أكتشف العالم بين يديك
المسافرون العرب أكبر موقع سياحي في الخليج و الوطن العربي ، يحتوى على أكبر محتوى سياحي 350 ألف استفسار و نصائح عن السفر و السياحة, 50 ألف تقرير سياحي للمسافرون العرب حول العالم و أكثر من 50 ألف من الاماكن السياحية و انشطة وفعاليات سياحية ومراكز تسوق وفنادق، المسافرون العرب هو دليل المسافر العربي قبل السفر و اثناء الرحلة.
artravelers.com ..
إفادة لو سمحتوا سمعت عن شخص في ماليزيا له خبرة في بيع الساعات التقليد درجة أولى ويحضر لك للفندق ويعطيك الضمان.
ارجو افادتي بأماكن بيع الساعات والشنط التقليد درجة اولى.
نصيحه اخويه لا تتعامل مع هالنوعيه لانهم يدبلون عليك السعر ويرفعونه على اساس انك خليجي وعلى اساس انه واصل للفندق وتقليد درجه اولى ... ماكو شي اسمه تقليد درجه اولى .. الشي فقط يعتمد على انك تكون عارف تفاصيل السلعه الاصليه وتقارنها بالتقليد وتشوف الجوده ونوعيه المعدن وحتى الطباعه على خلفيه الساعه وجرب الميكانيكيه خصوصا الساعات الي تحتوي على عدادات صغيره ... في ماليزيا جرب الحي الصيني وكاسر الاسعار لان الساعات الجيده قيمتها ما تزيد عن 130 الى 150 بالكثير 200 لو كانت شي نادر ... الشنط اشكال وانواع ومثل ما قلتلك قارن بالاصلي الي لازم تكون عارفه بالاساس .. انا انصحك انك تكون عارف النوعيات الي تبيها وتروح تدور عليها .. احتفظ معاك بصور اصليه عن السلع عن طريق مواقع الماركات تحصل الصور .. خذ بالك معظم السلع المعروضه موديلات قديمه .. مثلا انا لقيت شنطه شانيل مافي فرق بينها وبين الاصليه حتى الجلد تحسه نفس الجوده وكان يقول 250 رنقت .. طلعت روحه واخذتها ب 50 تخيل !! طبعا اخواننا العرب الله يكثرهم هم السبب برفع الاسعار لان الماليزيين والتايلنديين ايضا لاقينهم يرفعون الاسعار عليهم وهم ماشالله ما يفاصلون بالاسعار ولا شي بس ادفع وامش ... المهم اذا انت رايح على بيننق راح تلاقي بالسوق الليلي على شاطيء فيرينقي بعض الانواع الجيده لكن فاصل واطلب منهم شنط الساعات الي خاشينها النوعيات الجيده لا تطالع الي معروض بس ... اهم شي لا تبين للبايع انك مهتم للسلعه بالعكس بين انك غير مهتم واذا انت متزوج المدام نفس الشي .. لا تشتري من اول لفه .. خذ كم لفه وقارن الاسعار وممكن تجي يوم ثاني وراح تلاحظ فرق كبير بالاسعار كل واحد على كيفه ... اذا انت رايح تايلاند ترى تايلند فيها احسن وارخص وما يزيد عن 1500 بات والشنط 2500 بات النوعيه الجلد ... الشي الوحيد الي حصلته في ماليزيا ارخص هي افلام الدي في دي والعاب البلايستيشن .. اذا انت ناوي لا تشتري الا من بيننق .. واهم شي انك تفاصل وتاخذ الشي بالسعر الي انت تبيه لانك فالاول والاخير غير مجبور ولا تخليهم يلعبون عليك ويغشونك ... موفق وتسوق ممتع انشالله
ابونواف 1
اخي العزيز
بالنسبة للشخص الذي يأتي للفندق ومعه الساعات هو اساسا شاريها من الشاينا تاون . وفي البداية لا يقول لك انها تقليد .. يقول انها اصلية . والاصلية معروف مكان بيعها . فلا تصدق احد . واذا اردت ان تشاهد بنفسك .. اذهب الى الشايناتاون وراح تشوف اشكال والوان . ومثل ما قال لاخوان كاسر الى اقل من النصف ولا تشتري من اول يوم فالمحلات كثيرة وكلها نفس البضاعة ومن نفس المصدر . الشنط في بينانق افضل ( السوق الليلي ) معظم الماركات موجودة والاسعار تختلف من بائع الى آخر . وانت شوف كل المحلات وكاسر . والله يوفقك .
