هلا والله ام حسون ..
ننتظر بقية التفاصيل لا تحرمينا المتعة خصوصا مع الصور
ابو عمر ,,

ممكن تستخدمي القطار في التنقل من الميجا مول إلى شارع العرب
اركبي القطارKTM من الميجامول إلى KL central اخرجي من مطار القطارات واركبي ال monorail إلى المحطة اللي تبغيها في شارع العرب وماراح يكلفك أكتر من 2.5 رنجت للنفر وممكن تسألي هناك إذا شرحي مو واضح
وخلال ربع ساعة أو أقل حتكوني وصلتي
أسرع بكتير من التكاسي
واستمتعي بالفندق لأنه رائع والمكان جميل جدا

الطموحة
مشكورة الاخت طموحة على هالمعلومة الجيدة لكن كان معانا يهال وما ادراك ما يهال طلعوا روحنا اللة يحفظهم فطحنا احنا في التاكسي*

1. عشق وشجون

عشق وشجون

السلام عليكم مرة ثانية راح اكمل في اليوم الثاني رحنا الى حديقة الحيوانات وشفنا الحيوانات الجميلة حسون استانس عليهم وايد وقام ياكلهم وفي حديقة الحيوانات سيارة توصل كل مكان في الحديقة واحنا كنا ننزل في مكان مثل محل العسل واشترينا وخلصنا تجي السيارة وتاخذك وتنزل ناس غير وهكذا ...... المهم شفنا كل الحيوانت تقريبا اللي عمري ما شفتها وصورتها فيديو وديجيتل بس ما اعرف اشلون انزلها* من ساعه نزلت صوة في معرض الصور بس اشلون انزل مع التقرير ما اعرف يا ريت احد يعلمني!!!!!!!!!!!!!! واحنا نتمشى في الحديقة طق علينا المطر واو شي عجيب ومن لوناسه قمنا نركض في المطر والعيال يركضون ويلعبون ......تبللت ثيابنا والليل حل علينا فاقترح بوحسن ان نروح شاينا تاون السوق الصيني علشان نشتري ثياب جديدة ونلبسها وخاصة ان الفندق بعيد نص ساعة عن شارع العرب خذينا تاكسي سايقه صيني اللة لا يوركم اشلون نفسه خايسة وينبح طول الطريق ويتحرطم يعني يسب ويلغن يقول هذا عرب موزين كله يسوي اشياء موزينة في ماليزيا* وهو قاعد يسب ويلغن لين وصلنا السوق الصيني وخذ منه ولد ابليس اجرة التاكسي 25 رنجت مع انه قريب من الحديقة المهم دخلنا محل ملابس واشترينا ثياب ولبسناهم في المحل انا وبوحسون وحسون واختي وعيال اختي وبصعوبة لين حصلت مقاسي لان لو تشوفون اجسامهم البنات كانه يلبسون مقا 8 يعني بنت عمرها 8سنوات واهما يشوفونا ويقولون ماشاللة شنو تاكلون في الخليج مع اني مو مليانة بس عندهم انا دبدوبةبس السوق ما عجبني كلج اللي اخذته شنطة سفر ونزلت السعر لين اخذت السعر اللي انا اريدة وعلى فكرة السوق كلة صينيين ينبحون كانهم كلاب وكلة يقولون انتوا عرب وايد فلوس حسبي اللة عليهم عيال ابليس وشرينا اشرطة بلايستيشن لكن الحمار الصيني ما خفضنا وقاعد يتكلك عنا مع صديقة ويطالعنا بنظرة الحمار............طلعنا من هالسوق الخايس اللى لا يرويكم روائح خايسة واكل خايس يجيب اللوعه بس الفواكة كانت زينةالى اللقاء ان شاللة اكمل لكم البرنامج واقول لكم شنو صار فينا ؟؟؟؟؟؟؟؟؟؟؟؟؟؟؟؟؟:8888:

