مرحبا أخي الفاضل :-
شوف أقترح عليك ( سنغافورة ) لمده 10 أيام
وبالطريق للعودة المكوث بمدينه دبي لمده 5 أيام
والمبلغ كافي بأذن الله تعالي ،،،
وألف ألف مبروك مقدما تحياتي لك ،،

حبيب قلبي
يعطيك العافيه لكن سنغافوره مارتحت لها
اشكرك من كل قلبي على ردك
لكن ابي اسال الي سافروا فرنسا تتوقعوا هالمبلغ يكفي ل 15 يوم بفرنسا

اخي سفير تبوك الميزانية ممكن تكفيك عشرة ايام في النمسا لانه شهر عسل ولازم تصرفوا براحتكم والنمسا حلوة واجوائها جميلة بس فرنسا اعتقد اغلى منها

أبن السعودية
؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا يوم قريت ردك ماصدقت
اشدعوه 10 ايام سنغافورة يعني سوري اخوي بس هل انت زرت سنغافورة من قبل ولا لا
لان سنغافورة اصغر من البحرين اتلفها كلها ب 20 دقيقه وايد عليها 3 ليالي بس
هي حلوة وراقيه وانا يعجبني سوقها بس اشدعوه 10 ايام يعني اذا بمددونها حدها 5 ايام بس لا اكثر
وحتى دبي اشدعوه 5 ايام دبي مافيها غير المجمعات وهاي شبعانين منها بلخليج ممكن يمرونها يومين بس اكثر من يومين لا
بنسبة لدول تقدرين تطلعين الى ميونخ وبعدها زلامسي وبعدها فينا وبتكون رحله حلوة
بس للعلم شهر 3 برد وينزل ثلج انا السنه الي طافت شهر 4 نزل ثلج في بريطانية وبعظ دول اوربا
فمادري اشلونكم مع البرد
الميزانية نوعا ما زينه لو ظبطوها اشوي
انا اقول اذا ماتحب البرد روح شرق اسيا ماليزيا وسنغافورة
او روح الصين شنغهاي وهونغكونغ وكوانزو
وابي اعرف ليش استبعدت ماليزيا وتركيا
وممكن اتروح بيروت ولا مصر لانهم حلوين بهلجو
وادفى اوربا هي اسبانيا وايطاليا
وبنسبة ففرنسا اغلى
وبقولج اغلى دولة في اوربا هي لندن وهي ثاني اغلى بلعالم بعد اليابان
وبعدهم فرنسا وبعدهم البقية مثل النمسا وسويسرا والمانيا وبلجيكا بس المانيا وبلجيكا يظلون ارخص من الي قبل بس اكيد مافي فرق وايد بعد توحيد العملة الي هي اليورو
تقريبا هاي الي اقدر افيدك فيه
وانت استشير واستخير واي استفسار احنا بلخدمة

سفير تبوك شكرا على الموضع
صراحه انا بعد كنت ابي انزل موضوع نفس الشي ,, لان عندي نفس المشكله
حلو ومدلع شكرا على ردك حيل فادني

نجمه
افا عليج اختي يا غالي والطلب رخيص
واي استفسار احنا بلخدمة
ومثل ما اقول اتمنى من الكل قبل لا يحط لنا موضوع يكتب بعض الاشياء مثل
الميزانية عدد الاشخاص وقت السفر مدة السفر والدول الي سبق وزارها
علشان نقدر احنا انفيده وهو بعد يفيد نفسه
تحياتي