السلام عليكم:36_1_39:
شكرا للأخ الي طرح الموضوع المفيد:36_1_11:
وأبي أسال عند أسعار الشنط والساعات درجة أولى كم تتراوح عاشان يكون عندنه خبره ؟
وشكرا:smile001:
حبيبي زي ما قالوا الأخوان ما في شي اسمه درجة اولى المقلد مقلد ماله فئات بس إنه في نوعيه تقليديه كويسه
اخويا اشترى من الشاين تاون محفظه جلد ماركة دنهل وكمان اقلام موت بلانك كانت كويسه
بالنسبة للمحفظه اخدنها بعد ما طلعنا روحه من 120 إلي 25 رينجت والأقلام نفس الشي
فالحذر من هؤلاء الأشخاص المحتالين
روح بنفسك للشاين تاون وراح تلاقي إللي يعجبك بس أهم شي لا تكون من الناس إللي يدفعوا على طول
مسوين نفسهم إنه ما تفرق معاهم خليك ( حدق على قولة المصرين )
ورحلة سعيده
تحياتي لك
مداوي الجروح --- جدة
السلام عليكم..
أحب اعطي افادتي سواء اتفق معي البعض ام لا..
تعليقي بكون على الشنط التقليد..انا اشتري كل شهر شنط تقليد وارسلها للسعودية للبيع..فاسألني عن مسألتها..
الشنط التقليد الي تباع في شاينا تاون سيئة ومن النوع الرخيص..وبالنسبة لكلمة درجة اولى ودرجة عادية ودرجة سكه هذا كلام صحيح..
فيه شنطة مثلا LV ..اجيبها لك بخمسين ريال..واجيبها مثلها ب 150 ريال..واجيب مثلها ب 350 ريال نفس الشكل والحجم والدزاين واللون..
الفرق في الخامة ..ولو افترضنا ان سعر الدرجة الاولى ( double A ) سعرها 350 ريال..هي تكون قريبه جدا جدا من الأصلية لدرجة انك لا تستطيع التفريق ..والأصلية سعرها لا يقل عن 6 الاف ريال!!
مقصدي أخي..شاينا تاون لا تستطيع أن تجد فيه الخامة الممتازة..ببساطة ممنوع!!!!
والشركات لا تسمح لها بالبيع في الشارع..الا التقليد العادي والسيء..
اما التقليد الممتاز فهو يباع من تحت الطاولات..او في محلات الجملة متخصصة ..وتكون أيضا في المخزن!
أي استفسار انا بالخدمة
اخوك محمد
مرحبا بو نواف
نصيحه اخويه لا تتعامل مع هالنوعيه لانهم يدبلون عليك السعر ويرفعونه على اساس انك خليجي وعلى اساس انه واصل للفندق وتقليد درجه اولى ... ماكو شي اسمه تقليد درجه اولى .. الشي فقط يعتمد على انك تكون عارف تفاصيل السلعه الاصليه وتقارنها بالتقليد وتشوف الجوده ونوعيه المعدن وحتى الطباعه على خلفيه الساعه وجرب الميكانيكيه خصوصا الساعات الي تحتوي على عدادات صغيره ... في ماليزيا جرب الحي الصيني وكاسر الاسعار لان الساعات الجيده قيمتها ما تزيد عن 130 الى 150 بالكثير 200 لو كانت شي نادر ... الشنط اشكال وانواع ومثل ما قلتلك قارن بالاصلي الي لازم تكون عارفه بالاساس .. انا انصحك انك تكون عارف النوعيات الي تبيها وتروح تدور عليها .. احتفظ معاك بصور اصليه عن السلع عن طريق مواقع الماركات تحصل الصور .. خذ بالك معظم السلع المعروضه موديلات قديمه .. مثلا انا لقيت شنطه شانيل مافي فرق بينها وبين الاصليه حتى الجلد تحسه نفس الجوده وكان يقول 250 رنقت .. طلعت روحه واخذتها ب 50 تخيل !! طبعا اخواننا العرب الله يكثرهم هم السبب برفع الاسعار لان الماليزيين والتايلنديين ايضا لاقينهم يرفعون الاسعار عليهم وهم ماشالله ما يفاصلون بالاسعار ولا شي بس ادفع وامش ... المهم اذا انت رايح على بيننق راح تلاقي بالسوق الليلي على شاطيء فيرينقي بعض الانواع الجيده لكن فاصل واطلب منهم شنط الساعات الي خاشينها النوعيات الجيده لا تطالع الي معروض بس ... اهم شي لا تبين للبايع انك مهتم للسلعه بالعكس بين انك غير مهتم واذا انت متزوج المدام نفس الشي .. لا تشتري من اول لفه .. خذ كم لفه وقارن الاسعار وممكن تجي يوم ثاني وراح تلاحظ فرق كبير بالاسعار كل واحد على كيفه ... اذا انت رايح تايلاند ترى تايلند فيها احسن وارخص وما يزيد عن 1500 بات والشنط 2500 بات النوعيه الجلد ... الشي الوحيد الي حصلته في ماليزيا ارخص هي افلام الدي في دي والعاب البلايستيشن .. اذا انت ناوي لا تشتري الا من بيننق ..واهم شي انك تفاصل وتاخذ الشي بالسعر الي انت تبيه لانك فالاول والاخير غير مجبور ولا تخليهم يلعبون عليك ويغشونك ...
موفق وتسوق ممتع انشالله