمه ما شاء الله توب
وان شاء الله مسافر ماليزيا عن قريب على طيران الامارات

لا تقارن درجة رجال الاعمال والدرجة الاولى في طيران الامارات مع الدرجة السياحة الفرق شاسع وكبي ير والمدفوع في الدرجة الاولى والبزنس ايضا اكث ثر من الدرجة السياحة.
ولكن هذا لا يمنع ان الدرجة السياحة جيدة جدا مقارنة بباقي الطائرات من ناحية الضيافة والاكل والترفية للكبار والصغار.
فمثلا يوجد اكثر من 300 فلم فيديو
واكثر من 100 لعبة للاطفال.
والاكل جيد
ولكن الكراسي ضيقة نوعا ما

مشكورين على المرور وبانتظار باقى الاخوان والاخوات

حلوة و مريحة انا سافرت فيها لماليزيا مع ولدي عمره سنين و نص و تعاملهم وايد اوكي

والله طيران تتعب وانت تقول رائع..
ومن النوع اللي وسيعه صدورهم مع االاطفال..
وكل شوي مارين ومعطينهم (كوكيز) وهوت تشوكليت) ويغطونهم اذا ناموا..
والوجبه كانت في لانتش بوكس ملون حلو.. ومعه العاب..
ويوم جينا نهبط.. جاء واحد من المضيفين واخذ لكل واحد من الاطفال..صوره فوريه له..
وحطها ببرواز وعطانا اياهم تذكارات..
الله يخلف على السعوديه عسى مايطقون عيالكم بس..
والترانزيت كان ممتع مره
نزلنا على حسابهم.. اكلين.. شاربين... متمشين في فندق ملينيوم..
وتفرجنا على اسواقهم ورحنا مدينة مدهش بعد ..
هذا كله كان بالسياحي ترا..(كلاس الطبقه الكادحه)
والترفيه كان جدا شي راقي.. افلام وبرامج والعاب تفاعليه بينك وبين ركاب المقاعد الثانيه
اذكر اني كسرت راس واحد في لعبه..هانق مان..مرات متتاليه..
والتفتت عقب اباشوف منهو ذا الزلابه اللي غلبته..
لقيته هندي يضحك بوجهي ..
باختصار طيران ولا اروع.. بس مشكلته كل ماله يغلى.. ( ايقونة كوكيز وهوت تشوكلت مركبه جنحان وطايره+ وجه يراقبهم ويصيح)
تحياتي لك
تحياتي لك

الله يعطيكم العافية ارتحت اف