الحمدلله على السلامه بنوته بحرينيه
لاتنسينا في التقرير الله يخليج وخصوصا الصور ونبي نشوف سنافوره وخصوصا جزيره سانتوزا الجميله
متابعين معاج التقرير

الحمد الله على سلامة الوصول بنوتة بحرينية
وان شاء الله استانستي في سنغافورة
انا رحتلها من اربع سنوات وعجبتني وايد
وسجليني من المتابعين
اختج البدوية

الحمد الله على السلامه نحن في انتظار الصور والتقرير
سنغافورة من احلى البلدان الي زرتها اخر زيارة كانت في 2005

1. http://www.alayam.com/features/Currency.asp


2. اسواق :

مشكورين ((ناصر كويتي - بدوية - ام محمد) على زيا رتكم ....... واسفه على التأخير و السبب صخونة السفر و التعب.
المهم انا ماعندي صور وايد لاني ماكنت رايحه سياحه ولاكن كنت في رحلة علاج حق اخوي.... المهم انا انبهرت يوم نزلت سانغافورا بلد جميلة بمعنى الكلمة منظمة والنظام يمشي على الكل مافي عندهم هذا ولد ناس او ولد التاجر الفلاني او ولد وزير..... الكل يتبع القانون.
انا راح اتكلم عن سنغافورا عامة لكن الي راح اقوله ماخذته من كتاب او تصفحت على الانترنت ولكن هذا الي سمعته وجفته بعيني و لمسته من المواطنين:
سنغافورا عبارة عن جزيرة تقع جنوب ماليزيا، شمال اندونيسيا بلد صغيرة جدا تقدر تلفها كلها في ساعة و لكن الزحمة تحدك، مساحته تقاريبا 600 الف كلم/مربع ، سكانها تقريبا مليونين، السكان الاصليين هم الماليزيين و يسمونهم ((ملي)) طبعا مسلمين ولاكن الدولة الحين ليست مسلمة بعد ما اعلنت استغلالها عن ماليزيا، والنظام في الدولة نظام بريطاني بحت، بعد ما الصينيين دخلوا البلد من زمان و معاهم الهنود بهدف الدفاع عن اراضي سانغافورا صاروا خليط و ضاعوا السكان الاصليين بينهم و صاروا خليط حيث انه يمكن تلاحظون الحين رئيس الدولة من اصل هندي و رئيس الوزراء من اصل صيني، المهم فوحدوا اللغة بينهم وعتمدوا اللغة الانجليزية كلغة اساسية و اللغه الفرعية هي نطق لسان الشخص اي اللغة الام للشخص.
الشعب السانغافوري شعب مسالم كل واحد بسبحانيتة مالهم شغل باحد، ومتعددين الديانات ولاكن لاحساسيات بينهم، الشعب عاما مثقف بنسبة 95%.
هذي كانت مقدمة عن سانغافورا... اما بالنسبة الي الامور السياحة راح اقولكم عنها الاحين:
اول شي العملة: دولار سانغافوري = 240 فلس بحريني = 2.3 ريال سعودي = 2.3 درهم اماراتي = 190 فلس كويتي واذا تبون تعرفون المزيد عن تحويل العملات اخلو على هذا الرابط:

http://www.alayam.com/features/Currency.asp

اسواق :

طبعا التوق في سانغافورا شوي غالي حيث اني مانصح بالتسوق فيها لاكن اذا انتوا تحبون تتسوقون فيها فاني انصح بمنطقة بوقيس حيث الاسعار هناك جيدة لحدا ما من باقي المحلات... ملاحظة كل الاسواق في سانغافورا تبيع نفس البضايع و لاكن باسعار متفاوته مو بالشي البسيط ولاكن مبالغ فيها حيت اني لاحظة في احد المحلات في منطقة راقية تي شيرت قيمتة 180 دولار سنغافوري ولا كن في بوقيس حصلتة 28دولار سنغافوري.
ايضا هناك اسواق اخرى في شارع اورشد البعض غالي و البعض جيد ولاكن انتبة للبضاعة لانة البضايع عندهم كلها مصنوعة في الصين حيث من الضرائف الي مرة علي في ((محل اولدوا)) طبعا اولدوا بضاعتة ايطالية 100% ولكن لمة نظرة حق ((وانتوا بكرامة)) للحذاء من الداخل مكتوب علية صنع في الصين ههه، طبعا مو الدوا بس حتى زارا و ماركسبنسر وغيرهم يعني نصيحة الماركات العالمية انسوا تشترونها من هناك.
ادري انتي طولت بس هذي مو النهاية انتظروني وانتظروا الصور........

