كلاركي
بعد ما وصلنا للفندق ارتحنا شوي ثم طلعنا لكلاركي لانه قريب من الفندق
تمشينا شوي وكان مزحووم رحنا قبل المغرب بنص ساعه يمكن
واللي ما يعرف ايش هذي المنطه بقولها باختصار
منطقه ع النهر تحتوي ع اربع اقسام بالحروف A B C D
منطقتين ع النهر ومنطقتين مو ع النهر
فيها مطاعم وبارات وجلسات ع النهر ولعبه جميله جدا بنزل صورتها
المكان صاخب جدا بالاغاني وبالليل مارحت له لانهم ما ينصحون زيارته بليل بسبب البارات
المكان فيه كم مطعم اكلهم حلال شيلز اعتقد وما اذكر الباقين
احنا اكلنا في مطعم هندي بنزلكم صورته



تمشينا شوي ثم رحنا ندور مطعم ولقينا هذا

وهذي المقبلات

وهذا طلبنا والحساب 130 دولار

ثم طلعنا نتمشى

وشفنا هاللعبه واللي داخلها يتجهزون للقفزه المميته ولاحظو انه حاط يده ع راسه

طارو

وهذي اللعبه اللي بجنبها واكثر خطوره منها

طارو طارو خ

انتهينا من هاليوم ورجعنا للفندق وغدا الى سنتوسا

سنتوسا
طلعنا من الفندق الصباح بدري عشان نحاول نغطي سنتوسا واليونفيرسال ستديو
الفكره بالاول نبدا في اليونفيرسال ثم نروح لنشاطات الجزيره
الوقت ما اسعفنا للاسف والتعب اهلكنا مع العلم ان الوقت طويل جدا بس حر والشمس والتعب واحنا عائلتين فعائله ملو وانا باقي ما ملينا ولكن تعبنا
فنصيحتي للي بيروح سنغافوره يكون يوم للجزيره ويوم لليونفرسال استديو
اخترنا طريقه الذهاب بالتاكسي اسرع واريح وخصوصا انها اول مره لنا
واخذ مبلغ بسيط ما اذكر وشغلهم كله عداد .. والوقت ليست بعيده ابدا
بالنسبه للي يقولون سنغافوره غاليه انا اشوف انها ليست غاليه جدا بل اسعارها معقوله ربما سنتوسا غاليه التذاكر فيها اما اسعار التاكسي والمطاعم كانت معقوله .. الفنادق غاليه نوعا ما
وهنا صوره واحنا على مقربه من سنتوسا

احنا جينا مع تاكسي ودخلنا للجزيره وكاننا جاين من القبو مو فاهم السالفه واذا تبي تطلع لليونفيرسال تطلع بالدرج الكهربائي مع ان المكان اللي دخلنا له مفتوح ونشوف السماء ..

اكثر الاقسام اللي جذبتني العابها
قسم المتحولون اللعبه فيه خطيره ولازم اي واحد يروح يجربها وفيه لعبه ثانيه بس مقفله ..! وفيه لعبه اللي نزلتها فوق الصحون الصفراء
قسم الفراعنه اللعبه فيه موت لازم تجربونها
قسم الدينصورات كبير جدا وفيه العاب كثيره وكلها جميله وفيه مطعم حلال بس مدري ليه هالقسم ما صورت فيه من المتعه نسيت
قسم المتحولون



وهذي اللعبه وبسرعه صورتها قبل نبدا ....

لا اعلم ما هو سر البرود في مواضيعي وقله التفاعل والرود
عموما المتبقي جزء المارينا فقط وسوف اقوم بإنزاله قريبا باذن الله ما اقدر اقول انتظروني لان شكل مافي احد بالموضوع قاعد ينتظرني ..-_-

تقرير جمييل جدا ...مع ذكر اهم وابرز النقاط عن سنغافورة
الالعاب في اليونيفيرسال فعلا كانت زحمة ولكن كان السير يمشي سريعا
الالعاب جدا ..رائعه
سنغافورة تجربه ممتعه ولكن لم ارتاح نفسيا فيها عكس ماليزيا
رغم ان شعبها ودود وراقي جدا ف التعاامل..
ف انتظار جزء المارينا

الله يعطيك العاافية ..
بعد اسبوعين بكون هناك إن شاء الله استفدت كثير ..

ثامر888
فعلا سنغافوره ليست مثل ماليزيا في الراحه النفسيه الله اعلم ما السبب..؟
اليونفيرسال استديو كانت جميله وممتعه جدا جدا وكانت تجربه جميله جدا
شكرا لك ع المرور واخيرا شفت رد وتعليق في تقريري ههه

ITTI_FOR_EVER
الله يعافيك شكرا لك ع المرور ... بالنسبه للمارينا بانزل التقرير قريبا باذن الله ثاني رد تستاهل هديه ههه

المارينا
السلام عليكم ورحمه الله وبركاته
عدت من جديد
حجزنا في فندق مارينا باي ساندز الغني عن التعريف عالميا
الفندق اشتهر في سنغافوره وكل من يزورها سيكون لهذا الفندق نصيبا من زيارته
اخذنا حجزنا فيه لليله الاخيره في سنغافورا وليتها كانت ليلتين وليست ليله
الفندق جميل جدا واخذ حقه في تقارير الاخوه مثل ابو سعود وغيره وتقريري سيكون تكميلي وتوضيح بسيط لما لم اراه في التقارير الاخرى

حجزنا الليله في اقل الغرف مقاما
بقيمه 1470 بالريال السعودي شاملا للضرائب والخدمه
كان تسجيل الدخول في اخر برج في لوبي صغير .. قدمو لنا العصير البارد وعملنا التسجيل ووصعدناا للغرفه
والشناط كانت صغيره ولكنهم قالو نحن سنقوم بايصالها ولم تصل الا بعد ساعه وعليها مما ضيع علينا الكثير من الوقت
ولم نستطع زياره الحدائق المغلقه من الخخارج بمثل الزجاج
عندما وصل الموظف الخاص بتسليم الشنط قدم اعتذاره الحار ورحمته بصراحه لكثره الشناط بالعربه وهو الوحيد الذي يقوم بايصالها
نعود للفندق
هذا الممر وكنا بالدور السادس ..>يا رداءة حظنا










لن اتكلم عن الغرفه سادع لكم باقي المزايا كمفاجاه اذا وصلتم هناك
لكن ملاحظتان الاولى الغرفه ليس بها بانيو لانها الاقل سعرا
ثانيا الموجود بالثلاجه بمجرد تحريكه سيتم خصمه وذلك مكتوبا على الثلاجه بالعربي ايضا