:8888::8888:السلام عليكم مرة ثانية راح اكمل* لكم* اليوم الثالث اللة وفقنا في سايق هندي بوذي بس حخوش رجال انسان محترم* انصحكم* تاخذون تاكسي السايق هندي معاملتهم وايد زينة ..... اشلون عرفت انه بوذي مو مسلم لان من تدخل التاكسي تشوف حاطين صنم بوذا اللة يخسة المهم قلنا له نبي نروح الشلالات فقال لنا انه بعيدقلنا اوكي ودنا هناك ومرنا على مجمع اللي وسطة نهر نسيت اسمه رحنا الشلالات وكانت عجيبة لكن لازم تصعد لها بالدرج واكن متعب اللي ما عندة لياقة راحت علية تمشي على الدرج وتشوف هالسيابيل يعني القرود حواليك لا ويبوقون الاكل من عندك واذا ما عطيتهم يهجمون عليك خذوا مني العصير وما تهنيت فية المهم ركبنا لين وصلنا الشلال اه علل ى الشلال للحين صوت المياه ترن في اذوني وتسبخوا اليهال وبو خسن طبعا تسبح وكان في وايد خليجين سعوديين معاريس وعوايل اللة على المعاريس يونسون كله لاصقين في بعض وبعدين رحنا على المجمع اللي وسطة نهر وهني قلنا حقالسايق الهندي روح وتعال لنا بعدين قال ما ا قدر وراح ينحسب علينا فلوس قعدته قلنا له اوكي خلاص عطيناه فلوسة وراح وتذكر زوجي انه نسينا اغراضنا عندة اتصل فية وقال له جيبهم* كان ولد حلال جابهم وشكرة زوجي على تصرفه الزينالمهم المجمع ما اقدر اوصفة جمال في جمال في جمال ما اقدر شنو اوصفه حذينا قارب* يفرجنا على النهر وكوالامبور وكل شي ما اعرف اوصف لكم شنو شفت بس القارب وصلنا الى النهر وبعدين ما شفنا الا والقارب ينزل بطريقة عجيبة ويوصلناالى البحر وتفرجنا على كوالامبوروالتماسيح* بعدين رحنا حديقة في المجمع ما دي شنو اسمها وكانت الساعه 8 ليلا ما لحقنا نشوف العروض اللي فيها ما عدا العرض الماليزي عن ماليزيا وقصة الصراع مادري مع من؟؟؟؟ كان العرض وايد حلو بس انصحكم الحديقة ما فيها شي الا هذا العرض وبيت الثلج حيث تدحل وتلبس ثياب شتوية وتشوف الثلوج كان حلو حيل بعدين طلعنا من الحديقة ودخلنا المجمع علشان نتعشى وحصلنا مطعم هندي زين لان خاطرنا في عيش(رز)تعشينا ورجعنا الفندق على فكرة ماليزيا سميتها السعودية من كثر السعوديين اللي فيها شي غير طبيعي عوايل ، عرسان كل صنف ولونعلى فكرة قبل لنروح المجمع الاخ الهندي راعي التاكسي ودانا معبد بوذا شي عجيب صعدنا 200 درجة حتى وصلنا الى التمثال وحيث يوجد حيوانات زاحفة تخرع تقدر تصور معاها بفلوس صورنا معاها من بعيد بكاميرتنا على فكرة وانا اصعد على السلم بغيت اموت من التعب وكانت بقربي ماليزية عجوز تشوفني متعجبة اني تعبانة لانها تصعد الدرج بكل خفة ورشاقة وانا شابة كل دقيقة ارقعد ارتاح وحبايبي القرود يقعدون معاي واذا مشيت يمشون معاي وما شاللة على بوحسن يصعد بخفة هو والعيال واختيعلى فكرة هذي المعبد اكبر معبد في العالم ويقصدونة للحج من جميع انحاء العالم البوذيين طبعا ؟؟؟؟؟؟؟؟؟ والله هذي ماليزيا* تحير كل شي فيها مساجد معابد كنائس!!!!!!!!!!!!!!!!!!!!!!!!!!!!!1با اي الحين القاكم بكرة مع حبي للنتدى واللي فيه واللي يحبه