شكرا لك يا بنوتة البحرين ، وننتظر المزيد

1. تحياتي لك يا بوشرف


2. صبحكم / مساكم الله بالخير جميعا


3. نصائح عند زيارتك سانغافورا:


4. المواصلات:

تحياتي لك يا بوشرف

صبحكم / مساكم الله بالخير جميعا

بالأمس ذكرت لكم عن الشعب السانغافوري و الاسواق لكن مو هذي النهاية .... قلت لكم نطروني ..... المهم باكمل لكم عن الاسواق الموجودة في سنغافورا بالنسبة لاسواق بوقيس ترى ما اقصد المجمعات اقصد البسطات الي تكون بالشارع او المحلات العادية تراه موجوده بالقرب من مطعم برجر كينج و كنتاكي .... إذا ضعتوا اسألوا عن Kfc ومابيقصرون معاكم ......المهم عندكم بعد مجمع سان تيك موجود هذا في منطقة سيتي هول ...غالي نوعا ما ... بس حلو ... كذلك اسواق في منطقة ريفر سايد هم حلوه و اسعارهم شوية غالية...
نصيحة: التسوق في ديرتك احسن لك من سانغافورا لانه كل البضايع مصنوعة في الصين و فيتنام و هونك كونغ و ضرائب الحكومية رفعوها من فبراير 2007، سانغافورا تصلح بس حق تغيير جو و اكتشاف بلدة يديدة ... مع انه الاماكن السياحية قليلة و محدودة فيها و السبب صغر البلدة، اذا انت زرت ماليزيا راح تجوف الفرق بين ماليزيا و سانغافورا، انا شخصيا زرت ماليزيا و تمتعت فيها اكثر من سانغافورا.
المناطق السياحية: هناك مكان واحد عجبني في سانغافورا من الناحية السياحية جزيرة سانتوسا، حيث انها جزيرة منظمة بحيث انه فيها منتجعات سياحية روعة منتوزعة على الجزيرة، التنقل داخل الجزيرة بواسطة باصات صفراء حيث انه كل باص له وجهه معينه و الباصات مسمية بالالون مثال: الخط الاحمر و الخص الاصفر والخط الازرق و........وكل خط يوقف في محطة معينة حسب النظام الموضوع من قبل الادارة...ملاحظة: اول ماتوصل جزيرة سانتوسا روح حق مكتب الاستعلامات و استفسر عن الباصات و التوقيت حق كل باصات لانه لهم وقت محدد، اما بانسبة للفنادق هنا فهي نوعا ما غالية.

نصائح عند زيارتك سانغافورا:

انا من ناحيتي افضل اذا نويت زيارت سانغافورا فلا تتعنى من ديرتك تروح بس سانغافورا و لكن زور ايضا ماليزيا على الاقل......تخليها اخر محطة لك بعد زيارة ماليزيا او اي دولة مجاورة.... وخل لك ميزانية عدلة لها حق وناستك و الراحة و الاستجمام.

المواصلات:

هناك الكثير من طرق المواصلات ....و الناس تبي الاسرع لها.... التكاسي متوفره بكثرة والناس كلها تستخدم التاكسي في الديرة لانه الاسرع و اسعار التكاسي تتراوح على حسب العداد لاكن انا ماذكر دفعة اكثر من 25 دولار سانغافوري يعني مشاويري ما كانت بعيدة وايد بس حسب اعتقادي واذا ماخاب يعني اسعارهم ما تتعدة 30 دولار سانغافوري، وهناك ايضا القطارات يسمونهم M R T استعملته يمكن 3 مرات تجربة حلوه بس احيانا يكون مزدحم و يتأخر ....لازم تجربونه عشان تحسون بانكم سويتوا شي في سفرتكم و اذا تبي تتعرف على المحطات الي يوقف فيها القطار استفسر عند استعلامات المحطة، و على فكرة القطارات لها 3 خطوط رئيسية في الدير الخط الاخضر و الاحمر و البنفسجي.....واما بالنسبة حق الباصات فما أنصح فيها بتاتا جرب الباص مرة و ندمت... كله هنود.
اما بالسبة عن الصور راح اخليها في التقرير الياي لانه بصراحة حصلت شوية صعوبة في تحميلها واذا في احد يقدر يساعدني باكون له مشكورة
انتظروني في التقرير الثالث مع الصور انشا الله.
يمكن ماغطيت بعض الاشياء ....اذا في أي استفسار فهذي انا عندك.
تحياتي لكم جميعا

ماشالله عليج يابنوتة
ذكرتي في التقرير اشياء مهمة ودقيقة
تسلمين
بس
وين باقي التقرير
أنقطعتي فجاءة عسى المانع خير يارب
واحنا في الانتظار
بس الاهم سلامتج