الحمد لله على السلامه
لوسمحتي عندي بعض الأسئلة
انا حاجز من الرياض لكولمبو ثم كوالالمبور
كيف الطيران السيريلانكي وتعاملهم وكيف الطعام في الطياره وهل يصلح للأولاد خاصه معي طفلين 5سنوات و6 سنولت
ومتى اعطوكم كرت الدخول لماليزيا قبل الترانزيت أوبعد الترانزيت
وتقبلي مروري

abodi2008
هلا واللة بولد باخوي عبودي ولد العم* بالنسبة للطيران ا لسيرلانكي وايد ممتاز وهو تابعا للطيران الاماراتي* الخدمة ممتازة والكراسي مريحة هذا من رأيي اللاكل والله ما اdدري ليش اقول لك يعطون عيش ودجاج لذيذ او عيش ولحم يعني اوكي الاكل بس لاطفال ما اعتقد يناسبهم انا عيالي ما اكلوا كثير فوديت معاي شنطة اللة لا يرويك شكبرها فيها مالذوطاب حق الاطفال الحلوين من شبس وعصاير وشكولاتة طول الطريق ماما عطينا شبس ماما عطينا عصير جننوني !!!!!!!!!!!!في رأيي احمل كيس معاك فيها اكل لزوم الطريق* والله يعينكم على الطريق لان راح تنزلون كولومبو* وراح تشوفون تمثال بوذا الله يعزك اول ما توصلون المطار* ومطارهم اوكي وايد زين* .................زبالنسبة للفيزا اظن من كولومبو الى كوالامبور لان الله يسلمك يا عبودي المسافة امكن ساعتين الى كوالامبور ما اتذكر لاني نمت خ حتى وصلنا من التعب ...... رحلة سعيدة انشاللة ولا تنسانا بالدعاء وتحمل على ام العيال و ايد* مع حبي وتحياتي

c a n d l e
هلا وغلا ببوعمر على عيني ورأسي راح اكمل لكم القصة وما حدث لنا في ماليزيا بالنسبة للصور يا طويل العمر ما اعرف كيف انزلها مع التقرير ترى انا عندي تخلف عقلي في النت اللة لا يهينك ودمت اخ عزيز وغالي وانا احب هالمنتدي كثير عاشقة له بلا حدود*

هلا والله كيف الحال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ راح اكمل لكم اليوم الرابع رحنا اللة يسلمكم جنتنغ خذينا تاكسي وكان السايق هندي وشاب صغير هو كان ارخص واحد ...... ودانا فندق فيرست ورلد لان اختي وزوجها ساكنين هناك مع عيالهم والفندق وايد كبير وايد وايد ركبنا فوق الغرف كانت حلوة زينة يعني وتشوف الغيوم من الغرفة بعدين رحنا الى مدينة الالعاب وهي قريبة* من الفندق او اصلا الفندق يحتوي على مدينة الالعاب وهي تنقسم الى قسمين العاب داخلية( ان دور)بالانجليزي والعاب خارجية ( اوت دور)in door out door واذا تبي تلعب خارجية تدفع مبلغ 47رنجت للكبار 24 للصغارونفس الي حق الداخلي واذا تريد الاثنين تدفع الضعف المهم احنا يبغينا خارجي لان احلى وحقيقة الالعاب شي ما يوصف لعبنا مع العيال القوارب والسفينة اللي تودي فوق بس خرب علينا الامطار كان يطق بطريقة عجيبة وكانوا يوقفون الالعاب واذا وقف المطر يفتحون الالعاب واذا طق المطر يوقفون الالعاب لين تمللنا وبعدين رحنا داخل* وكان مجمع يحتوي على كل شي من مقهى عربي ومطاعم ومحلات تجارية احنا قعدنا نأكل في مطعم بيتزاهت والشباب زوجي وزوج اختي راحوا مقهى عربي...................اقول لكم شي اللي ما تشوفونه في الديرة راح تشوفونه في ماليزيا في ناس سنين ما شقتهم شفتهم في جنتنغ وناس في بيننغ وفي فوق الطابق الاول بيت الثلج عجيب وايد تدخل بتذكرة اظن 50 رنجت للكبار وايدحلو المكان خاصة للاطفال ما اطول عليكم .................زالساعه 2 ليلا رجعنا الفندق على فكرة كان سايق التاك:bounce8:سي ماليزي اصلي مالاوي كان يسوق فينا بسرعه جنونية والشارع رايح جاي يعني شارع واحد واخنا ميتين خوف وهو ولا يهمه شي يقول اشفيكم خايفين مع السلالالالالالالالالالالالالالالالالالالالالالامة وامانة الله تحفظكم لا تنسوني بالردود*** يا احلى ناس .........بكرة راح اقول لكم رحلة بيننغ تصبحون علي خير